أيوة خسرت فى كل شىء بعلن هزيمتي
كان فى حلم جوايا أتقتل كان إيه جريمتى
كنت بعافر فى الأمل كنت جريئ
انا اللى كان مشروع بطل شايف بطولتي
كنت الجبل اللى تحمل مسؤولية القريب حتي الغريب
كنت قوي لاكن برئ
أيوة خسرت فى كل شىء بعلن هزيمتي
عادى البلاء دايماً يكون زي الحريق
عشت معارك كل يوم أنام وأقوم شايل هموم
عندي يقين ف بكره أجمل هايجيلي خالى من السموم
فعلاً نجحت فى وقتها وف حروبي كلها إلا فى حبيبتي
معركتها وحدها قلبت حياتي بحلمها وكل معاركي لأجلها أسباب خسارتي
وعن حبها أهو راح بقي ومع الأسف كان كل ضعفي
بعلن هزيمتي وأنسحابي مبقتش قادر ع الحروب
ماهو اللى يستاهلك أكيد.. هايكون معاك مش مره جنبك وعشره يستعمل ظروفه وميت طريقة فى الهروب
ضحيت عشانها بكل روح كانت منين ما اروح
فوقت لما زي النهاردة أدركت فعلاً حكمه ومعادلة
تعمل عشاني زي ما بعمل عشانها والنسبة شرط تبقى عادلة
المسألة والفكرة سهلة المثل مثلة فى القلوب
مش ناس تعاني وناس تضحي بكل حاجة وناس قصادها تبقي عادي مشاعرها باردة
يمكن مكاسب أني خلاص بطلت أحارب
من أجل حد أكرملي بنفس أفعالة أعادله
و بحجم الأهمية أبادلة
دنيا عجيبة تدي اللى باع أسباب لبيعة
وتبيع بلاش كل اللى شاري
ماهي مش سوية أحسن ما أقول بعدين ياريت
دلوقتي فعلاً واعي لقراري
وعمتاً مات اللى فات يلا بقى أهي جت سليمة
قبل ما أوقع على أقرار هزيمة
انا لسه قادر أنهي إذية حاجات قديمة
وعادي جداً خسارة مرة دي مش جريمة
هاقول لنفسي متحزنيش لو يوم خسرتي
أنتي العزيزة متزعليش ياما قدرتي
ده الصبر حكمة ونتيجتة حاسمة
في الصمت رؤية فى اللى مر واللى جي
بوعدك الفرحه جايه واطمني هاتكوني راضية
و م اليوم ورايح كله يهون إلا كرامتي
ده أنتي اللى باقية وبصفتي وحضوري وشخصي
ومن النهاردة هأعوضك وألقبك بأنك
حبيبيتي
أقرار هزيمتي
قوي أرادتي وأحيا عزيمتي
" أقرار هزيمة "
