كانوا وحوش صعرانه لابسين قناع حملان
أتفقوا وسط الغابه ميرحموش أنسان
مشيوا فى طريق الشر قالوا الكلام ما يُسر
هانحارب اللى ينفع ونساعد اللى يُضر
لازم مفيش غلابه يعيشوا يوم فى أمان
ده أحنا بطونا جعانه عالفاضى والمليان
الخطة ماشيه تمام حاسين بنشوة نصر
وفى يوم من الأيام حضر اللى سيفه حر
صاحوا نباح وعداوه أترددوا فى الفر
ضحكوا بوش طيابه .. بالحضن يا نُعماااان
تعالى وأمشى معانا يا بختنا يا جدعاااان
رد الشريف .. دى خيانه ده نصركم أوهام
ده أنتم وحوش صعرانه هاتحبوا يوم أنسان !؟
اللى أتفق عالشر هايصيبه كُن فيكون
بينا وبينك بحر يغرق اللى يخون
ويكون طريق فى البر وما يمسنا من ضر
هاينقذ صحاب الحق وكل الصعاب هاتهون
واللهى جل جلاله هايجازى أهل الصبر
وانا زيهم غلبان هامشى بكل أمانه وإن كان فى عز الحر
ده أحنا نفوس شبعانه ورضينا باللى كان
وأنتم قلوب ولعانه وأقرب ماليكم هاااان
أخترتم الخيانه وكل اللى منكم خان
وهافضل أنا نعمان وزيى كتير فى الجى
كلتوا الحرام والني ده عدل الله حى
يقدر فى لمح البصر ينهى جحود الشر
دى حكمته يا ديابه له نهايه كل جبان
انتم وقود للنار وياكم والحجارة فاهمنها تبقى شطارة؟
الحق حق الله وعليه عيون سهرانة
قرأنه منهج صدق ونبينا جه برسالة
توبوا قبل ما يفوت الأوان الجنه أبقى من دنيا فيها شيطان
هما البشر طمعانه لبسوا قناع حيوان !!؟
كرهوا الحلال والحق ده صاحب القناع خسران
نهايتهم أكبر صدمه ماكنتش فى الحُسبان
أما اللى عاش بضمير فى الجنه بيه كسبان
فى الدنيا والأخره وفى كل خير إن كان
" سيف الحق "
