العشيه جي عيل صغير دق ع البيت
العيل: قالتلك خالتي هناء نرجى فيك تجي تشربي قهوه عندي انتي وبناتك وقالت مانبي اعذار
فرح: تمام قوللها ان شاء الله
وسكرت باب البيت
فرح: عماااد
عماد يعد فـ الفلوس: ايوا
فرح خشت لدار النوم: المراه يلي اجرتنا البيت تبي نمشو نزوروها عزمتنا ع قهوه
عماد: وبه؟
فرح: شن به قصدي نمشي صح وحتى البنات تبيهن ره
عماد: اي تمام وانتي ماتبدي هبله صاحبيها وخوديها بلسانك بلكي ماتخليني ندفعوها هالشهر
فرح وهي طالعه من دار النوم: ربي يهدي
وطلعت للصاله
فرح: يابناات
منى: نعم امي
فرح: وتي روحك انتي وخواتك بنمشو
منى بأستغراب: وين؟!
فرح: للحاجه هناء
منى: اها هذيك صاحبت الحوش؟؟
فرح: اييوهه نوضي خواتك وبرو فيسع ره يغير رايه هالمكلوب بعد قال به
منى: هي هي
ومشت تجري لدار خواتها
انور فـ المقر
أنور: شن أخر الأخبار
علي: مافي اخبار عنهم الحشيش فـ الحياش لو بندمرو مقراتهم بيضررو المدنين ماتجي
أنور: توا ندير راي مش معقوله قريب نسكرو شهر مامسكناهم
علي: مافيها كيف يلي نطقوه نطقوه
أنور: انا توا ندير راي لكن توا تاعب خلاص قرابت مغرب بنرتاح شوي ونرجعلكم بعدين
علي: تم
في بيت هناء فـ الجنينه
هناء؛واللهي نوتوني
فرح: النور نورك
هناء: بناتك حليوه مشاء الله
منى:تسلمي حتنتي مشاء الله عليك مازلتي صغيره
هناء: هههه من وين صغيره بالله
فاطمه: جد عميمه مش باين عليك العمر قاعده تهبلي
هناء: حشمتوني معاش عرفت مانقول
فاطمه: هههه لا عادي
هناء: ارجوني نجيب ضيافه ونجي
فرح: لالا خليك ماأتعبي روحك
هناء : لاعيب اول مره تجوني بعدين من الواجب
فاطمه: والله ياعميمه ماتنوضي انا توا ندير ونجيب
هناء: ههه بنتك هذي تخش للقلب
فرح: سلمك
فاطمه وقفت بتمشي
هناء: البكرج والسفره متاع القهوه فوق الحوض متاع المواعين والقهوه الطاقم متاع الطواسي الرف يلي تحت الغاز والحلو فـ الثلاجه أما المطبخ اول ماتخشي نهاية الممر ع ايدك اليمين
فاطمه: هههه صحيتي عميمه وخشت للمطبخ
في مكان ثاني
انور وصل لبيتهم درس سيارته وقفلها ونزل فتح الباب وخش لقى ناس عندهم
أنور: السلام عليكم
هناء&فرح: وعليكم السلام
هناء: باهي يلي روحت
انور يدوي بصوت واطي: بدينا فـ العار
وخش لداخل رقى للدور الثاني
أنور:وااك عطشان خ ننزل نشرب قبل ماندوش
وعدل المكيف ونزل قرب من المطبخ ويسمع فـ صوت حركه فيه قرب بيش يشوف
فاطمه: حي علمي قربعت الدنيا ياربي مايسمعو ف التقربيع ...وين تباسي التقديم اقالتلي مكانهمم
أنور من وراها: الرف الثاني ع ايدك اليسار
فاطمه مشت طول للمكان وطلعتهم وعدلت السفره
أنور قرب وقعمز ع للكرسي يراقب
أنور يدوي مع روحه: هيا قدامي والا نتخيل معقوله نفكر فيها لهالحد ...لالا مستحيل هادي هيا بس شن ادير هنا
أنور: اححم
فاطمه فطنت ان في حد وتلفتت وراها بخوف
أنور: ديريلي طاسه بالله معاك راسي مصدع
فاطمه بخوف: ن نن نوض دير بروحك
أنور شافلها بحده :كله هيا
فاطمه: ح ححاضر
أنور أبتسم ع الجنب وقعد يراقب فيها ليين كملت
فاطمه: تفضل
أنور: صحيتي ورقى لداره ع طول
فاطمه: انسان غريييب
وطلعت اضيف
أحمد&مراته
مراته:احمد
احمد: همم
مراته: اهلك وين مشو
أحمد: مش عارف
مراته: كيف مش عارف مش انت الكبير فـ الحوش المفروض حاسبينك ويستأذنوك
أحمد: والنبي ركحي
مراته :ماقلنا شيي
عند فاطمه
هناء: كان خليتيني ندير ره من بدريي شربناها القهوه
فاطمه: معليش ياعميمه غير مالقيت تباسي الضيافه قعدت ندور هههه
هناء: نسيتهن والله معليش
فاطمه: هههه لا عادي بالعكس تعرفت ع مطبخك
هناء: نجيك وخلاص
منى: من هادا يلي خش قبل شوي مش قلتيلنا ماعندك صغار
هناء: هادا ولد راجلي وضرتي
فرح: اهاا اي فهمتك
وفاطمه مركزه وتسمع
عند أنور
محمد: ايواا
انور: وين يلي قلتلك عليه
محمد: شن هوا
أنور: المعلومات يازفت
محمد: اييه نسيتك لكن عرفت عليها كم حاجه تقدر تفيدك توا بكرا نتلاقو ونحكو
أنور :تم
ورقد
يتبع......
نحبكم✨🥀
أنت تقرأ
في قلبي عسگري ✨🥀
Romanceالقصة عن بنت بعقليه طفوليه وشاب كاره حياته الزوز عندهم أسرار لكن كيف بيجتمعو وبيصلح كل هالخراب فـ حياتهم ؟✨🥀 قصة من داخل المجتمع الليبي🇱🇾
