#pov : អ្នកលួចស្រលាញ់ Huening Kai ជាសិស្សច្បងនៅក្នុងសកលវិទ្យាល័យដែលអ្នកកំពុងរៀន
អ្នកតែងតែតាមលួចសម្លឹងគេជាញឹកញោយ ដែលធ្វើឱ្យអ្នកបានដឹងយ៉ាងច្បាស់ពីគេគឺគេជាមនុស្សមិនសូវស្ងប់ស្ងាត់ មានទម្លាប់ស្ដាប់ និងពាក់កាសជាប្រចាំ។ ពីមួយថ្ងៃទៅមួយថ្ងៃអ្នកកាន់តែមានចិត្តប្រតិព័ទ្ធលើបុរសម្នាក់នេះកាន់តែខ្លាំងទៅៗ រហូតដល់អ្នកមានគំននិតចង់សារភាពប្រាប់ពីអារម្មណ៍ទៅកាន់សិស្សច្បងម្នាក់នេះ។
Huening Kai កំពុងដើរនៅតាមទីធ្លាសាលាសុខៗ អ្នកក៏ស្ទុះទៅឈរពីមុខគេ ដែលធ្វើឱ្យភ្ញាក់ព្រឺត។ គេទាញកាសចេញពីត្រចៀកមកពាក់នឹងកវិញ រួចនិយាយមកកាន់អ្នកទាំងជ្រួញចិញ្ចើមឆ្ងល់
«នាងកើតអី?»
«អឺ...ខ្ញុំ...មានរឿងមួយចង់ប្រាប់សិស្សច្បង» អ្នកស្ដីឡើងយ៉ាងរដាក់រដុប
«ហ៊ឹម!! ឆាប់និយាយមក...ខ្ញុំប្រញាប់» Huening Kai និយាយដោយមុខស្មើរធេង
«ខ្ញុំ...ខ្ញុំ...ស្រ..»
«Huening ហ្អា៎!» សឹងតែសម្រេចទៅហើយ ស្រាប់តែមិត្តរបស់ Huening Kai ក៏ស្រែកហៅឈ្មោះគេ
«ចាំពេលក្រោយចុះ..» Huening Kai រត់ទៅតាមម្ចាស់សម្លេងអំបាញ់មិញ។
«ស៊ាំណាស់!! ហ៊ិកៗ» អ្នកស្ដាយឱកាសនោះជាពន់ពេក ព្រោះតែ មិនងាយមានពេលនិយាយផ្ទាល់ជាមួយ Huening Kai ឡើយ។
យប់បន្តិចអ្នកក៏ដល់ម៉ោងចេញពីរៀន អ្នករៀបចំអីវ៉ាន់ទុកក្នុងកាតាបដើម្បីត្រលប់ទៅផ្ទះវិញ។ នៅពេលអ្នកបិទទ្វាចេញពីថ្នាក់ អ្នកក៏បានឃើញ Huening Kai កំពុងអង្គុយលើបង់មុខថ្នាក់ ខ្នងរបស់គេផ្អែកនឹងកៅអីនោះ មានកាសជាប់នឹងត្រចៀកទាំងសងខាង ឯភ្នែកទាំងគូបិទជិតហាក់កំពុងផ្ចង់ស្ដាប់ចម្រៀង។
អ្នកបានដើរថ្នមទៅជិតគេ ដើម្បីកុំអោយរំខានសមាធិគេ។ អ្នកសម្លឹងមុខគេរួចនិយាយតិចៗថា
«ទាំងពូកែ ទាំងឆ្លាត សិស្សច្បងគឺពិតជាអស្ចារ្យណាស់ សិស្សច្បងជាគម្រូរបស់ខ្ញុំ»
«ខ្ញុំចូលចិត្តសិស្សច្បងណាស់ អូ..អត់ទេៗ» អ្នកគ្រវីក្បាល រួចនិយាយម្ដងទៀត
«ខ្ញុំស្រលាញ់សិស្សច្បង ហិហិ» អ្នកខ្ទប់មុខសើចតិចៗ រួចប្រុងនឹងដើរចេញ ប៉ុន្តែក៏ត្រូវដៃធំមាំរបស់បុរសរាងខ្ពស់ស្រឡះម្នាក់ចាប់កដៃអ្នកជាប់
«សារភាពស្នេហ៍ហើយ ចង់រត់ចោលខ្ញុំ?» Huening ក្រោកឈរនិយាយមកអ្នក។ គ្រប់ពាក្យពេចន៍របស់អ្នកមិនមានហោះផុតពីសោតារបស់គេឡើយ។ អ្នកបើកភ្នែកធំៗ រួចយកដៃម្ខាងខ្ទប់មាត់ជិតទាំងសេចក្ដីអាម៉ាស់។
«ខ្ញុំក៏ចូលចិត្តនាងដែរ» គេឱនមកខ្សឹបក្បែរច្រចៀកអ្នក។ កែវភ្នែកនៃសេចក្ដីអាម៉ាស់របស់អ្នកមុននេះក៏ប្រែជាកែវភ្នែករំភើបពេលលឺសម្ដីរបស់ Huening។
«ពិតមែនហ្អេ៎ស? ខ្ញុំស្ដាប់មិនច្រឡំទេ? សិស្សច្បងក៏..» សម្លេងរបស់អ្នកក៏ត្រូវកាត់ផ្ដាច់ត្រឹមហ្នឹង ដោយសារតែបបូរមាត់អ្នកត្រូវបបូរមាត់មួយផ្អឹបជាប់។ បបូរមាត់ទន់ៗរបស់គេធ្វើចលនាពេញសព្វបបូរមាត់របស់អ្នក វាចាប់ផ្ដើមធ្វើឱ្យអ្នកក្ដៅមុខភាយៗ។
«ត្រូវហើយ..ខ្ញុំក៏ស្រលាញ់នាងដែរ» ចាប់គេថើបរួចហើយ អ្នកប្រុសក្បាលខូចរូបសង្ហាម្នាក់នេះទើបតែបញ្ជាក់ប្រាប់ថាស្រលាញ់ដែរ😡
អ្នកអៀនមុខឡើងក្រហមព្រឿងៗ រួចក៏ហក់ឱបក្នុងផែនទ្រូងរបស់គេយ៉ាងណែន។ កក់ក្ដៅណាស់បាន crush ស្រលាញ់វិញ😝។
__The end__
