«المقتطف السادس»
فى يوم العرس صحيت الصباااااح مشيت للحمام لقيت اى واحدة في خالاتى بتدافر عشان تشطف اولادها وتلبسهم،
اها شلت لي ابريق ومشيت على الركن اتسوكت ومشيت على المطبخ عملت لي كباية شاي شربتو ولبست توبي واخدت لي 5 بسكويتات واحدة ماسكاها بي فمى والباقيات قابضاهم فى يدى، اهاا مشيت اتكلت على باب الحوش وبقيت بعاين فى الشباب الكانو بينزلو فى حجات الصيوان ،
التفت يمينى لقيت شاب واقف جنبي، يدو الشمال متكل بيها على الباب والتانية فاتحها لي نظام ادينى، اهاا عزلت اكتر بسكويتاية محروقة واديتو ليه وفى قَلبي قلت:تاكل السم🐸
بعد ماا خلااص ناس اخوى عقدو لبسنا وبقينا ماشين على بيت العروس(بيتهم باللفة )
اهاا انا شيلونى قفة العروس البيكون فيها عطور زجاجيات كانت تقيييلة تقل ومع الفستان الجاري فالارض اتخيلت منظري وانا واقعة..😂🐸
اهاا حصلنا البيت وانا كنت ٱخر واحدة تدخل جيت ماشة على الطاولة عشان اخت القفة وسط الغنا سمعت صوت مرا بتقول:ياا بتت قداامك
ااااى جييت واقعة 🐸💔 وما كدة وبس، العطور الزجاحيات كلهم اتكسرو والطاولة الوقعت فيها كان مختوت فيها السفرة البتحتوى علي حاجات الجرتق وجات واقعة 😀😀😁
لسسسه كمان المبخر جا واقع والفحم حرق توب العروس من تحت😁😁
الجو بقا صااااااني حسيت بحرارة فى عنقرتى التفت بوراي لقيت اخوى العريس بيحمر فيينى اتقول عيونو دى ليزر
دى م̷ـــِْن ضمن المواقف اللعندى الان لمن نكون بنتونس بيذكرونى بيه 🚶♀️🚶♀️🌚
يتبع...
أنت تقرأ
📍رواية: نسومة الشليقة🐸♥️ 📍بقلم: ام عمر🖋️
Fanfictionليست رواية وانما مقتطفات على شكل رواية بتحكى فِيَھ نسمة" عن بعض المواقف الطريفة الاتعرضت ليها بسبب شلاقتها 💜
