رواية وحيدتي "*
حلقة (6)
تسيع الاحداث "*
محمد / 😳😳😳 شنووو
نادية / واضح انهم ناس كويسة 😋
محمد / تي الراجل كبير هلبا وووييين مواليد ٨٨ ملاك كيف مسكرة ١٩ ره !!!
نادية / اهم حاجة انه راجل ويحط بنتي بين اعيونه
محمد شبه 🤔 / شني ردها ملاك اكيد مصدومة
نادية / هابا عليها متحشمة شكلها موافقة من البداية
محمد 🗣 / ملللااااااككك مللللااااك
ملاك طلعت من دارها / نعمم
محمد / تعالي قعمزي هنا ويأشر بيده جنبه
ملاك قعمزت ترتجف / ن ن نعم
محمد / شني رايك موافقة ولا لا
ملاك متحشمة تضغط علي يدها "*
محمد يشبحلها ؟؟
ملاك بصوت واطي / موافقة
محمد / تعرفيه مواليد الكم ٨٨ ره
ملاك هزت راسها اشارة اي
محمد خدا نفس وحط كراع علي كراع يشبحلها "*
نادية 😂😂 / تي البنت موافقة علي شنو تفكر انت ؟
محمد / ☹ مش عارف مش متريح
نادية / بكرة نتصل بيهم ونعطيهم رد
محمد / انشاءالله خير هيا اني ماشي اتصلو فيني كان تبو حاجة
نادية 😔😔😔
ملاك / سلملي علي نور ووصل بوساتي لي بنوتتها
محمد / فكري زين ملاك ره تضيعي حياتك
ملاك بابتسامة / مووووفقةةةةة
محمد عبس وجه ورفع يده يقلدها / مووووفقةةة
نادية 🤣🤣😂😂 / وهههه
ملاك 😂😂😂/ شفتيه ولدك مستحيل يتغير
محمد / هبلة 😒😒
كشر فيها وطلع "*
زينب / معليش ره تلخبطت ف المواليد 💔 منتصر مواليد ٨٨ لخبطت كتبت ٧٧
دلال / عادي اتصير مرة مرة
نورة / احه 😂😂
زينب / خيركن اسكتن ضروري تتكلمن بعد اني نتكلم !!!! 😒😒😒😒
نورة + دلال 🤐🤐
زينب / نتابع
نور مكسدة تشبح من الشباك شافت محمد نازل من سيارته وخاش ابتسمث بخبث !!!! مشت تجري رفعت بنتها وخشت في الدولاب "*
محمد فتح الباب بمفاتيحه وخش يدندن يغني ينصدم بي الغرفة فاضية !!!
محمد / نور
🤷🏼 🤷
نور تضحك بهمس داخل الدولاب وفي خاطرها ( ايوا انفجع تستاهل 😂😂)
محمد قعمز علي طرف السرير يمسح عرق راسه من الخوف ويتصل في نور والمفاجاة طلعت التليفون علي الطاولة
محمد ناض بعصبية خدا النقال وطول خش في سجل المكالمات واتصل لي منتصر ( نفس رقم امتاع الرسالة )
ملاك مكسدة قدام المرايا تمشط شعرها وفجاة اتجيها مكالمة مشت تجري ردت بدون لا تنتبه علي الاسم
ملاك بشوووق 🔥 / هلا حبي
محمد / 😳😳😳😳😳 نعم
ملاك من الفجعة / ممحمددد
محمد / تعرفيني ؟ منو انتي ؟
طوط طوط طوط
ملاك ولتاني مرة تنفجع لكن المرة هادي شخت في السروالها بدون لا تحس علي روحها من الفجعة 💔
محمد / الووووو اس......
طوط طوط طوط
محمد 😓😓 / كيف تعرفني هادي ؟
نور طلعت من الدولاب تضحك / يا حنة مع من تعيط
محمد لف لنور بعصبية 🔥🔥🔥 وعيط عليهاااااا
نور انفجعت ووخرت ( ما توقعتش الامور توصل لهاذا الحد )
بثينة كعادة خشت في نوبة عياط "*
نور مشت قعمزت علي السرير تهدي فيها "*
محمد وقف لدقيقة مصدوم من نفسه وكيف قدر يرفع صوته عليها ؟
نور نيمت بنتها وبسيف ماسكة دموعها تذكرت منتصر كيف كان يعيط عليها ويضربها ويعاقبها اسبوع كامل تقعد بدون وكال يحبسها في المخزن بأضافة لي حماتها يلي منكدة عيشتها بطلباتها واوامرها وكان ما نفذتها نهارها احرق من منتصر "*
محمد قرب منها بشوية وركع قدامها رفع يده لخدودها بحنية / معليش مش قصدي بس واللهي خفت عليك خفت الحقير خطفكم او دار فيكم حاجة
نور معش قدرت تمسك دموعها طاحت في حضن محمد تبكي !!!
🔥ـــــــــــــــــــــــــــــــــــــــــــــ🔥
ملاك مزال في حالتها ولا قدرت تتحرك من مكانها تفكر / متاكدة انه محمد بس كيف وصل رقم بنت خالته لمحمد ؟ ن ن نور 😳😳 معق...😱😱😱😱😱😱😱 حيييي معقولة نور نفسها بنت خالته اي اكيد احتمال هي
لازم نسأل مالك بيش نتأكد !!!!
🔥زينب عبد القدوس 🔥
زينب / سوري بنات الحلقة قصيرة وشحني ٩ وباقاتي قريب ايتم !!! عشان هدا الحلقة قصيرة ونزلت بكري 👆🏻 عشان تتشوقو اكثر
دلال / خممو شنو ايصير في حلقة ال٧
نورة / خودو راحتكم في التعليقات 🔥
زينب / صح الرواية مش مشوقة هلبا بس مزلنا في البدايات ونبو تعليقات حماسية *"
نورة / اهم حاجة التخميمات ترا واللهي تحركو في مشاعر الكاتب
زينب / 🤣🤣🤣 اه ردو بالكم تكسرو مشاعري لانها مش حلوة الروايات بدون مشاعر 🤣
دلال / سمعتو 😂😂
زينب / اسفة مرات ننقطع عنكم لانها عندي مشاكل مع النت والظروف باي
أنت تقرأ
وحيدتي "زينب عبد القدوس
Romanceرواية تحكي علي حياة بنت تعيش يتيمة وتتزوج ظلم وتعيش نص عمرها عذاب انعن ما يلقاها صديق طفولتها صدفة وتتفتح ابواب الحياة علي وجها " وحيدتي *
