بارت طويل تعويض عن باقي الايام🫶🤍
اريد تصوتن وتتفاعلن بتعليق على كل فقره🫶🤍لازم بنات راح انتبه ع تعليقات
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
**
كعدت الصبح على صوت هوسه عرفت حيرجعون بيت جدو لسليمانيه بسرعه رحت للحمام غسلت وطلعت ضجت كلش واني اشوف كوثر ضايجه ومتريد تروح
حضنتها وحجيت:- لتضوجين وتضوجيني وياج
كوثر:- يعمري شون مترديني اضوج واني راح ارجع واعوف انقى بشر اتعرفت عليه بحياتي
بقيت حاضنتها لحدما اجه عباس:- ها يوم
خاله نسرين:- هسه نجي يوم
هز راسه وطلع بعدها احنه هم طلعنه توادعنه يم الباب وجان الوداع حار بين اهل ماما وماما جدو وكفلنه تكسي نرجع بي للبيت وفعلا بعدما راحو رجعنه
وصلنه لحد باب البيت دفعنه للسايق ونزلنه ادونه بحضن ماما واني اجيت اطرق الباب بس جانت مفتوحه ماستغربت ودخلت بعدما انتضرت ماما تدخل سديت الباب ورحنه ندخل من باب الصاله
نزعت ماما حذائها وبينما دتنزع جان اكو ممر بين الباب والصاله ف سمعنه صوت بابا كال كلبي هلكبره عليهن وبيبي كلتله نرجع بس يرجعون اهل ماما بس انصدمنه برده عليها
-طُز بيهم رجعه بلا رده
ماما جرت نفس بغضب ودخلت بسرعه وحجت بنتر ونبرة صوتها محتلها الغضب.:
-يعني هالبدايه ما الها نهايه!!؟
بابا دار وجهه لجهتنه مصدوم من وجودنه ماما اتقدمت لنص الصاله تباوعله بغضب وبيبي وكفت واجت لزمت ايدها تهدأها
-انته ماتجوز؟
بابا:- شمس اسمعي....
ماما:- ماريدد اسسمع منك حررررف!!
كالت هيج وصعدت فوگ..
بيبي غمت بابا:- انته شكبرك تصير بعد حته تعقل
كالت هيج وصعدت ورا ماما شفت حسنين وويا بنيه اتذكرتها نفسها اللي من رحنه لحديقه الالعاب هيه لعبتنه اني وحنين
ابتسمتلي مجامله وحسنين وكف يمشي باتجاهي كنبص لمستواي ولزم ايدي وهمس بصوت بس اني اسمعه
-لتضوجين سمسم
بابا:- تعالي بابه تعاي لحضن ابوج
ابتعدت عن حسنين وحجيت:- اريد اروح لماما
كلت هيج وصعدت اتجهت لغرفة ماما جان صوتها شبه مسموع وكل ما اوصل خطوه للغرفه يعلى صوتها اكثر دخلت ووكفت يم الباب
