رواية وحيدتي "*
حلقة (٨)
احداث السابقة "*
محمد 😔😔😔 / حسبي الله ونعم الوكيل فيه
نور مسكت يد محمد بحنية / توا اهم حاجة اني معاك وتحت ظلك وامانتك طول ما انت معايا نضمنلك اني فرحانة ومش محتاجة حاجة
محمد حضنها بحنية يمسح علي شعرها / نوعدك ناخدلك حقك منه
نور / انسى محمد يلي نبيه توا وجودك امعايا وبحدايا منبيش شي تاني
محمد / نحبك
نور حشرت في حضنه اكثر / حتي اني نحبك "*
محمد / هي خلينا نطلبو بيتزا ودجاج مشوي شني رايك
نور / اي بسرعة جيعانة ☹☹☹
محمد شد النقال واتصل في المطعم "*
عند منتصر لوح علي السرير في داره يفكر في يلي صار !!! شد نقاله وعلي اساس بيتصل في ملاك بس انفجع بعد خش لسجل المكالمات وشاف مكالمات صادرة من رقم نور !!! خش في الرسايل وانفجع اكثر !!!
منتصر / 😳 ك كيف صار !!! معقولة يعرفو بعض !!! لا لا مستحيل خلني نتصل بي ملاك !!!
ملاك وهي التانية ملوحة تفكر في منتصر وخايفة شنو اتصير فيها كان مفيش نصيب بينهم خصوصا الغلطة يلي صارت !!!
جتها اتصال من منتصر تحشمت اترد عليه حطت النقال علي صمت وغطت وجها بي المخدة ترتجف
تواني و الطلبية قدام الباب
ناض محمد يغني فتح الباب واستقبل "*
جهزو الغداء علي الطاولة وقعمزو ياكلو بشراسة "*
محمد ياكل / كولي بشوية حتي اني جيعان شنو بتسبيلي
نور تاكل / سكر فمك وكول بشوية يا سمين مش ملاحض روحك عريض هلبا
محمد / احم احم جسمي رياضي منش سمين
نور / ههههههه الاعتراف بالحق فضيلة
محمد / اكيد
نور / امته ننتقلو لي الشقة ؟
محمد / ليش مستعجلة
نور / لا بس متشوقة
محمد / باهي كولي وهي
نور / جديات توا
محمد / اي هيا
نور ناضت مشت تجري تغسل
ربع ساعة كانو في السيارة ماشين لشقة يلي محمد استأجرها جنب حوشهم عشان يسهل عليه يطمن علي هله "*
نور نزلت من السيارة رافعة بنوتتها / حييي محمد ايهبل
محمد / 😂 امته شفتيه من الداخل
نور / متشوقه هيا افتح الباب !!!
محمد رفع الاغراض وفتح الباب بلمفتاح وخش ونور وره "*
كان الشقة ايهبل مفروشة بالكامل فيه صالة اكبيرة واسع فخم وحمامين بغض النظر ع حمامات الغرف الداخلية ومطبخ ديكوره ايجنن وغرفة لصغار وغرفتين لنوم طبعا مفروشة بي اتاتهم
نور انبهرت من الجمال 😍😍😍
قربت من محمد ومدتله البيبي وخشت تتفحص الحوش !!!
محمد قعمز يلعبها واخير صارت تضحك ومحمد ينهبل من ضحكتها
نور خشت لي دار النوم ولوحت علي السرير فرحانة "* فرحانة هلبا من تغير حياتها فجاة من جحيم إلي جنة
من كان يتوقع انها تتزوج وتعيش اللحظات هذم "* تأمل الاية الكريمة *" ان بعد العصر يسر "*
محمد حس انها تأخرت هلبا خشلها ولقاها راقدة في سباع نومها "*
غطاها وطلع من الحوش رافع بثينة "*
منتصر درس سياته قدام العمارة ونزل يتصل في ملاك مرة اخر يبي يعرف شني علاقتها بنور وليش متصلة فيه وهي متصلة فيها والرسالة يلي بعتلها حس ان راسه بينفجر "*
محمد كان جاي كعابي رافع بثينة وشاف راجل غريب واقف بسيارته قدام العمارة وشكله متوتر قرب منه بابتسامة "*
محمد / السلام عليكم خويا اي مشكلة
( من عوايد محمد🥴 🥴 الفضول بس طيب يحب يساعد )
منتصر يمسح علي شعره / عليكم السلام لا لا شكرا بس شكلي تلخبطت في العنوان
محمد / اها
منتصر شبح لي البنت زززينن
محمد بعد شاف نظراته لي البنت خاف يصيبها بلعين وغطاها ببطانيتها وكمل طريقه "*
منتصر وقف يشبح فيه لين رقى لي العمارة "*
ملاك وهي تفكر غفت في سبات نوم لدرجة م انتبهتش ع مكالماته
محمد خش ماسك بثينة لقى امه في الصالة امقمزة تقراة في قران نادي علي ملاك
محمد / مللللااااكك
ملاك ناضت مفجوعة وطلعت تجري
محمد قعمز علي الصالون
ملاك طلعت من دارها تجري ولقته امقعمز رافع بثينة يلعب فيها وصوته واصل لاخر الدنيا
محمد / جيبيلي قهوة سادة
ملاك قربت منه بابتسامة اتدير في حركات مضحكة لبثينة وهي تضحك
تواني وخشت لي المطبخ
نادية كملت وناضت قعمزت جنب محمد بس ما رفعتش اعيونها تشبح لي بثينة
محمد / ها شني صار مع الجماعة اتفقتو علي الموعد ولا
نادية / اي بكرة بعد المغرب
محمد / اها تمام
جت ملاك ماسكة قهوة وحلويات حطت الصفرة وخدت بثينة وخشت لدارها "
روايات زينب عبدالقدوس
أنت تقرأ
وحيدتي "زينب عبد القدوس
Romansaرواية تحكي علي حياة بنت تعيش يتيمة وتتزوج ظلم وتعيش نص عمرها عذاب انعن ما يلقاها صديق طفولتها صدفة وتتفتح ابواب الحياة علي وجها " وحيدتي *
