تصويت وتعليق بين كل فقره بنات
والله التعاليق تحفزني اكمل تره🍒😔❤️
سامي يكول
.......
حزن متَلتل بروحَي
مِثل نفاضة جگاير
وتعوّدت
جَمرة تطفي
وجَمرة تضويّ
**
عمتي ايمان عاطت بكل صوتها رافضه ووكعت بالكاع احنى من الصدمه نسينه كلشي وصفنه بعمي وليد مستحيل كلامه صح اكيد لان ماسمع كلامهم يريدون ينتقمون منه ويقهرونه، حجه بصوت مليان شك،.
سامي:- ا... انتو... انتو اكيد تحجون هيج ل...
جدي:- انته مو محامي وفهيم ونافش ريشاتك؟ تكدر تروح للمستشفى وتتأكد انته لا من عدنه ولا من دمنه واصلنه
صعيق صعق روسنه الدنيا افترت بينه معقوله!!!
سامي رجع لورا والتفت لعمتي ايمان جانت كاعده بالكاع منهاره تبجي رفعت راسها تباوع لسامي بعيون مليانه حزن،.
سامي:- يوم ه... هذا شديحجي؟
باوعلها بخيبه باوعلها بانكسار منتضرها تحجي وتريحله كلبه
بس كلنه خاب ضنه من دنكت راسها تبجي ودموعها ملت التراب،.
باوعلها ساكت وعيونه صارت حمره شرايين رگبته نطت
وعمي وليد بقه يحجي ويحجي اخر شي كال كلام وكف شعر راسنه،.
عمي وليد:- انته اخترت هذا الشي ماردنه نكشف حقيقتك، صبرنه عليك هواي واعتبرناك واحد منه وبينه بس انته شسويت؟ كبرت وصرت ضدنه وعلينه الضاهر هاي وراثه من اهلك مو بيدك
اردف سامي بضياع وصوت مخنوك،،
سامي:- كافي
عمي وليد:- اصلك ونسبك منين ماندري لذلك لاتسئل، اني وايمان لكيناك يم جامع واخذناك ولو يرجع بيه الزمن ما اخذك ااابد
سامي:- كاااااااااافيييييييييييي
عاط بكل صوته وكسر جامة السياره تفلشت بيده قبضني كلبي وركضنه نهدي ونشوف حالة ايده بس دفعنه ورجع لورا متخبل
عمتي ايمان وكفت متخبله تصرخ وتدك على صدرها تريد بس تلزم ايده ماينطي مجال يباوعلهم بحقد وغضب وقهر وحزن كلشييييي كلشي كل ضيم العالم اتجمع داخل عيونه ردت اروح يمه رفع ايده بمعنى لاتجي
راح بسرعه لجهه الثانيه وصعد السياره وعمتي ايمان وراه تعيط وتركض بس ماكدرت توكفه، حرك السياره ومشه بسرعه خفنه عليه كلش
عمي وليد:- راح يندعم ابن ال***
رضا:- عممميييييي شجااااااي تحجيييييييي!!!!!
