« المقتطف الثالث»
عندنا عادة كل بعد ما نصلي المغرب كللللنا بنتلم فالبرندا ونشرب الشاي ونتونس
رغد ورهف بيكونن قاعدات قدام التلفزيون وبيتفرجو على الرسوم وحبوبتى بتكون راقدة فالسرير البعيد مـن المروحة لانو بيعمل ليها صداع. وامى وابوى بيرقدو فالسراير المقابلة لبعض وانا ورمزى وعبيدة بنقعد تحت فالفرش،، كنا قاعدين نشرب فالشاي وبنتونس وبنضحك والجو دافي واسري ، بس كالعادة مستحيل تنتهى اللمة دى بدون ما يبكونى ويضحكو فينى. 🐸💔
رمزى: لالا ولا تتذكرو يوم ما طلعت للطابور وغنت اغنية ماما جابت بيبي
واتعالت القهقهات وانا من الخجل والضيق لمن عرقت 🐸💔 وهم لسع مصرين يذكرونى بطفولتى اهاا لمن زودوها مشيت لغرفتى بكيت واتمخت زيين
نص ساعة رهف جاتنى قالت لي تعالي العشا اهاا طلعت ليهم برا فالحوش وبقينا ناكل، تلفون ابوى رن وشكلو واحد شغال معاهو لانو كان جايط شديد، قفل التلفون وبقا ينبز مرة وياكل مرتين، عاينت لرمزي وعبيدة ولقيتهم بيكتمو فالضحكة، انا زااتى طبقت فمى وبقيت ببتسم، 🌚💔
ابوى:والله العظيم وقسما بالله ااولحد يسوي شنن ااشغلتهم ديلةشنو ديل .. يلا هنا انحنا التلاتة فجرنا الضحكة. 🌚
ابوى ادانى عين وقال: بتضحكى مالك انتى؟؟ عاينت ليه بخلعة ورجعت عاينت لرمزى وعبيدة لقيت ملامحهم جامدة ولا كانهم كانو بيضحكو، يعنى رمو التهمة فينى وخلونى 🐸💔 قلت ليه وانا رافعة يدينى لفوق زى المجرم لمن تقبضو الشرطة: ضحكت متين انا يا ابوى 😳😳 ابوى قال:يعنى انا خلاص جنيت مش؟؟ فالمدرسة ما ادوكم حاجة اسمها اداب الطعام؟يعنى مافي احترام....الخ وبدت مسيرة المحاضرة 😀😀😄😄😄
يتبع...
أنت تقرأ
رواية: نسومة الشليقة بقلم: ام عمر
Fanfictionليست رواية وانما مقتطفات على شكل رواية بتحكى فِيَھ نسمة" عن بعض المواقف الطريفة الاتعرضت ليها بسبب شلاقتها 💜
