رواية: نسومة الشليقة بقلم: ام عمر

8☂️

     «المقتطف الثامن»

فى اليوم الاول مـن عيد الاضحي، في العصرية كدة  كنا قاعدين انا وامى وحبوبتى فالحوش بنقطع فاللحمة ، اهاا امى وحبوبتى ونستهم كلها كانت عبارة عن :
بابكر دا والله مافي منو اتنين ، بابكر سيد الرجال ، ماشاء الله القروش دي راااقدة عندو ، محترم مافيو كلام،  يا حظ المرة التانية الحيعرسها،،   ( بابكر دا ود عمى  متزوج واصغر عيالو اسمو عبد القادر عمرو 20 يعنى فى عمري 😀😀!!)

اهاا بقيت بنقل نظري ما بين امى وحبوبة ومنتظراهم يرمو لي الكلام عديييل،  اهاا بعد مسافة امى قالت لي:نسومة بابكر لو اتقدم ليكى حتوافقي؟

قلت ليها: البخلينى اوافق براجل عجوز   شنو؟؟  ولا كمان راجل مرة ماالي الناقصنى شنو
حبوبة قالت لي:البت معروفة انها لود عمها وغير كدة حتضمنى مستقبل اولادك الراجل ماشاء اللّـه عندو قطع اراضي كتيرة وشغلو سمح ، واصلا ما علي كيفك
قلت ليهم:الليلة رجااااالة م بوافق واشوف البجبرنى منو

سمعت صوت رمزى م̷ـــِْن وراي بيقول:رجالة؟؟؟  حامشي هسسي دا واديهو موافقتنا عشان لسانك الطويل دا ينقص

بركت فى مكانى وبقييت بجعر ، انا بابكر دا ما دايرااااو 😭 ، اهاا مشيت للبرندا بكيت كدااا لعند ما نمت،  صحيت وقت المغرب

بيي منظري داك لفحت لي توب وشلت لي سكين م̷ـــِْن المطبخ ومشيت لبيت بابكر ودقيت الباب كككو كككو ،

فتحو لي هو زااتو وكان بيعاين لي باستغراب،  قلت ليه:هسي. بزمتك  ما بتخجل تعرس  ليك بت اصغر م̷ـــِْن بناتك ؟  وبعدين بنات الحلة ديل كلهم ما لقيت ليك بت غيري ، سكينى دا شايفو ولا ما شايفو وقسسسسسما باللله اديك بيهو طعنة لمن تستغرب. تفيت في وشو ومشيت سمعتو وهو بيقول: حاتفاهم مع اخوكي 🤌

مشيت للبيت وانا مقلعة عيونى م̷ـــِْن الخوف اللييييلة لْـۆ ورا اخووى انا البحصل فوقي شنوو 😭😭 ،، بكيت كدااا حتى  مشيت للديوان وشلت سوط العنج م̷ـــِْن تحت السرير  مسحتو زيت زيتون وختيتو فى الحوش عشان  زيتو ينشف ويبقا متييين وقوي 💪

اهاا مشيت للبرندا وبقيت قاعدة فالسرير ومنتظرة اخوى يجي 😔😔 ، نص ساعة واخوى جا،  وقف على عتبت الباب وحمر فينى ومشا على اتجاه الديوان  لحقتو وقلت ليه: سوط العنج حتلقاه فى الحوش مسحتو ليك زيت زيتون عشان يبقا قوي 😔😔😔 اخوى عاين فينى باستغراب ، حمر ومشا للحوش واخد سوط العنج انا دخلت للبرندا انتظرتو لعند ما دخل حتى مشيت وقفلت الباب (جيرانا اضنينهم خفيفة اقل شئ بسمعو 🐸💔)

اهاا اخوى قال لي:انا فالاساس ما كنت عايز اجلدك كنت عاوز اتكلم معاك بالهداوة لَـگِنْ مدام جهزتى  لي السوط يبقا تاخدى علقتك.  واشتغل فينى تخبيط م̷ـــِْن طرف وااااى انا م̷ـــِْن شلاقتى دى 😭😭😒😒😒💔💔

اهاا اليوم التانى ابوى نادانى مشيت ليهو وامى كانت قاعدة فى عتبت الباب دايرة تتشمشر،  اهاا ابوى قال لي ود عمك بابكر اتقدم ليكى،  رايك شنو؟  عاينت لامى وقلت: باااس هُوّيي خِتْياار 🤧🤧!!

("بس هو عجوز"  قلتو ليها باللبنانى عشان ابوى م يفهم،  ود اخوهو م بيرضي فيهو ولا كلمة 🌚👋) 

اهاا امى حمرت فينى فالنهاية قلت: ما عاوزااه

جريت مشيت لغرفتى بكيت لمن نمت،  صحيت على صوت دق فالباب ، مشيتو فتحتو ولقيتها بت عمتى اتزوجت ليها زي سنتين.، اهاا قدمت ليها موية حتى قالت لي وهى رافعة حواجبينها :صحيي قالو حيزوجوكى لابو قدورة؟  ما عجبنى ليكى غايتو ، يلا المشكلة زولتنا دى عرسوها لراجل لْـۆ قلت ليكم انو قدر جدى خايفاه يطلع مـن قبرو ويجى يكفتنى،  لانو دا ما قدر جدى،  دا قدر جد جدى بدون مبالغة 🐸👋

اهاا كلام بت عمتى دا فتح لي راسي   

عاينت فيها وضحكت مساااافة لعند ما براها طلعت م̷ـــِْن البيت مشيت لامى وقلت ليها،  ياااا امى انا مواافقة اعرس بابكر 😄😄😁😁

قالت لي: اصلا حتى لو ما وافقتى بنعرسو ليك بنعرسو ليك 😀💔

يلا يا جماعة انا حاليا محبوسة عشان العرس حددوه بداية الشهر الجاى وان شاء اللّـه بعد ما العرس ينتهى حاكتب ليكم الاحداث الحصلت لي فى زواجى 😂♥️

استودعكم •اللّـہ̣̥ 💜