"خلي نعرفكم ع الشخصيات الجديده
أنور: شاب عمره 26 سنه ضابط عسكري خسر كل عيلته من وقت كان طفل دوبه مولود أمه وبوه في حادث وخوته في الحرب متاع 2011 عنه اخت وحده بس اكبر منه ومجوزه هيا يلي تبقتله من عيلته وهوا عايش مع مراة بوه
محمد: صاحب أنور من زمان وفي نفس عمره شرطي وانور في فراغه يجي يكسد معاه بحكم ماعنده اصحاب غيره
نرجعو للقصه
أنور:أنتي...أنتي...ياااأنتيي...اووي ...خيرها ماترد النم
قرب منها شاف عيونها مغضه نزل لمستوها ومسك أيدها لقاها مجمده خاف عليها
رفعها وشالها للسياره وولع التكيف ع الساخن
أنور: أنتي يابنت ردي
ماردت عليه قعد يبحتلها ويتأمل فيها بعد وقت
فاطمه بدواخ : انا وين؟
أنور: فـ السياره وين تشوفي فـ روحك
فاطمه بفجعه: كييف حي عليا وحاولت تنزل لقاته مقفول الباب
أنور: أستريحي شوي بعدين نفتح
فاطمه: أفتح خيير
أنور: اي قلتيلي بيتكم وين؟
فاطمه: مش شورك
أنور: صدقيني لو مش مأمنيني ع الناس يلي فـ الكليه كنت رميتك فـ السقع لين جيفتي
فاطمه: وأرميني قوللهم روحت مانعلم عليها
أنور: صح فكرهه وااو ماخطرت عليا تصدقي
فاطمه الدموع ف عيونها: بالله عليك نزلني انا مادرتلك شي والله لو يشوفني بوي والا خوي لايضربوني بالله عليك نزلني
أنور: اها كملي
فاطمه تبكي: خيرك بارد شن نكمل نزلنيي خيررك
أنور: أنزلك بشرط
فاطمه: موافقه نزلني بس
أنور: تمام أولا اتصلي بخوك قوليله جايه ع رجليا معاش تجي
فاطمه: به وشن ثاني
أنور: ديري هك بعدها ساهل
فاطمه: لاكن..
أنور: قلتي موافقه ماقالك حد هيا نفدي
فاطمه مسكت التلفون وأتصلت بخوها
أحمد: ايوا جايك دقايق بس
فاطمه: لالا جايه ع رجليا قريب نوصل
أحمد: خلاص تمام لان قاعد ف المستشفى انا
فاطمه: تم باي
أحمد: باي
وبحتت فاطمه لأنور
أنور: تمام وين بيتكم
فاطمه: كييف شن تبي فيييه
أنور: بتجاوبي والا نتصرف وقرب منها
فاطمه: أاامشي طول من هنا
أنور ضحك ع الجنب : هي
بعد وقت
فاطمه:خلاص حطني هنا
أنور: هادا بيتكم
فاطمه: أااي
أنور:تم انزلي وفتح قفل الباب
فاطمه:خلاص امشي ماتخلي هلي يشوفوك
أنور :تم
فاطمه قربت من باب البيت دروحه أدق عليهم لين مشي أنور نزلت من دروج البيت ومشت تجري لاخر بيت ف الشارع ودقت فتحتلها نهال
نهال:خيرك مستعجله بشويه
فاطمه: بوك وخوك وين
نهال: ماروحو من طلعت الصبح
فاطمه: وأمي
نهال : مع أحمد
فاطمه: تمام
مشت فاطمه للمطبخ خدت تفاحه كلتها ومشت للدار رقدت بعد هاليوم الطويل
رجع أنور للمركز
أنور&محمد
محمد:وين ياصاحبي عطلت
أنور: صارولي مواضيع حليتهم وجيت
محمد: أكدت ع الجامعه
أنور: اي
محمد:تم
أنور:سيارتي وين؟
محمد: اوينها وين مادرستها
أنور:تم انا ماشي
محمد: وين
أنور: خير حنك تقول موصينك عليا
محمد: تمام تمام أهدى
أنور مشي ركب سيارته وجاته مكالمه
علي:الو
أنور: أيوه
علي: امتى بنطلعو
أنور: وين
علي: ع المعلوميه متاع الحشيش
أنور: هي توا مسافت الطريق ونكون فـ المقر جهز السلاح والسيارات والشباب كل شي نبي نوصل نلقى كل شي واتي
علي: كيف مسافت الطريق وتبي كل شي واتي مانلايم
أنور: كلمه هيا هي تم وجك
وسكر الخط ومشي للمقر يتم موضوعه
في الليل
فاطمه وعت من النوم وقرت شوي ومشت بتهدرز ع أمها وأختها
منى:وباهي شن أسمها
فرح:قالت هناء نضني لكن عليك مراه
فاطمه: من هادي
منى: هادي المره يلي أجرتلنا الحوش جت اليوم لأمك تتعرف علينا وحني مهناش
فاطمه: الله بيبقى عندنا معارف وجو
فرح: لكن عليك مراه تحسيها بمية راجل قويه مشاء الله عليها قداش ماعجبتني عز المعرفه
فاطمه وهيا تذكر في أنور والمقف يلي صار: الباين عليها المدينه ياما داستلنا من ناس
منى: كيف مافهمت
فاطمه: قصدي ع المراه يلي حكت عليها أمي
منى: اهاا
نهال جتهم: تامي بالله عليك تعالي ساعديني شوي فـ قرايتي
فاطمه: تمام لاحقتك
في مكان ثاني
أنور : يااام انا جييت
ورقى للدور الثاني
انور يدوي مع روحه: وااك عليك تعب اليوم
" وتمدد ع سريره وتفكر فاطمه"
انور: علاش نفكر فيها توا الزح حتى أسمها مانعرفه ولا نعرفها وهادي مش اول مره ننقذ حيات شخص
"وقعد يتفكر كيف كانت تنفخ في ايديها في الكليه وكيف دايخه وكيف تبكي عشان يخليها تنزل من السياره " وطفى ضي السهاره ورقد
يتبع.....
من هادي هناء؟
وخيره انور يفكر في فاطمه؟؟
وليش أحمد بدي يتأخد ع فاطمه في الكليه ؟!
كله بتعرفوه البارت الجاي😌✨
أنت تقرأ
في قلبي عسگري ✨🥀
Romanceالقصة عن بنت بعقليه طفوليه وشاب كاره حياته الزوز عندهم أسرار لكن كيف بيجتمعو وبيصلح كل هالخراب فـ حياتهم ؟✨🥀 قصة من داخل المجتمع الليبي🇱🇾
