ကျင့်ကြံခြင်း၏ရည်ရွယ်ချက်(Complete)

စစ်ပွဲ၏အကျိုးရလဒ်များ

ဤနေရာတွင် နတ်ဆိုးဘုရင်လေးပါးအထိရှိနေကာ ဆင်မိစ္ဆာနတ်ဆိုးမင်းမူနေသည့် စစ်မြေ ပြင်ဖြစ်သည်။

"ခွေးသတ္တဝါ!!"

စု၀မ်က ဒေါသတကြီးအော်လိုက်သည်။

ထိုဆင်သည် ကျင်ကြံသူလူသားများနှင့် နတ်မိစ္ဆာအချို့အား နင်းသတ်နေခဲ့သည်။

စု၀မ်သည် ချက်ခြင်းထိုဆင်ကြီး၏အရှေ့သို့
ပြေးတက်သွားလိုက်သည်။

နတ်ဆိုးဘုရင်အဆင့်မှာ လူသားတစ်ယောက်နှင့်
ဆိုပါက တန်ခိုးရှင်အဆင့်ဟုဆိုနိုင်သည်။

သူမက သာမာန်တန်ခိုးရှငိအဆင့်များကိုအနိုင်ယူနိုင်သော်လည်း ထိုနတ်ဆိုးကိုသတ်ရန်တော့ခက်ခဲနေသေးသည်။

ဆင်နတ်ဆိုးကလည်း သူမကိုမြင်သည်နှင့်အခြားကျင့်ကြံသူများကို အာရုံမစိုက်တော့ချေ။

"လူသားပါရမီရှင် လီစု၀မ်။မင်းနဲ့ဒီမှာတွေ့ရလိမ့်မယ်လို့ငါမထင်ထားဘူး။မင်းလာမှတော့ ပြန်ဖို့မတွေးနဲ့တော့။"
နတ်ဆိုးက ပြောသည်။

"သေလိုက်လေ ငါ့တို့ပိုင်တဲ့ကုန်းမြေ ဘယ်နေရာမှာမဆို ငါတို့ခြေချပိုင်ခွင့်ရှိပြီးသား။နင်တို့
နတ်ဆိုးတွေသာ ပြန်ဖို့မတွေးကြနဲ့"
စု၀မ်သည် သူမ၏ဖျက်စီးခြင်းဓားကို အသက်သွင်းလိုက်တော့သည်။

ဆင်နတ်ဆိုးက စု၀မ်ဆီသို့ တဟုန်တိုး၀င်ရောက်လာပြီး သူမကလည်း လက်တစ်ဖက်ဖြင့်
ဓားကိုကိုင်ရင်း ကျန်လက်တစ်ဖက်က ငရဲမီးတောက်အား လက်ဖဝါးပေါ်တွင်တင်ထားခဲ့သည်။

သူမသည် အပြင်ဖက်တွင်နှစ်ပေါင်း၆၀၀
မြူနန်းတော်ထဲတွင်ဆိုလျှင် နှစ်ပေါင်းသန်းချီကာလေ့ကျင်ခဲ့လေပြီ ပြောရလျှင်တန်ခိုးရှင်အဆင့်ကို သူမသာတက်လှမ်းလိုခဲ့ပါလျှင် လွန်ခဲ့သောနှစ်တစ်ရာကျော်ကပင် တက်လှမ်းနိုင်ခဲ့လေပြီ။

အဆင့်တစ်ခုခြင်းတက်ခြင်းမှာ အလွန်နှေးကွေးလှသည်။
အဆင့်တစ်ဆင့်ကိုရောက်ရန်နှစ်ပေါင်း၁၀၀ အနည်းဆုံး အားထုတ်ရသည်ကို သူမကလက်မခံနိုင်ပေ။

ထို့ကြောင့် အဆင့်တက်ခြင်းကိုထိန်းချုပ်ထားပြီး
အဆင့်နှစ်ခုတက်ရန်နီးကပ်လာမှသာ တစ်ခုကို
တင်သည်။