«المقتطف الثانى»
يوم السبت في وقت الضهر كنت حااسة بزهجة ، لفحت توبي ومشيت للدكان اشتريت لي اندومى ولبان وغشيت البوتيك اخدت ليا كريم نيڤيا
اهاا لمن كنت راجعة شفت عدن بت جيرانا نوعية البنات الفاسخات والسمااان لمن غلط نتيجة لبلع الحبوب
كانت ماشة عكس طريقي ،بقت بتعاين لي م̷ـــِْن فوق لتحت وانا زاتى م قصرت🐸👋 قالت لي وهى بتلوك فاللبان:بتعاينى فينى مالك؟ غايتو حسادة عجييبة
قلت ليها: يلا انتى حددي يحسدوكى فى شنو ،في فسخك المخلي جسمك باقي زى جسم التمساح دا ولا سمنك المخليكى عاملة زى مصارعين السومو ؟🐸
البت جاتنى قريييييب وبقت ترددددح ليك ردددح السنين، قلت ليها وانا شبه مغمضة عيونى دلالة على العصبية وفكى السفلي دا جايباه لقدام و باشر فالكيس الماسكاه فى يدي:انتظرينى بسسسس اودى الكيس دا لامى واجيكى اوووعك تمشي. اهاا جريت دخلت البيت وانا بلقط فى انفاسي الليييلة اعمل شنووو بت الناس دى لْـو نفخت فينى ساي حتوقعنى، مشيت لغرفتى ختيت الكيس فالسرير واخدت تلفونى وكتبت فى قوقل: كيفية تعلم الردح فى 5 ثوانى🐸💔 جاتنى رغد قالت لي:الكيس دا فوقو شنوو؟ قلت ليها وانا جاراها م̷ـــِْن يدها: امشي العبي اوعك تجينى هنا ما ناقصاكى، قالت لي: تجيكى الكوكة يدقو ليكى الدلوكة بركت النبقة النقوها والواطة الشقوها 😏👏👏
يعنى حتى الشفع الصغار قادرين على الردح الا انااااع 😀😀😀😀😄😄😄 كان نفسي ادسها بتحت توبي وتردح بدلي لَـگِنْ يلا ما حنك نتعلم هسي 👋👋 اهااا حفظت لي زى 10 ردوح حفظ صصصم ولفحت توبي كووويس ونفخت وشي ومشيت لعدن وانا م̷ـــِْن الخوف كرعينى بتصاككن فى بعض 🌚💔 اهاا زولتكم م̷ـــِْن ما وصلت ردحت ردح صاااااح طيرت لى اي شئ حفظتو فى راسي ،
صفقت ليها بيدينى وقلت: هيييي انتى احسن ليكى تحترمى نفسك انا ما قاعدة اهظر معاكى هييي وتانى هييي هوّا اللاوية شوف دى بالله👏👏انحنا كان قمنا للردح صعبييين واظن كدة كفاكى عشان لْـۆ زدت خايفاكى تغرقينا بالبكى 👏😏😏 يلا المشكلة انى كنت واثقة مـن نفسي شديد، اخدت ليك وضعية البطل لمـن يقيف🦸 رافعة راسي وصدري فوووق وبعاين فيها بكبرياء وابتسامة جانبية بتدل على الفخر 🐸
يتبع...
لٱ تنسو التصويت
أنت تقرأ
📍رواية: نسومة الشليقة🐸♥️ 📍بقلم: ام عمر🖋️
Fanfictionليست رواية وانما مقتطفات على شكل رواية بتحكى فِيَھ نسمة" عن بعض المواقف الطريفة الاتعرضت ليها بسبب شلاقتها 💜
