اسكريبتات عائلة الحاج سعيد

الإذاعة الهاتفية

اهلًا...
حبيت اقولكم متنسوش تشجعوني ي حلوين
و صلو على نبي الرحمة.
______________________

السلام عليكم و رحمة الله و بركاته
أهلًا و سهلًا و مرحبًا بكم أعزائي المشاهدين، تشرّفتم بمشاهدتى اليوم و رؤية وسامتى الشديدة، أتمنى أن تحبّوا أنفسكم كما تحبّوننى هكذا.
المهم..
ها أنا معكم الآن فى حلقة جديدة من برنامج (إيهاب و الأحباب) أو كان المفروض نسمّيه (محبوبكم إيهاب) عشان المصداقيّة..
المهم تانى..
سآخذكم فى جولة فى منزلى المتواضع، و سأُعرّفكم على عائلتى المتواضعة برضو عشان تعرفوا انا بعانى معاهم أد ايه😢
و لكن أوّلًا ننتقل إلى المراسل عديّ سينقل إلينا خبرًا هامًّا من حديقة المنزل.

_أهلًا يا إيهاب...
_اسمى السيد أستاذ مذيع إيهاب لو سمحت!
_اي دا؟ افتكرت ان اسمك إيهاب محمد سعيد!
_كمّل فقرتك يا عديّ عشان مرميش التليفون فى وشّك!
_بس تسنيم هتقتلك!
_انا اللى هقتلك لو مبدأتش! جمهورى منتظر!
_طيب طيب... اهلا و سهلًا بكـ...
_انت بتقول ايه؟؟ انا بس اللى بقدّم البرنامج انت المراسل بس!
_برحّب بالناس!
_دا جمهورى و انا بس اللى أرحّب بيه.
=جمهور ايه يبنى بطل كذب؟!! انت مش بيتفرج عليك غير خمس أشخاص منهم انا و اسراء و قاسم و جدتك زينب، و بصراحة مش عارفة الشخص الخامس دا بيتفرج عليك ليه؟!
"و دى ندى بنت عمّى رشاد انسانة رخمة و غتتة و بتحب تفسد لحظاتى السعيدة و....

ندى: انا رخمة و غتتة؟؟ هو اه انا بحب افسد لحظاتك السعيدة بس مش رخمة و غتتة! طب و الله لأقول لتسنيم انك بتصوّر ع الموبايل بتاعها.
_انتى بتهدّدينى؟
_ايوة.
_اي دا بجد!
_ايوة، و هقولها كمان انك مسحت الشبابيك بالطرحة بتاعتها الجديدة اول امبارح و هى اصلا مستحلفالك من ساعة ما رشّيت عليها مايه بالخرطوم و هى راجعة من عند عمتك امبارح.
_كدا انتى هتبوّظى البرنامج بتاعى! طب ايه رأيك نعمل صفقة؟
_اشجينى.
_هجيبلك شيكولاتة كل يوم لمدة اسبوع.
_علّى كمان.
_اسبوعين.
_اعتقد تسنيم هتتعصب اوووى لو عرفت مين اللى دخل الاوضة بتاعتها من يومين و أخد البلوزة بتاعتها البطيخى اللى هى بتعشقها و عملها مشّاية فى أوضته!
_خلاص لمدة شهر و دا اخر كلام.
_اتفقنا.
_بس بشرط انك ماتفتنيش عليا طول الشهر دا.
_صعب بس هحاول.
_يبقى اتفقنا.

"سلمت عليا بابتسامة و مشيت و سابتنا و فضلت انا و عديّ، منك لله يا ندى عطلتى جمهورى الحبيب عن متابعة برنامجى الرائع!

_ازيكم يا مشاهدين انا عديّ جمال المراسل بتاعكم و جئت النهاردة أخبركم أن هناك عصفورة عالقة على الشجرة.
إيهاب: يا الهى! العصفورة المسكينة!
عديّ بحزن: نعم يا إيهاب إنها مسكينة جدًا يؤلمنى قلبى و انا أسمعها تُقاقى بألم!
إيهاب: تقاقى ايه يا بنى آدم هي فرخة؟!
عديّ: نعم نعم اعتذر اقصد أنّها تُصَوصِو.
إيهاب: اسمها تُزعّق!
=اسمها تزقزق يا متخلف منك له!