-مَنْ أنا؟
أنا القوية في عَز ضُعَفي
أنا النار التي تُحرق نفسها
أنا الرماد المتُبقي مني
أنا الحرب التَي بلا جنود!
**
-لااااااااا لااااااااا بااباااااااااااااا وچ يوووووووووووووووووووم
اعيط من اعماق كلبي حسيت بحنجرتي توجعني بس فقدت كلشي بلحضتها كلشي فقدته انتهيت واني اشوف بابا كدامي مسلم روحه العزيزه ولاحس ولانفس شكد متت واني عايشه
*بشرى
جنت انضف بالمطبخ وسمعنه صوت سمر من فوك تعيط طلعت بسرعه وشفت شمس والحجيه وعمهم لؤي وحسنين جانوا مثلي مذهولين
حسنين ركض قبلهم وهمه راحوا وراه لكن مهدود حيلهم والخوف متملكهم صعدت اني بسرعه وويا كل خطوه اخطيها ناحيتهم يعلى صوت سمر
سمر:- باااابااااااا عووووفني لكككككك بابااااا رااااححححح
حسنين:- تمااام تمام
سمر:- راااااااح راححح راححححح باباااااا راااااااااااححح
جان حسنين حاضنها وهيه تريده يتركها تملخ بروحها وصلو البقيه ورحت للحجيه لزمتها من ايدها وحايره شسوي دموعي بدت تنزل وحدها
شمس:- لالالاللللااا فؤاد؟
راحت وخرت الغطى عنه وتطبطب ع وجهه
ببطئ وتصيح بأسمه بكل هدوء
الحجيه ورده وكعت بالكاع تدك على صدرها وتولول كعدت يمها الزم بايدها امنعها من انو تأذي نفسها بس المكان صار عزاء لافقاد اعز انسان عليهم
حسنين:- لجججج بسسسسج حتموتيييييين!!!!
سمر دتقاومه وتعيط:- ارررريد بابباااا ووووج يوووم خلي يكعُدددددد ماماااا كعديييي بابااااااا واللله اموووووووت اموووووت بدونه ولكمممممم عفيه كعدوووووووووووه ااااااااااااه بابااااااااا
انفتحت الباب ودخلت اديان ووراها تيمور:- شكووووو!!!
ركضت لشمس ووكفت يمها:- ماماااا شبيكم تعيطون؟؟
شمس جانت ممستوعبه ودتحاول ويا يكعد
اديان راحت لسمر وكعدت يمها وصاحت:- سمررر؟
سمر:- عوفني حسنين عووووفنيييييييي
اديان باوعت لحسنين وعاطت:- عوفهااا وخر عنها!
رحت لتيمور وحضنته اجاني صوت عمهم:- بسرعه اخذي لغرفته
هزيت راسي وركضت بي لجوه لغرفتي وبهل اثناء دخلت امي ووياها بنتي كانما دزهم الي ملاك خليت تيمور يمها وامنتها عليه بعدما تفاجئت بالاصوات وتأسفت لمن عرفت والدهم مريض جان ومات
رجعت للحجيه جانت تلطم وشمس وياها مفرفحه كانما استوعبت موته كعدت يم الحجيه وحضنتها وابجي وياها
اديان جانت حاضنه نفسها بزاويه وتهمس:- لا بابا هسه يكعُد والله هسه يكعُد يا... يا ااء.... يافضه... يافضه فضيها ويا ام الحسن حليها. يافضه فضيها ويا ام الحسن حليها يافضه فضيها ويا ام الحسن حليها بجاه التاج والمعراج وضجيج الحجاج اقضي حاجتي وحاجة كل محتاج
