Episode:2
ឥឡូវយើងមកដឹងពីទំនាក់ទំនងរវាង ស៊ុងហ៊ុន និង ហ៉ីស៉ឺង វិញ តើពួកគេត្រូវជាអ្វីនឹងគ្នា?
ត្រឡប់ទៅ2ខែមុន៚
ស៊ុងហ៊ុន ដែលជា playboy ប្រចាំសាលាកំពុងតែបោះជំហ៊ានទៅកាន់កង់ទីន តែភ្លាមនោះ គេក្រឡេកឃើញសិស្សជាច្រើនកំពុងតែចោមរោមអ្វីមិនដឹង។ ដោយមិនអាចហាមចិត្តអោយឈប់ឆ្ងល់បាន នាយសង្ហារក៏ដើរទៅកាន់ទីនោះ។ អ្វីដែលគេឃើញពិតជាធ្វើអោយគេភ្ញាក់ផ្អើលណាស់ នោះគឺជាសិស្សប្រុសឆ្នាំទី4 ដែលត្រូវបានសិស្សដទៃទៀតកំពុងធ្វើបាបដោយការចាក់កាកសំណល់បាយដែលពួកគេបរិភោគរួចទៅលើគេ ថែមទាំងនាំគ្នាយកទឹកទៅជះពីលើផងដែរ នេះគេហៅថាការ bully ប៉ុន្តែពួកគេមិនខ្វល់ ព្រោះសិស្សប្រុសនោះគ្មានសិទ្ធអាចប្តឹងឬសងសឹកពួកគេវិញបានឡើយ។
« ស៊ុងហ៊ុន! ម្តេចក៏លោកមកទីនេះ? ឬចង់មកមើលអាក្មេងសម្រាមនេះដែរ? ហាសហា » សិស្សស្រីម្នាក់សួរកាលបើបានឃើញវត្តមានស៊ុងហ៊ុន ហើយក៏ឈរសើចក្អាកក្អាយជាមួយនឹងគ្នាគ្នី
« ... » ស៊ុងហ៊ុន មិនមាត់តែក៏ជ្រើសដើរចូលទៅកៀកសិស្សប្រុសនោះ បន្ទន់ជង្គង់ចាប់ផ្ងើយចង្ការគេឡើងដោយការចង់ស្គាល់មុខ តើសិស្សនោះជាអ្នកណា? ចំណែកឯម្ចាស់សមីខ្លួនវិញ ភ័យមិនហ៊ានសូម្បីតែងើយមើលមុខគេ។
« កខ្វក់ណាស់! » នាយរហ័សដកដៃចេញវិញ ទាញយកក្រដាសអនាម័យក្បែរនោះមកជូត បីដូចជាខ្ពើមរអើមណាស់ណា៎អីចឹង កាន់តែធ្វើអោយសិស្សៗទាំងអស់នោះ អស់សំណើចសើចពេបជ្រាយគេលើសដើម។
« ពួកឯងធ្វើស្អីនឹង!!? » សម្លេងលោកគ្រូនាយកពោលឡើង ទើបសិស្សមួយចំនួនបំបែកគ្នាចេញទៅ ឯសិស្សខ្លះក៏នៅឈរចាំមើលដដែល
« លោកគ្រូ! មិចក៏លោកគ្រូអោយសិស្សសម្រាមដូចជាវារៀននៅសាលាយើងបែបនេះ? មើលចុះ! ខោមិនខោ អាវមិនអាវ!! »
« ហ៉ីស៉ឺងឆាប់ងើបទៅប្តូរសម្លៀកបំពាក់ចេញទៅ! » លោក នាយកមិនតប បែរទៅប្រាប់អោយសិស្សប្រុសដែលគេធ្វើបាបនោះទៅវិញ
« បា...បាទលោកគ្រូ! » ហ៉ីស៉ឺងងើបទាំងញីញ័រ ព្រោះរងារប៉ុន្តែមិនអាចនៅយូរបានទេ បានឃើញវត្តមានលោកនាយកចូលមក គេដូចជាបានឃើញពន្លឺចាំងចូលក្នុងជីវិតខ្មៅងងឹតក្នុងជីវិតគេអញ្ចឹង!
YOU ARE READING
Did you ever love me? ( Complete ✅ )
Short Story« តើឯងធ្លាប់ស្រឡាញ់ខ្ញុំទេ? វត្តមានខ្ញុំធ្លាប់ស្ថិតក្នុងបេះដូងឯងឬអត់? » Heeseung Hansteal ប្រលោមលោក BL ខ្នាតខ្លី Top - #Sunghoon Btt- #Heeseung
