رواية وحيدتي "*
حلقة (9)
محمد / واخيرا
نور / ههه اتقول إلا مراة متوحمة بسبوسة بسبوسة من امس
محمد / قصدك كيف عرفتي اني متوحم
نور حذفت عليه المخدة تضحك
ملاك / تعالي نور نبي نحكي معاك في موضوع !!!
نور / تمام هي
محمد / ارجي ارجي اي موضوع ؟
ملاك / تي هففف محمد خليك ع بسبوستك وراسك متحشرش روحك في مواضيع البنات
محمد 😒😒😒 / انقلعي انتي وياها
ملاك شدت يد نور وخشو لدار الصغار "*
نور قعمزت / خوفتيني
ملاك / ههههه لا متخافيش
نور / خير ع شنو تحكي
ملاك اتصلت في منتصر / لا شي غير كنت نبي نتصل وخفت محمد يشك
نور / اها خودي راحتك
ملاك قعمزت / الو منتصر
نور 😳😳😳
منتصر / معقولة طول هك منتصر
ملاك / هههه حبيبي مالك
منتصر / عيون مالك ليش سكرتي عليا !!!
ملاك / اسفة خش عليا خويا هذا علاش سكرت
منتصر / اها ابتداء من بكرة اتكوني حلالي 😘
ملاك / نعلي 😍
قعدو يهدرزو ومنتصر نسى يسألها "*
ــــــــــــــــــــــــــــــــــــــــــــــــــــــــــــ
روايات زينب عبدالقدوس
تسريع الاحداث "
بعد حفلة الخطبة بي يومين "*
منتصر علي اساس طالع علي الملاهي مع ملاك يغيرو جو وانهم مستحشين لي بعض هلبا "*
ملاك / اهي نازلة هههه
منتصر / فيسع
ملاك / بس اسمع منطلعوش برواحنا ره ناخدو معانا مرت خويا
منتصر / هففف ليش ؟
ملاك نزلت من العمارة "*
جت تجري حضنته وبوسته "*
منتصر / هيا
ملاك / سألت خويا طبعا طلب مني منطلعش بروحي معاك
منتصر / استغفر الله شنو فيها يعني
ملاك رفعت اكتافها ونزلتهن اشارة مش عارفة
ملاك مسكت يده بحنية / هيا قلبي
منتصر بدون نفس / باهي وينها مرت خوك
ملاك / حسيتك تضايقت ☹☹☹
منتصر / لا اركبي
ركبو وعلي اساس ماشين بياخدو نور يلي هي مرت محمد طبعا منتصر ما يعرفهاش ولا نور تعرف انه طليقها "
وصلو لباب الحوش نزلت ملاك علي اساس اتنادي علي نور '*
خبطت الباب فتحتلها محمد شعره مشفشفة يدخن
خشت ملاك ومحمد مشي يسلم علي منتصر "*
دقيقة وطلعت نور فرحانة اول مرة بتمشي الملاهي وطبعا امسيبة بنتها مع محمد بتاخد حريتها اشوية بس مكانتش تعرف انها بتركب مع سبب تضيع حياتها سبب يلي خلتها تعاني طول الفترة يلي فاتت
منتصر كان واقف مع محمد يهدرزو في موضوع شكله حاب يستأجر شقة يلي جنبهم"*
ملاك ركبت من قدام ونور ركبت بدون لا تشبح لمنتصر لانه كان ايبحت لي جيهة التانية
تواني وجي منتصر ركب ومشو
وهما ماشين بصدفة منتصر شبح لي المرايا وينصدم يوقف السيارة في نص الطريق بما انها نور مش متعودة اتشوف من المرايا ما انتبهتش
ملاك / خير حبيبي ليش وقفت
منتصر كان حاس ان قلبه قريب يطلع منه نزل من السيارة بقوة يعيط / انتيي
نور الهبلة جتها نوبة صدمة بعد شافته نزلت من السيارة من جيها التانية وبدت تجري مش عارفة وين ماشية بس مصدومة خايفة كل تفكيرها علي ايام الظلم يلي عاشت معه
ملاك نزلت ومش فاهمة حاجة تعيط علي نور مشت لي جيهة منتصر مفجوعة / شنوووو في من وين تعرفها
منتصر مسك من عباية ملاك ولصقها علي السيارة بعصبية / هي اكيد خبراتك عني
ملاك تبكي / علي شنو تحكي مالك وراسك سيبني بلاها فضايح
منتصر سيبها وواخر / قسم باللهي انحبك يا ملاك وربي حبيتك حب صادق واكيد الفصعونة عبتلك راسك عليا بس مفهمتش ليش طالعة معايا وانتي عرفتيها طليقتي
ملاك تبكي بعياط / علي شنو تحكي فهمني واي طليقة ومش علي اساس انت مش متزوج 😭😭😭
منتصر دق قلبه بقوة اكيد كان وصلت نور لمحمد بيلتغي الزواج وما يقدرش يتزوج من بنت يلي حبها بصدق
ملاك شوي شوي بدت تستوعب وتركب الحلقات لبعضهن !! وفعلا فهمت علي شنو يقصد شبحت لي الشارع لقت نور مهناش !!!
منتصر مسك يدها وخش في التوسالات انه ايحبها وما يقدرش يعيش بدونها وهلبا كلام
والمفاجاة ملاك الهبلة صدقت كلامه "
نور وهي ماشية بسيف قريب لا اتطيح من الفجعة "
وقفت جنب الطريق واتصلت بي محمد "*
محمد كان واقف جوا المطبخ علي اساس بيدير كيكة لنور قالب الدنيا فوقاني تحتاني يا حلاته معجن روحه بدقيقة والكاكاو !!!
مقدرش يسمع صوت النقال "*
ملاك تبكي بندم توا حتي كان تبي تنفصل متقدرش 💔 لانها ضيعت شرفها معه
ركبو في السيارة وردو يدورو علي نور تواني ولقوها !!!
ملاك نزلت مشتلها وبدت تتوسلها وتحكي كل يلي صار امعاها وحتي قصة الشرف حكتلها ونور مصدومة منه معقولة يوصل حقارته للدرجة ايضيع البنت ؟ وفوقها كان ايخون فيها قبل لا يطلقها !!!
بس فعلا منتصر ايحب ملاك حب صادق تزوج نور عشان شهوة فقط عشان يكسد عليها مش اكثر !!!
نور بسيف اقتنعت عشان ملاك عشان حياتها وعيشتها ومحمد كان عرف من هو منتصر بيقلب عيشته واحتمال يوصل للحبس مدى الحياة وملاك مضيعة شرفها حتعيش في الظلم وتقعد نور هي المذنبة !!!
حاسة الحلقة اعععع مفيهاش متعة !!
لانها جوي 💔
أنت تقرأ
وحيدتي "زينب عبد القدوس
Romanceرواية تحكي علي حياة بنت تعيش يتيمة وتتزوج ظلم وتعيش نص عمرها عذاب انعن ما يلقاها صديق طفولتها صدفة وتتفتح ابواب الحياة علي وجها " وحيدتي *
