جميعنا نركض في طريق حياتنا، ولكننا نختلف في مقدار سرعتنا لأنتهاء هذا الطريق، ولكل منا أحلام ،تختلف سرعتنا في تحقيقها..
فأنتظر وقتك لتحقيق حلمك💙
نبدأ؟
كان يركض بأتجاه الوحدة الصحية ،بعدما أخبروه بما حدث بها، هذه كارثة!!
وصل إلى فناء الوحدة الذي كان يقف فيه دكتور ربيع ودكتورة مريهان والممرضات جميعها وفرد الأمن ،جميعهم هنا،ولكن بعدما حدث ما حدث!!
-أيه يا ربيع اللي سمعته في التليفون ده؟ يعني ايه دكتورة ومريض يتهاجموا ومحدش يعرف حاجة!!مسمعتوش الصوت يعني؟؟؟
هتف ربيع بقلق من ردة فعله ومن حجم الكارثة التي وقع بها الجميع:
-يا دكتور أمجد انا كنت في أوضتي ،وحضرتك عارف أن طلاما مفيش حالة طوارئ الكل بينام!!
-وطلاما مفيش حالة طوارئ أيه اللي نزل الدكتورة يقين للمريض؟؟
هتفت مريهان بقلق علي يقين التي أحبتها بصدق خلال اليومان الذي كانت بهم هنا:
-يا دكتور أمجد انا قولتلها تنزل تشوف الحالة قبل ما ننام وتشوف جرحه، بس هي أتاخرت اوي!! وبعدين ديه نازلة من الساعة تسعة!! يعني مش متأخر أوي!
هتف أمجد وهو يضرب كفه بالآخر:
-أعمل أيه دلوقتي انا!!! ديه قضية خطف!! أبلغ ولا أنيل ايه انا!!!
هتف ربيع بجدية :
-أحنا مقدمناش حل غير أننا نبلغ!! ديه مغتربة يا فندم ولازم نبلغ...بس محدش مننا كلم أي حد من أهلها ولا من أهل المريض ،غير لما نشوف حضرتك حابب تكلمهم ولا لا؟
هتف أمجد وهو لا يعلم كيف يتصرف :
-أحنا هنضطر نكلم حد من أهلها طبعا!! وانت يا ربيع هتكلم حد من أهل المريض هتلاقي رقم حد فيهم في ملف حالته!!
أشار له ربيع برأسه كتأكيد أنه سوف يفعل ذلك ولكنه قاطع تحركه عندما....
هتفت حسنية وهي تخرج من الغرفة التي كان بها المريض "ياسر":
-يا دكتور أمجد...يا دكتور أمجد!!
-في أيه يا حسنية؟
هتفت حسنية وهي علي وجهها أبتسامة كأنها أكتشفت للتو مقبرةً ما لأحدي الفراعنة:
-انا لاقيت التليفون ده جوه..وموجود عليه صورة الدكتورة يقين!!
هتف ربيع وهو ينظر لها بلهفة:
-أول مره تعملي حاجه مفيدة يا حسنية غير الرغي!! مش معقول!!
لكزته مريهان في ذراعه وهي تقول:
-هو ده وقته يا بتاع الكوبايات انت!!
قاطع حديثهم أمجد بصرامة:
- بس منك ليه أيه أهدوا شوية!! مش شايفين اللي احنا فيه؟
صمت الجميع عندما ألتقط الدكتور أمجد الهاتف من يد حسنية وفتحه ولكن كان يحتوي علي علامة سر!!
هتفت جميلة بسرعة:
-انا عارفة الرسمة..انا شوفت الدكتورة يقين وهي بتفتحه!!
أشار إليها أمجد لتأتي بسرعة:
-خدي يا جميلة أفتحيه بسرعة!!
هتف ربيع بتعجب من حوله:
-هو فيه أيه؟ هو انتوا مفيش حاجه بتستخبي عنكوا كدا؟؟؟؟
-عارفين كل حاجه عن البت ماشاءالله!!
هتفت بألاخيرة الدكتورة مريهان بأستغراب منهم!!
أنت تقرأ
ليس علي ما يرام!!
Adventureطريق طويل...اضطر أن أتقدم فيه ...من خلاله سوف أفقد الكثير...ولكني أمتلك كل اليقين!!!! ولكن بطريقي يظهر أمامي الكثير من المختلين ....ولكن أكثرهم اختلالًا سوف يؤدي بحياتي الي طريق لم أكن أنوي أن أسلكه تمام!! عزيزي القاريء فلتستمتع لأن لا يوجد في ثنايا...
