تصويت+تعليق بين كل فقره:💕
كاعد يمي اشوفك ايد فوك الايد
ومفتون بجمالك والكلب يسعر
تكَرب يمي خدك وانه اكلك روح
اخافن بس ابوسك يصعد السكر
كون بگلبي تدري اشيحمل اسرار
وكونك تفهم بنظرات العيون
ليش آنه من اشوفك اشتعل نار
گوم الحگ عليه وشوفني شلون
احبك .. وآنه باقي وياك محتار
شفت اعيونك آنه .. وصابني اجنون
ولك گلبي گلب .. مو كومة احجار
ومن حقي آنه اگلك .. بيك مفتون
بارد لشوكت .. مره انگلب حار
وچويني واگلك آني ممنــــــــــــون
**
-مرررتضىىىىىىىىىى
-ااااششششششش
ارتعبت كلش هذا مريض نفسي ديأشرلي اسكت وسوه حركه باصبعه يعني اذبحج اذا مسكتين واني اتخبلت وعطت
-مرررتضى مرررررتضىىىى مرررتضىىىىىىىىىى
وبحركه سريعه منه ضرب راسي بالجامه محسيت بشي بعدها...
**
جنت منسدحه ع الجربايه اباوع فلم كارتون خلصته وكمت نزلت جوه شفت حنين كاعده تبجي استغربت ورحت سئلتها
-شبيج منو وياج
حنين:- ماما عاطت بيه
-وليش تبجين الزميها وخنكيها
حنين:- ميصير هاي ماما
همست:- اذا هاي امي انتحر
حنين:- شنو
ضحكت مجامله:- لا هيج كومي شربي مي ولتبجين احسنلج لان مراح تحصلين شي
راحت ايدي لا اراديا ع مكان رقبتي تحسست مكان الكلاده ماكو اتخبلت كلت يجوز متوهمه رجعت اتحسس مكانها هم مالها وجود
ركضت ركض لغرفتي كلت خاف نازعتها وناسيه دورت گلبت الغرفه على بعضها هم ماكو حسيت روحي انخرطت هاي اغلى شي املكه بحياتي بالنسبه اليه هديه بيوم ميلادي ال١١ من سمبوستي
بجيت واتذكرت بعرس مرتضى واماني شلون رجل الكعكه يكتبلي بسبوره قلادتج لايگه عليج
رحت يمه وحجيت:- رجل الكعكه ليش ماتحجي وبس تكتب بسبوره؟
مسح الكلام وكتب غيره:- رجل الكعكه لا يتكلم
همهمت وكتب:- من وين هالكلاده الابستها
لزمتها وابتسمت:- من سمبوسه
صفن بوجهي مداكدر اشوف شنو ردت فعله مسح وكتب:- منو هذا
-صديقي وابويه وامي واخويه كلشي بالنسبه الي، بس الحياة بطريقه ما بعدته عني ومثل مداتشوف بقتلي بس هالكلاده منه ذكرى لا تنسى
-اني صديقج بمكانه لا تضوجين
ضحكت:- متقصر يا رجل الكعكه بس محد يكدر ياخذ مكان سمبوستي
مسح وراد يكتب شي بس اجتي كوثر:- شدسوين هنا امشي حيكصون الكيكه
هزيت راسي والتفتت الوح بايدي:- باي رجل الكعكه
