يوم جديد
أنور& محمد
انور: هي ادوي
محمد: توا ندوي خيرك مستعجل
أنور بتفنيص: ادويي
محمد بتوتر: البنت أسمها فاطمه و2004م من الجنوب جايه بسبب ضروف عمل
أنور: بس هادا يلي عرفتهه
محمد: في شي ثاني
أنور: شن هوا
محمد: بوها
أنور: كنه
محمد: بوها عصبي بشكل من زمان حتى لما جو هنا قاعدين جيرانهم يسمعو ف صوت ضرب مره مره
أنور وهوا متعصب: هضا مش بو والله
محمد: حاجه اخرا يحب الفلوس وطاريهم بدرجه مش طبيعيه
أنور وقف: تمام هكي ياسر
محمد: خيرك شن في راسك
أنور بضحكه: خليها مفاجأه
وروح
في بيت فاطمه
فرح: متأكده تقدري تمشي
فاطمه: اي خلاص ياسرني معطله دروسي ضاعو وأن شاء الله مايبدو مدايرين عندي امتحانات جزئيه
فرح: بس مش كل جروحك طابو
فاطمه: رجلي وايدي قعدو بس لكن عادي بعون الله نقدر
فرح: ان شاء الله بس والله استانست بيك خوتك كلهم يمشو للمدارس وتوا حتى انتي
فاطمه: ونروح ونهدرزو وين المشكله
احمد:فاااطمهه اطلعي النم
فرح: نوضي اوينه المكلوب يضبح
فاطمه: هي هي ومشت
ووصلت للكلية
سجى جتها تجري
سجى: فطووم رايفتلك
فاطمه: هههه مش للدرجه هادي
سجى: خزي عليك ...وينك مغيبه وخيره جايه تعكزي
فاطمه: هههه والله طحت ع الدروج خلاص مشي صارلي
سجى: اهاا الف لاباس عليك حبيبتي
فاطمه : لا يوريك باس ياقلبي..تعالي نمشو للكراسي نقعمزو
سجى :هي
ومشو
في مكان ثاني
محمد: خلاص الفتره هادي كلها أمان مافي مشاكل بنرجعو للمركز وكان صار اي شي بلغ
العميد: صحيت وبارك الله فيكم
محمد :العفو
وطلع محمد للسلحه شاف سجى كمل وقف قدام باب الجامعه يتامل ف سجى للمره الأخيره
محمد يدوي مع روحه: بأذن الله بالحلال
وركب سياره ومشي
عند أنور
كان مقعمز في مكتبه وسارح يقلب فـ الخطه ف راسه
خش عليه علي بحتله لقاه سارح
علي: صحه ليه يلي واخد العقل
أنور: سكرلي فمك ترا
علي: خيرك ياراجل نبصرو
أنور: انت عارفني مانحب البصاره
علي: الصراحه ماتحب شي انت
أنور: باهي شن عندك
علي: مافي شي هانيه كلها
أنور: تشيك ع الأسلحه والذخيره والسيارات يلي تحت؟؟!
علي: اي اكيد
أنور : تم انا طالع
علي: وين
أنور: مش شورك بنظم أموري
علي: تم تم
وطلع من المقر
أنور&محمد
أنور: ألو
محمد: أيوه
أنور: تذكر ف موضوع البنت
محمد: اي كنه
أنور: بوها وين نلقاه توا
محمد: والله في سمعت ان يخدم وف الوقت هادا بتلقاه ف خدمته طبيعي
أنور: اها ووين يخدم
محمد: في #####
أنور: تم
سكر ومشي للمكان يلي دواله عليه محمد
بعد وصل لقى زوز تريس مقعمزين يشربو ف شاهي
أنور: السلام عليكم
عمار &صاحبه: وعليكم السلام
أنور: كيف حالكم ان شاء الله طيبين
صاحب عماد: والله طيبين ولدي تفضل
أنور: نبي عماد ال###
عماد خاف لان أنور لابس عسكري: أاننا تفضل
أنور: ممكن شوي ع جنب
عماد وقف: أااكيدد تفضل
ووقفو بعيد شوي
عماد: تفضل فيه حد شاكي عليا والا شني
أنور ضحك ع الجنب: حاليا لا وجايك بصفقه
عماد بأستغراب: كيف ترا
أنور: نبي نجوز وحده من بناتك بس ع شرط
عماد: نسمع كمل
أنور: انا نختارها البنت ونبي العرس مستعجل يعني عقد بس ونروح بيها
عماد: وانا شن مستفاااد
أنور: مهر البنت بنعطيك ضعفه مرتين وكاش
عماد عيونه قلوب: خلاص تم
أنور: اليوم العشيه جاين نعطو كلمه
عماد بفرحه: خلاص تم
أنور بضحكه :تم ..سلام
ورجع للبيت
أنور&هناء
أنور: يااام وينك
هناء: جي المغضوب ....انا هنااا تعال
أنور: جي في موضوع خت فت رضيتي باهي مارضيتي برضو مايهمني
هناء: انا يلي ربيتك وكبرتك يالقيط توا ترفع ف صوتك عليا
أنور: حشايا المهم بتمشي العشيه تخطبيلي وكان ماتبيش توا نخطب حتى بروحي وانا دويتلك للعلم بس ماناخد ف رايك
هناء:خزي خساره فيك تربيتي
أنور مشي عنها وخلاها تدوي
يتبع.....
أنت تقرأ
في قلبي عسگري ✨🥀
Romanceالقصة عن بنت بعقليه طفوليه وشاب كاره حياته الزوز عندهم أسرار لكن كيف بيجتمعو وبيصلح كل هالخراب فـ حياتهم ؟✨🥀 قصة من داخل المجتمع الليبي🇱🇾
