السلام عليكم و رحمة الله و بركاته.
ها انا اعود لكم بحلقة جديدة بعد اختفاء دام لشهرين أو أكثر!
و إن شاء الله لا يطول اختفائي هذه المرّة.
هذا الفصل بمناسبة إتمام مجموعة (اسكريبتات عائلة الحاج سعيد) أكثر من 2k مشاهدة.
الفصل إهداء لجميع المتابعين، و جميع عشاق عائلة الحاج سعيد..
شكرًا لأنكم كنتم جزءًا من هذه العائلة اللطيفة❤️
الآن استمتعوا بالفصل و لا تنسوا التصويت (تدوسوا ع النجمة اللي تحت) و اخبروني برأيكم و أفكاركم للحلقات القادمة.
عائلة الحاج سعيد تُرحّب بكم و بتقولكم متنسوش الصلاة على النبيّ قبل القراءة.
استمتعوا...
_______________________
كنت قاعد بكلّم أحمد صاحبي و لقيته بيقولي عايزين نخرج!
بيني و بينكم أنا قعدت أتلفّت حواليّا عشان أتأكد إن مفيش حد شايفني أصلكم عارفين عيلتنا الجميلة اللازقة الـ....
_احنا لازقة؟!
ببص على يميني لقيت ندى أختي قاعدة على إيد الكرسي و هي بتاكل تفاحة و مبحلقة ف التليفون..
_انتي سمعتيني ازاي؟!
_أصلك بتفكّر بصوت عالي.
_بقولك إيه اكتبله موافق و قوله اننا هنروح الساحل.
و ده كان صوت تسنيم بنت عمي اللي كانت واقفة ورا الكرسي و برضو مبحلقة ف التليفون بس هي كانت بتاكل خيار ..
سيبتهم و بصيت ف الموبايل لما لقيت أحمد بيقولي عايزين نروح أي منتزه و فجأة سمعت صوت إسراء و هي بتتكلم : لا قوله عايزين نروح الملاهي.
_في حرف نون جه بالغلط هنا! انتو مش هتيجو معانا.
ندى_لا عيب كده يا حازم دول مهما كان بنات عمنا و لازم نشفق عليهم و ناخدهم معانا و نكسب فيهم ثواب.
_و مين قالك أصلا إنك هتيجي معايا انتي كماا...
و فجأة و انا بتكلّم حسيت بالموبايل بيتسحب من ايدي ببص لقيته مع قاسم ابن عمي و بدأ يكتب و يرد على أحمد بكل بجاحة و كأنه موابيله!!
_انت بتعمل ايه؟!
اعطاني الموبايل و هو بيتكلم: قولتله اننا هنقابله بعد العصر.
إيهاب بعد ما ظهر فجأة من اللامكان: جميل أووي هروح بقى أجهّز العدّة بتاعتي.
_عدة ايه؟
_بتاع الرحلات.
و سابنا و مشي و لقيت إسراء كمان قامت: و انا هروح أجهز واقي الشمس عشان أحافظ على بشرتي رطبة ، و ناعمة ، و أنيقة.
_هو انتي بتعملي إعلان شامبو؟؟
سابتني و مشيت و هي بتكلم نفسها زي المجانين و قاسم كمان خرج علشان يشوف هيلبس أنهي طقم في الخروجة اللي اتفق عليها مع صاحبي و من موبايلي!
و هكذا انصرف الجميع و ارتاحت منهم و قررت أغير معاد الخروجة مع احمد لكن للاسف قالي ان مش هينفع لان وقته محدود!
و هنا كان لازم اتصرف و قررت اتسحب من البيت ف معاد الخروجة عشان ميشوفونيش..
بصراحة بقى عندي فوبيا من الخروج مع عيلتي بسبب المصايب اللي بتحصل ف كل خروجة🙂
أنت تقرأ
اسكريبتات عائلة الحاج سعيد
Humorعائلة الحاج سعيد.. هي ليست ككل العائلات! إنها عائلة مميزة و مايُميّزها هو جنونها المُطلق.. جنون! فرد! اثنان!! بل عائلة بأكملها. تعالوا معنا نتعرف على هذه العائلة عن قرب و نخض معها مغامراتٍ يكسوها الجنون. و تذكروا الضحك للجميع.. تابعوني..
