يوم جديد ✨
فرح على صفره الفطور : اسمعو بوكم كلمني وبنسافرو
فاطمه بحماس: وينن
فرح: بنغازي
أحمد: ليش ان شاء الله
فرح: اختك انتقلت غادي اريح وأقاربنا غادي ومدينه مش كيف هنا
أحمد: وااك بنت وبتجبدنا في جرتها
فاطمه: وخيرها البنت غير بنت بنت بنت شن ناقصنا نحنى
أحمد: سكري فمك انتي الثانيه ناقصني
فرح: احترم أختك
أحمد: هيا يلي تحترمني انا ولد
وقفت فاطمه بتمشي لدارها
فرح: تامي ماتزعلي بنتي ووتي دبشك
فاطمه: حاضر ان شاء الله
أحمد: نستأذن وناض مشي
فاطمه&نهال
خشت فاطمه لدارها
نهال: خيرك تقربعي ف الباب
فاطمه: خوك النم كله من بوك مهزيهم علينا
نهال: خيره شن دار
فاطمه: شادلي انتم بنات ونحنى ولاد النم
نهال: ماأدوري وربي مريضين نفسي هاديم
فاطمه: ربك يستر وخلاص
نهال: امين
فاطمه: سمعتي شن صار
نهال: شن في ماسمعت شي
فاطمه : بنسافرو
نهال: وين ان شاء الله
فاطمه: لبنغازي
نهال: اللهه شراقه وجو ومدينه بتتغير حياتناا
فاطمه: ماتفرحي ره بوك معانا وفوق من هك بنقعدو سيره ع كل لسان من هزايب وضرب بوك
نهال: وااك عليك نكد النم حاولي تتفائلي
فاطمه: مش قادره وراسك نتخايل فيهم ايامات سود
نهال: تحركي من مكانك
فاطمه: ايي كلام الحق ماتبوه
بعد أيام
فرح: يابنات مانسيتو شيي
منى: لالا
فاطمه: حي سماعاتي
عماد: اطلعي يافرخه ره نعفجك
فاطمه: جبتها
عماد: اندفسي فـ السياره
عماد:شني أحمد وليدي ركبت كل شي ماناقص عليكم شي انت وعيالك
أحمد: لا يابوي
عماد: انقسمو سيارتين وحدين يركبو معاي ووحدين مع خوهم بيش تستريحو اكثر
منى: فاطمه تعالي نركبو مع احمد يغير جو خير من بوك والطريق طويله
فاطمه: هي بسرعهه
ومشو للسياره الأخره
وصلو لبنغازي 9:00م
فاطمه: وااك رجليا رقدو
أحمد: عليك دلع
منى: جد رقدو مسافه ره
فاطمه: اي قداش لينا مقعمزين أخرا مانطلعو حنى مش زيك مامتعودين
أحمد:باهي به بلا دوه زايده
منى: أسمعو وين بنقعدو
فاطمه: مش عارفه والله.. حقا أحمد وين بنقعدو
أحمد: بوك كلم قريبنا يأجرلنا وبنسكنو فـ أجار
فاطمه: باهي احسن مانكونو عند أقاربنا نضيقو خلوقهم
أحمد: بالله مسيبن الرزق وحتى حوشنا ملك وماشين للأجار ع خاطر عملك ياأنسه
منى: وعادي شن فيها وبعدين هادو أوامر بوك وغير هك بوك حصله عمك يلي هنا عمل لهك مشجع ومندفع
أحمد: اهاا قولي هكيي
فاطمه: وين خاش بينا هنا
أحمد: الحوش هنا ياغبيه
فاطمه: اهااا تمام
وصلو للبيت ودرسو السيارات ونزلو الشناطي والدبش
فرح: البيت قنين لكن تمنيت فيه مطبخ مش بوفى
عماد: والله تعالي ادفعي اجاره وخلاص
فرح: والله من وين بندفعه انا حتى مرتبي عندك
عماد: حسستين عندك مال قارون
فرح: ربي يهديك يارب
عماد: اجمعين
فاطمه&منى
فاطمه: خلي نفتح نت شويه مرايفه للقروبات والهدرزه
منى: زيدي علي صوتك ماسمعوك
فاطمه: تي باهي ..لكن والله الحوش قنين حبيته وأهم شي عندنا دار بروحنا زي بيتنا غادي والله تخيلته ضييق البيت
منى: حتني والله تخيلته حكت سردينه
فاطمه: ايي تصبحو ع خيير
نهال&منى: وانتي بألف خير
ورقد الكل ومشت ايام عاديه جدا بدون احداث بس سجلت فاطمه ف كليه ومنى تعرفت ع مكان عملها
ونهال ومراد وعمر كلهم مدارس جديده وعماد كذالك عجبه العمل وبدي يخدم
فاطمه& أحمد
فاطمه فى الجامعه: احمد وينكك
أحمد: اهو جاي صبرك بس بوك عطل نجيبه ونجيك
فاطمه : تمام
وفاطمه قعدت مقعمزه ع الكرسي متاع سور الكليه شافت زوز شباب يتعاركو خافت ومسكت شيتاتها وشنطتها والشباب طلعو مواس وبيضربو في بعض بعداها جي أمن الكليه وحزوها وجي أحمد وروحو للبيت وفاطمه رقدت طوول من التعب
العشيه
فرح& منى
منى: تعبت واجد اليوم عينات بكلل
فرح: هادو المختبرات يابنتي كل يوم ناس شكل تمرض
منى: اي والله ان شاء الله ربي يشفيهم
فرح: أمين
يتبع.....
ملاحظه: انا كل يوم بنزللكم حلقه عشان ماتملو وفـ نفس الوقت مايكون ضغط عليا وحاجه ثانيه انا محبطه من ضياع حسابي الاول ياريت تدعمو هادا وتفرحوني وتشجعوني اكثر 💔
أنت تقرأ
في قلبي عسگري ✨🥀
Romanceالقصة عن بنت بعقليه طفوليه وشاب كاره حياته الزوز عندهم أسرار لكن كيف بيجتمعو وبيصلح كل هالخراب فـ حياتهم ؟✨🥀 قصة من داخل المجتمع الليبي🇱🇾
