📍رواية: نسومة الشليقة🐸♥️ 📍بقلم: ام عمر🖋️

4☂️

  «المقتطف الرابع»

بتذكر انو اخوى رمزى لمن خلاااص حدد عرسو بعد شهر جونا خالاتى وبيّتو معانا عشان يساعدو امى ، اصلاا بيتنا كبيييييير بيشيل كم اسرة، 

عندى خالتى البكر ودى فالخرطوم  امى وصتها تجيب معاها الشيلة م̷ـــِْن هناك 👏👏♥️

يلا انا خالاتى 5 ، وأي واحدة فيهم بيكون عندها زى 6 عيال ولا 7. وكلللهم شفع اكبرهم بيكون عمر16  ما عدا خالتى الحتجينا م̷ـــِْن الخرطوم دى عيالها كلهم كبار،  اصغرهم شاب اسمو يوسف عمرو 22 تقريبا

يعنى بيتنا كان جااايط جاايط اصحا الصباح القا واحد م̷ـــِْن الشفع بيجر  شعري اقول امشي لغرفتى وانوم القا واحدة م̷ـــِْن البنات فاتحة دولابي وبتفتش فالكريمات والتانية راكبة فوق السرير وعاملة م̷ـــِْن مناكيري والتالتة ماسكة فستانى وتقول: فستانك دا اطول منى ممكن امشى اقصو عشان البسو فالعرس
اقول خلاص امشي انوم فغرفة امى تمسكنى واحدة م̷ـــِْن خالاتى وتقول لي امشي ختى الاكل ولدى قال جعان بمشي بخت ليهم الفطور وامشي للبرندا عشان اكمل نوم الصباح يجينى شافع يقيف لي فوق راسي ويقول:داير حليب ببسكويت
ويجينى واحد تانى شايل تلفونى و يقول: عندك لعبات
، يعنى فترة الشهر دى انا راجعت نفسي تمااام  واتخذت قرار انى ماا اجيب عيال كلللو كلو. 👋 🐸💔

اهااا اظن بعد 15 يوم خالتى الفي السودان جات هي وولدها يوسف اما الباقيين ما جو لانو فيهم العندو جامعة وفيهم الشغال وفيهم المغترب.
يلا يا جماعة ولدها دا شدة ما سمح بنات الحلة كلللهم كبو لينا فى بيتنا واى واحدة بتعمل فيها روحها خدومة  اكتر م̷ـــِْن التانية🐸💔
المهم خالتى وولدها جونا م̷ـــِْن الصبااااح ضيفناهم وورتنا الشيلة الكانت راااهيييييييبة 💃💃💃 امى تنوم بيجاي انا أفتح الشنطة بيجاى واجرب التياب والفساتين الفيه،  طبعا كان فِيَھ فستان عجييب كلو كلو ما يفوتكم انى سرقتو ودسيتو فى دولابي 😂😌😌😌😌

فى يوم جاتنى صحية فالليل قلت امشي اشرب موية  اهاا لمن قربت للمطبخ سمعت صوت كركبة قلت احتمال تكون كديسة ، دخلت للمطبخ ولقيت دا يوسف واقف قدام البوتجاز ومميل راسو،  ضحكت ومشيت لبعتو فى ضهرو وقلت:ياا ود خوفتنى ، بس دقايق هو مالو مغمض عيونو،  وراسو دا مالو مايل كدة،  عايزة اتكلم يوسف اترنح وقبضنى م̷ـــِْن رقبتى وقال: همممم ااتنمب يلبت  بقتلك
قلت ليه:سججميي تقتل منووو فكنييي ياا مشوطن اوووميييي يااا اميييي،

  على صراخى جات امى جارية ومعاها خالتى ، خالتى جات كبت جدرل موية فى يوسف وقالت:كرعلي يا بتى نـسيت اوريكم انو ولدى بيمسكو حمار النوم

يتبعع....