بسم الله الرحمن الرحيم
#في_قلبي_عسكري 🥀
المقدمة✨
نعرفكم على فاطمة ح تقابلنا هلبا فـ القصة لان هيا يلي بنحكو قصتها وفاطمه عمرها 19 سنه من سكان الجنوب قصيره وشعرها طويل وملامحها ع الأسود وشخصيتها عسل✨
الاب :عماد 52سنه
الام: فرح 52سنه ند بعض ماتستغربو
وعندها 2 خوات بنات
منى 27 سنه ونهال 12 سنه
و4 خوت ولاد
سيف 32سنه وأحمد 30سنه وعمر 17سنه ومراد 10 سنين
"خلينا نبدو القصة أستمتعو "
زي كل مره
عماد: كله منك ومن بناتك ماتعرفي تربي
فرح:شن دخل بناتي ف النص وانت مايعجبك عجب
عماد:زيدي علي صوتك مزال
فرح :ياودي خلاص
عماد :توا نوريك نا
ومسك نهال وفاطمه ضربهم هما مادخلهم بشي بس ان الاب مايحب البنات ومتمني خلفته كلها ولاد بس ربي ماكتب
بو فاطمه كان متحفظ هلبا ع البنات ومايحب بنت تفتح نت او اي شي بس هك بس فاطمه ومنى كانو فاتحات بالسر
هدي عماد وجي الليل وتعشو وخشو لديارهم
عماد&فرح
عماد:البنت لازم تشتغل علاش متخرجه مالا
فرح:خليها هك متريحه البنت غير هك ماناقصنا شي والحمدلله
عماد:كيف ماناقص شي لا نبيهم فلوسها نلقو نشرو بيهم اي شي نبوهو فلوسها نلقوهن لقدام
فرح: انت الله يهديك الطمع مالي عيونك
عماد: لا مش طمع نفكر لقدام انا مش زيك
فرح: ربي يهدي وتغطت ورقدت
عكس عماد يلي مارقد وقاعد يفكر فـ العمل متاع بنته
يوم جديد 8:00ص
ع طاولت الفطور
عماد:منى يابنت انتي قداش ليك متخرجه ومكسده ف البيت لهك قررت تخدمي ع راسك
منى بفرحه: اي تمام ووين
عماد : ماحصلتلك عمل هنا بس فيه راجل صاحبي حصلك خدمه في سرت وبتخدمي غادي
فرح: كيف كييف بنتي بتتغرب علياا
عماد: لاتتغرب لا شي توا نمشي معاها انا او خوها أحمد ونشوفو الوضع كان ناسب وسخر ربي نأجرو وبعدين اهي سرت مش بعيده ره
فرح لوت وجها لان عارفه راجلها ف شن يفكر
منى: خلاص تمام يابوي ان شاء الله
أحمد : قصدي انا بمراتي وبنتي مانلايم مشي وجي
عماد: بنتي توا نمشي معاها انا
منى اضايقت بحكم بوها عصبي فـَ عارفه ان ح يهزب ع ابسط شي ويضربها
"نسيت نحكيلكم شي سيف وأحمد مجوزين سيف عنده 2 ولاد وساكن بروحه أما أحمد عنده بنت صغيره ماسكرت حتى سنه "
مر الوقت ومنى مشت لمقابلت العمل ونقبلت ومشت أمورها وأجرو وخدمت وقعدت تمشي مع بوها وتجي احيانا يعني تقعد غادي بالشهور ولما تجي لهلها ماتصكر ف أسبوع وترجع بحكم عملها وبوها كذالك معاها يمشي ويجي ومسكينه ماضاقت راحه لا من العمل ولا من بوها
فاطمه&نهال
فاطمه: رايفت على منى والله
نهال: توا تجي معاش مطوله
فاطمه: شن جو قرايتك انتي
نهال: ماشيه وخلاص والله مستصعبه الأنجليزي
فاطمه: غبارتك انا غادي منك فيه بري لأحمد او سيف يقريك فيه شوي والله لو تسقطر حي عليك حي من بوك
نهال: تمام وهكي بندير انا فكيني من بوك جنانه كله يطلعه فيا
فاطمه: تنهدت وقعدت تفكر فـ منى شن صاير فيها مع بوهم
عماد& منى
عماد: كله منك ها نحرق الغدي
منى: يابوي مش نا يلي حرقته انت ليش تخش للمطبخ اطيب انت ماتعرف كان راجيتني نروح وطيبت
عماد: بري ياا#### كله من أمكم هذي كله منها
وبدي ضرب فـ منى
فاطمه& فرح
فاطمه: انظر شن صاير فيها منى
فرح: اي والله
فاطمه: ان شاء الله خير
أحمد خش عليهم: شن فيه خيركم
فاطمه :نحكو ع منى
أحمد: خيرها ان شاء الله خير
فاطمه: لا ماصاير شي بس هكي وخلاص نخممو
أحمد: وااك عليك نكد انتم بكللل
فاطمه: سكر فمك ترا
وناضت وخلاته......
يتبع...
حبيباتي ياريت دعمكم لان كنت ناشره من قبل روايات وحسابي نسيت الباس وضاع كل شي وبديت من الصفر لو حبيتو السرد وبداية القصه ياريت فولو لصفحتي ولايك 🍓✨
أنت تقرأ
في قلبي عسگري ✨🥀
Romanceالقصة عن بنت بعقليه طفوليه وشاب كاره حياته الزوز عندهم أسرار لكن كيف بيجتمعو وبيصلح كل هالخراب فـ حياتهم ؟✨🥀 قصة من داخل المجتمع الليبي🇱🇾
