تصويت بين كل فقره علمود يرجعلي الشغف اكمل؟🥹
بنات لازم تعلقن بين كل فقره علمود يصيرلي واهس اكمل وبعد بكيفجن
**
-فتون لاا لتكوليها لاا
رحت بسرعه يمها باوعتلها جانت حالتها تبجي وضعها،
بسرعه حطيت ايدي على وجهه دموعي جمدت بعيوني خايفه كلش خايفه والدة سامي الحقيقي تموت بدون متودعه او يودعها!! او ع الاقل تريح كلبه اذا حجت ويا عن الماضي شلون وليش تركو ع الاقل تحجيله اخواته وين طبع اقاربه شلون منو عدوه ومنو وياه؟ لان اكيد من حيسمعون اهله ماكو بالوجود راح يطلعون من اكواخهم مثل الذئاب الغداره!!
-خاله لاا عفيه لا اكُعدي انتِ لازم تعيشين لازمم ابوس ايدج لترحين سامي بحاجة يسمع منج وتفهمينه موووو من حقكم تتركو بنهاية الطريق هيج وترحون!!
فتون:- سمرر، سمررر اهدي ابتعديي لتسوين هيج!!
باوعت لاخته لينا جانت واكفه تباوع بعيون بريئه تلمع بدموعها غمضت عيوني مهضومه من المنظر والي دايصير
شنو ذنبهم؟ ليش هيج حياتهم صارت مخربطه ولازم همه يرجعون يرتبوها؟ بس والله صعبة عليهم صعععبةةة
رجعت لواقعي على صوت فتون وهيه تكول،.
فتون:- والدته عايشه سمرر لسه تتنفس بس نفسها كلش ضيق يحتاج تروح مستشفى
انخبصت ويا المساعدات واجو الحرس طلبت منهم ياخذوها للمستشفى ومقبلو ع اساس الدكتور يجي لهنا وخطر ومن هالمسلته!!
-اااانتتت بكيفككك؟؟ لككك المره يحتاج تروححح مشفى وانت هنااا تهايط يجي الدكتورر؟؟ لتخبلوني لكمم لتخبلوننني ويننن كاعدينننن بسجننن؟؟
فتون:- اسمعنييي اني ممرضه وداشوف حالتها خطره لازم ناخذها للمستشفى ضروريي!!
لينا:- ماما راح تروح؟
باوعتلها جانت واكفه يمي تباوعلي بقهر متحملت دنكت لمستواها وحضنتها ابجي بقوه واسمع فتون تكول
فتون:- تدريي ابنهااا اذا سمع بسببكم صارلها شي راح تشوفون شي مشايفي بحياتكم؟ لكم هو راح يبقى من بعد ابوه وامه لعبالكم هيجججج يبقون!!
وكفت من شفتهم اخيراً تحركو يطلعوها كعدوها بصعوبه على الكرسي المتحرك
اخذت لينا والمساعده وكفتني
:- اتركي البنت!
-عفواً؟
اتقربت تباوعلي بعيون حاقده جانت مساعده صغيره تجي بعمري واكبر يمكن امبين عليها مو عراقيه لهجتها مختلطه بين العراقي والسوري
