تصويت وتعليق بين الفقرات💞😔
اذا غلطت بكلمات اعذرني ما انتبه💕
لَنْ تَستطيعَ سنينُ البُعدْ تَمنَعُنا .
إنَّ القُلوبَ بِرَغمْ البُعدِ تَتَّصل ..
لا القلبُ يَـنسى حبيباً كَان يعشَقهُ ..
ولا النُّجومُ عَن الأفْلاكـِ تَنْفَصِلُ ..
**
وكف گلبي من سمعنه صوت طلق
وبنفس الوقت شفنه بالكامره الحراس كلهم وكعوا بالكاع
ماما وكفت لازمه گلبها وكلنه انرعبنه صرنه نرجف يدخلون علينه بس ارتحنه من صعدو بسياره وراحو گلبي وجعني ع الحراس بسرعه طلعت اركض وماما تعيط وراي ما اهتميت ووصلت يمهم
شفت ثنين يصرخون بصوت خافت بوجع
وواحد لا نفس ولا صوت شهگت وعطت
-بُشرى اااتصلي بالاسعاااف بسرعههه
رحت اركض ضغطت بيدي
ع مكان الطلقه باوعلي بوجع وحجه
-م...ماريد اموت ماريد
-لتخاف تعيش بس ا..بس اتحمل قاوم عفيه قاوم، مااااماااا جيبي اااي شييي نوووگف الدم بسرررعهه
راحت ركض ورجعت ورا ثواني طويله وحرت بينهم كلمن يصيح ياروحي صرت ابجي على حالهم وبيبي كابلتهم تدك وتلطم
-حسبيي الله عليهم حسبييي الله
-س..ست سمر اذا...اذا متت ا...كولي لاهلي اح..احبهم هواي ولا..لا يبجون..وراي ولين...قهرون
غمض عيونه وضربته على وجههه بخفة ايدي،.
-لتموت..لتموت والله تعيش بس قاوم حباااب لتموووت
صرت ابجي وباوعت لماما صحت،.
-اااضغطي لتركينه ماااما لتركيننههه
ماما:- سودة عليه ولكم سودة بوجهي الله يحفضكم الله ياخذ حقكم انشاء الله
بعد حيره ووقت لا بأس بي سمعنه صوت الاسعاف قريبه
واخيراً وصلوا ليمنه ونزلوا السديات وصعدوهم
-على كيفك
سئلت ع اسم المستشفى
اخذوهم وگلت لبُشرى تخابر حسنين يجي،.
ماما:- وين تردين سمر؟
-ماما اعتقد منعوفهم وحدهم؟
ماما:- اكيد لا نخابر عائلتهم
-اي استعجلي وخنروح للمستشفى احنى هم
ركضت واجت وراي وبيبي تصيح طمنوني يضل بالي، رحنه لشارع انتضرنه سيارة اجره تمر وفعلاً وكفنه وحده صعدنه بيها متجهين للمستشفى
وصلنه ودخلنه نركض سئلت عليهم بطابق الثاني وكلمن بغرفه، عصرني گلبي من عرفت واحد مات اجتي الطلقه براسه والبقيه حالتهم خطره
