تصويت بنات وتعليق بين الفقرات💞😔
لا گُمر يشبه ضحكتك حتى اغني ولا ضوة الوَادم
يبعد الوَادم الحلوة شربني ردت اگلك لا شعرهُم جاس گلبي
ولا أغانيهُم خَذتني انتَ بس انتَ الخَذتني .
**
-طلعوا يشفقون عليك من حطوني بكفه وانته بكفه ثانيه لان ابن شارع
بس كمل كلامة سامي ضربه وكعه بالكاع وما اكتفه جره من ياخته وضربه مره ثانيه رحت جريته من ايده خايفه عليه واضح ديتوجع بس عصبيته جانت اقوه من كلشي، باجي بقت تبجي وتجر بهذاك الطلعلنه صفح
-سامي امشييي اخذك للشقه
ابتعد عني بس ماتركته خاف يروحله لان بقه يستفز بسامي بكلامه
واجه اتقرب يضحك يمسح بخشمه وحجه،.
جواد:- بينگو هههههههههههه،، سؤال انته مقتنع بنفسك؟
خاله ايمان دفعته عن سامي تحلفه مايحجي شي،.
خاله ايمان:- اخوووك هذااا ولك اخووووك
جواد:- جاوبنيييي مقتنع بنفسك، اسمك؟ بالجنسيه اسمك سامي بس بربك اهلك الشمروك بالشارع استنكفو حتى يسموك لهدرجه مارايديك؟
سامي:- انته شنو رايد؟
جواد:- اريد اطلع ضيم سنيني بيك موكافي انته عشت طفولتك مدلل هسه خلص صار دوري بس بالعكس انته تعيش بهذا عمرك مهموم واني الممنون
سامي:- روح الساحه فرغتلك اني محوني ارتحت؟
جواد:- لالالالا مو بهاي السهوله اني امحيك بطريقتي
سامي:- انته مريض عبالي مختفي تعالج نفسك
جواد:- انته ابن شارع، لتباوعلي هيج حبيت اذكرك بس
جنت متجمده بمكاني مفاهمه كلشي او بالاصح ممستوعبه الداسمعه مستحيل سامي مو ابن خاله ايمان ووليد!!!
جواد:- شفت شون الدنيا لفت ودارت وحضنتك بس بحضن مختلف هالمرة حضن قاسي بس انته تستحقه وحيل بيك
خاله ايمان:- رووووحححح ولك امشييي منااا ااامشييييي
جواد:- ها يوم بعدج وراه اريد اشوف شعاجبج بابن الشوارع هذا
خاله ايمان انطته راجدي ثولته بي ثول وهوه بقه صافن بالوجوه هز راسه متوعد يباوع لسامي وراح، بعدها خاله ايمان بقت تبجي واجت لسامي
بس هوه ابتعد عنها بدون ميباوعلها راح لشارع وراحت وراه الممرضه ودار بيناتهم حوار وهوة جان عصبي واضح ميريدها تجي وياه وهيه رجعت تمشي ناحيتنه قلقانه وهوه بدا يأشر لسيارات انتضر توكف،.
