تذكير:
نهال: نوضي فطوم نمشو للمزين هيا بوك يرجى
فاطمه: هي ومشو
________
فاطمه: به هي
مرة خوها : نمشي معاكم
نهال: كان بودي بس كان تساعدي امي خير انا بس قاعده معاها
مرة خوها في خاطرها: متحملتكم بس اليوم الأيام الجايه نشوفو
نهال: هااا شن قلتي
مرة خوها: خلاص تمام
جتهم منى:هيا ياهميي بوك يرجىى
فاطمه :تمام هيي
وتت شنطه صغيره للي ح تحتاجه ف المزينه وخدت تلفونها فـ أيدها ومشت
عند هناء
هناء: املل
امل: ايوه ياعمتي
هناء:ساعديني سلم بنتي هادا حطني ف الأمر الواقع
امل: خيرك ياعمتي
هناء: ماشفتيه شن داار بالله هيا
امل: مشو التريس للعقد
هناء: اوينهم مسقدين
أمل : تمام ان شاء الله ع الخير يارب
هناء بلويت وجه:ان شاء الله
في مكان ثاني
علي:تي وين فجأه قعدت عريس
محمد: يحصلك ياصاحبي
أنور :باهي ياسر انت وياه
محمد: السيارات برا يرجو
أنور: تمام هي
علي: اصبر ياراجل العطر
محمد: مانبو شي ينقصك ياصاحبي
أنور: به هيا وقت
علي :تم
وأسقدو لبيت فاطمه
بعد ربع ساعه
فرح تتصل بفاطمه
فرح: لولووووليي مبارك مبارك بنيتي
فاطمه بدموعها: الله يبارك فيك
خدت منها التلفون منى: عقدو؟
فرح: ايي
منى: تمام معناها خ نسقدو روحنا
فرح: اي بالله سلم بنتي
منى: تم وسكرت الخط
فاطمه حظنتها : منبيش اناا
مني تكلم ف المزين: بالله عليك وخيتي خلينا بروحنا شوي
المزين: تمام بس ماتخليها تبكي المكياج يفسد ومشت
منى: تمام
فاطمه: بالله عليكم ديرو شيي حرام راهوو
منى: معاش تزعلي خلاص أعتبريه اختبار ولازم يصير ومرات يفرحك انتي حتى ماشفتيه ماتندري عسى ان تكرهو شيئ وهو خيراً لكم
فاطمه والدموع في عيونها: تمام
منى: ايوه وانتي وخيتي القويه امسحي دموعك
فاطمه مسحت دموعها
منى: خلاص استمتعي هادي حفلتك وغمزتلها
ضحكت فاطمه ونادو المزينه وكملت التجهيز
وغدو الناس وقعدو يغنو ويصفقو ويرجو ف العروسه
فاطمه: شني؟
منى ماسكه دموعها: تهبليي
فاطمه: بجديات؟
منى: والله ان شاء الله ربي يهنيك ويفرحك ويرضيك
ومشو للصاله وفرحو الناس ومابين الدموع والفرحه وكسرت الخاطر جي وقت مرواح فاطمه
منى: مانوصيك وختي
فاطمه: حاضر
فرح بدموع: بنيتي كبرتي
فاطمه : ماتبكيي نبكي معاك ره
منى: فكوناا المكياج يهووه
ع خشت أنور
سلم ع فرح ومسك ايد فاطمه
فرح: مانوصيك وليدي
انور: ان شاء الله ان شاء الله كوني هانيه
فاطمه حاولت تنحي يدها من انور بس بلا فايده انور كان متمسك بقوه
و طلعو مع بعض
في السياره كان الهدوء سائد ولا حرف بس كانت دموع فاطمه تحكي ف كل شي في داخلها
وصلو للبيت خش أنور للبيت ولا كأنه
خشت فاطمه وراه تشيل فـ الفيلو وتمسح ف دموعها
اندهشت فاطمه من جمال البيت وقعدت تتفقد فيه
غير انور حوايجه وخطم جنبها
انور: بعد تفيقي لروحك جناح النوم ع اليمين فيه حمام تقدري ادوشي او ترقدي كانك تاعبه انا فـ الدار هاذي وأشر بصبعه ع الدار ردبالك تخشي او تفكري حتى ولو كان العذي الضمان خليها ونكرر ممنوع تخشي اما باقي البيت خودي راحتك
فاطمه بخوف : ححاضر
مشي أنور خش للدار وسكرها
مشت فاطمه دوشت ولبست توته ثقيله ع السقع وطلعت تلف ف البيت لين لقت المطبخ
فاطمه: جيعانه بنموت وأخيراا ...خيره حوشه هك تقول بيت عيله موسعه ..مشاء الله
مشت فتحت الثلاجه ومافيها شي ناقص خدت شكلاطه
فاطمه :هادي سادتني
ورجعت لجناح النوم ولعت التلفزيون وقعدت تتفرج ع فلم أكشن
فاطمه: انا مافهمت عربي بنفهمكم انتم عليك همم حتى كيف يطلعو ف القنوات مانعرف وطبست تحضر لين نعست وهي متكيه ع السرير
انور طلع من الدار خش للمطبخ شرب أميه
انور: غريبه مافي حس ...زعما رقدت..لالا مانضن ..خ نمشي نشوفها
مشي للجناح لقى باب الدار مردود والضي والع فتح الدار وخش لقاها مقعمزه وملتفته
انور: يا أنتي انا راقد فـ الدار هذيك كان صار معاك شي دقي ...اووي..انتيي
تحركت فاطمه وحطت ايديها ع كتوفها بيش ادفي روحها ورجعت رقدت
انور: ياأنتي رقدتي؟!
مشي ف أتجاها لقاها راقده ابتسم مسكها وكان يحاول يمدها ف السرير بس حسها ساخنه أستغرب ونفى الشعور غطاها ومشي للمطبخ طلع بكس الأسعافات الاوليه وشاله معاه ورجع لفاطمه قاس حرارتها وطلعت مرتفعه شوي
انور: شن هالعيله توا علاش مرضت تدفأت الغرفه كويسه ...هالغبيه يلي أنبليت بيها
حطلها خافض حراره ع راسها واتكى ع الصالون يلي فـ الدار وقعد يراقب فيها لين غفى حتى هوا
يتبع...
أنت تقرأ
في قلبي عسگري ✨🥀
Romantikالقصة عن بنت بعقليه طفوليه وشاب كاره حياته الزوز عندهم أسرار لكن كيف بيجتمعو وبيصلح كل هالخراب فـ حياتهم ؟✨🥀 قصة من داخل المجتمع الليبي🇱🇾
