#رواية_وحيدتي "*
#حلقة (11)#الأخيرة
تسيع الاحداث"*
مرن الايام كيف الريح وملاك رافضة تتقبل منتصر كيف قبل يعني مزال متبيش ومش مقتنعة بيه
في الصبح الساعة ١٠ ملاك ونور ودلال يدهورن في المحلات علي اساس يجهزن لي العرس مع ان ملاك معندهاش نية بكل واغلب اوقاتها تكملها عياط في عياط مش مصدقة ان حبيبها يلي حطت فيه ثقة الدنيا يطلع انسان كذاب وخاين !!!
خشن في محل راقي ومركاتها اجديدة "*
وكل وحدة اتجهت لجيها تنقي حوايج من ذوقها كهدية لي ملاك "*
ملاك وهي واقفة حست بدوخة لدرجة مقدرتش توقف علي كرعيها وقعمزت علي الارض ماسكة راسها دايخة
دلال كانت اقريبة وقدرت تلاحظها وجتها تجري
دلال مسكت يدها خايفة عليها / خيرك حبيبتي تعبانة
ملاك ماسكة راسها / دايخة يا دلال دايخة جيبيلي اميه
نور وهي جاية ماسكة كم قطعة شافتها وجت تجري قعمزت مفجوعة عليها
نور / شنو في ملاك
ملاك تبكي / اميه جيبيلي اميه
دلال ناضت طلعت ابسرعة اتجيبلها اميه من المحلات قريبة
نور بسيف قومتها / نمشو المستشفي
ملاك تهز راسها / لا اني بخير
نور / ملاك 😳😳 معقولة
ملاك / خيرني
نور / معقولة انتي حامل 😳
ملاك انفجعت لدرجة اغمى عليها "*
نور بعياط / ملااااككككك
جت دلال تجري امعها اميه بخو علي وجها اشوية وصحصحت
نور / اشربي 😭😭😭
دلال / خيرها تعبانة امالا
نور / نوضي دلال وقفيلنا تاكسي 😭😭 بنمشو المستشفي
دلال ناضت وقفت تاكسي وبسيف رفعو ملاك لي السيارة ومشو لي المستشفى
بعد كم دقايق"*
نور / طمني عليها كيف حالها
الدكتورة / بخير حمدالله
نور / حمدالله يا رب نقدر انشوفها
الدكتورة / اي تقدرو تخشولها بس هي لازم تهتم بي نفسها اكثر علي الحالة هادي احتمال اتجيها نفسية
نور / اها تمام شكرا 😭😭😭
خشو داخل "*
ملاك كانت راقدة علي جنبها ووجها منفوخة عيونها حمر اصغار من العياط
نور قعمزت جنبها ومسكت يدها / لامته يا ملاك علي الحالة هادي
ملاك ساكته !!!!
نور / انسي يا ملاك كل يلي سمعتيها وعرفتيها وعيشي حياتك كيف ما كنتي عايشة
ملاك ساكتة وعيونها يدمعو "*
نور / انسي انه طليقي وانه كذب عليك نحي من راسك كل شي يزعجك
ملاك شبحت فيها تهز راسها برفض / منقدرش
نور / وراسك ملاك خلاص عيشي حياتك كنتي فرحانة قبل لا تعرفي حقيقتنا
ملاك مسحت دموعها / كنت هبلة صدقته ووثقت فيه
نور / كان قعدتي علي الحالة هادي احتمال محمد يشك ويوقف الزواج وانتي من يسترك بعدها قوليلي ☹☹☹ بتضيعي حياتك يا ملاك انتي مزلتي الصغيرة وحرام ظروف يلي بتمري فيه
ملاك شوية شوية بدت تقتنع خصوصا انه لحد توا منتصر كويس معاها "*
ـــــــــــــــــــــــــــــــ
وجاء يوم الحنة "
نور مكسدة بروحها في شقتها ومحمد طالع من بكري وخاطرها تمشي عند ملاك بس نادية اكيد تعصب قعمزت مع بنتها تلعبها وتربط شعرها "*
نور / امممموح ربي ما يحرمني منك
بثينة تضحك مستمتعة "
خش محمد / ياهلا ياهلا
نور ناضت بابتسامة / اهلين حبيبي
محمد حضنها / هيا جهزي روحك بنرفعك عند هلي ملاك محتاجلك والبنات يسألو عليك
نور 😳😳😳 / ب بس
محمد / هيا
نور بابتسامة / تمام
خشت داخل جابت امعاها لبس بثينة مدتله / غيرلها لبسها
محمد خدا البس يضحك / ولي تاني مرة انحس روحي مراة
نور / ههههه
خشت دقايق وطلعت لابسة مكشخة وحاطة مكياج تهبل
محمد ناض يشبح فيها بتمعن / حرام عليك واللهي حرام
نور 😓😓 / خير
محمد قرب منها / خلاص مفيش طلعة
نور 😒😒 / بعد عني مش وقت اللعب ره
محمد مسك يدها وشدها لحضنه / وربي مفيش طلعة
نور 😳😳😳😳 / استغفرالله امالا ليش طلبت مني انجهز روحي
محمد يتئمل في جمالها / علي اساس سيبتي فيني عقل
نور 😩 😩
محمد بوسها من خدها / نرفعك غادي بس بشرط
نور 😩😩 / شنو
محمد / تنحي المكياج وتلبسي عباية
نور 😳😳 / لا محمد اكيد تبصر كيف نمشي بدون مكياج و و ولبسي عادي مهوش اقصير
محمد سيبها بتفحص / زينة المراة لزوجها كان انسيتي 😉😉
نور / وراسك محمد بلاش جنان وهيا
محمد / تغسلي وجك وتغيري بعدها بنرفعك
نور عبست وجها وقعمزت علي الصالون بعصبية
محمد / خودي راحتك في الزعل المهم منش رافعك بي المنظر
نور رفعت بنتها وناضت بعصبية / بنمشي بروحي !!
محمد / ترا حطي كراعك برا الحوش وتشوفي
نور ☹☹☹☹
محمد 😌😌😌
نور ☹☹☹
محمد 😐😐 / خيرك
نور وطت عيونها وقعمزت / تمام منش ماشية
محمد 😒😒😒 / غيري ونرفعك منش مانعك اني
نور زعلت خشت لي الدار تغير "
أنت تقرأ
وحيدتي "زينب عبد القدوس
Lãng mạnرواية تحكي علي حياة بنت تعيش يتيمة وتتزوج ظلم وتعيش نص عمرها عذاب انعن ما يلقاها صديق طفولتها صدفة وتتفتح ابواب الحياة علي وجها " وحيدتي *
