«المقتطف الخامس»
مرت الايام وجاا يوم عرس اخووي 💃💃💃💃💃♥️🪘♥️🪘♥️🪘
اليوم القبل العرس مشيت اشتريت لي فستان بينى وبينكم انا ولا بعرف اختار ولا بعرف اشتري، زولاية هبلة ساي ودايما اسياد المحلات بياكلونى لانى م شاطرة فالحساب 🐸👋 اهااا صحيت الصباااح وقلت لي امى تمشي معاي
قالت لي انها مشغولة ادتنى قروش وقالت لي اشتري ليكى فستان والباقي اشتري بيهو كذا وكذا وكذا. اهااا مشيت لدولابي وفتحت جيب البنطلون واخدت قروش كنت داساه لوقت الحوجة، ومشيت لابوى بعيون بريئة وقلت ليه:ابوى امى أبت تدينى قروش عشان اشتري لي فستان زى باقي البنات 🥺🥺🥺🥺🥺
ابوى طلع م̷ـــِْن جيبو ربطة قروش وادانى جريت جري للسوق وعزلت لي جنقورة كدة قال فستان عجبنى عشان فاري بس😁😁😁😁 عاينت ليهو بيجاي وبيجاى ومشيت لسيد المحل وقلت ليه:الفستان دا بكم، قال لي بي( ..... ) رغم انو المبلغ كان كبير بس امى م معاى عشان تفاوض لذلك اديتو القروش م̷ـــِْن دون مفاوضة 😄😄😄 سيد المحل قال لي:مش المفروض تقيسيه الأول؟ لْـۆ شلتيه تانى ما حنستبدلو ليكى او نرجعو ، قلت ليه:لالا قستو بنظري شكرا على النصيحة وهاك القروش دى اعتبرها هدية منى لانك زول طيب وأمين وبتبيع فساتين حلوة😁♥️ اديتو باقي القروش ومشيت للبيت 🚶♀️🚶♀️ عندى كعب عالي وطرحة حقات العيد الفات جداااد لبستهم 3 مرات بس وياهو هسي اشتريت لي فستان تانى باقي القروش نسوي بشنو😄😄😁؟
نـسيـت انو امى طلبت مني اجيب ليها بعض الاغراض والحاجة دى ما اتذكرتها الا لمن حصلت عتبت الباب 🐸💔
اهاا بلعت ريقي ومشيت لامى الكانت قاعدة فى البرندا مع باقي خالاتى اهاا خطفو منى الكيس وبقو يشوفو فالفستان الاشتريتو بملامح صدمة 🌚💔
امى جاطت فينى زييييين وقالت لي:هسسي بزمممتك دا فستان تشتريه؟؟ واحدة م̷ـــِْن خالاتى قالت :كدى امشي البسيه وتعالي، اهاا مشيت لبستو وكان طوييل لمن عائقنى عن الحركة
وكان وااسع م̷ـــِْن النص حبة ، اهاا لبستو ومشيت ليهم امى قالت لي غايتو خسار القروش الاديتك هسي م لقيتى ليكى غير اللون الاصفر داا؟؟ احيي الحمدلله غايتو، وينهم الحجات الرسلتك ليهم؟
حجاات؟ حجات شنو الرسلتينى ليهم 😳😳؟؟
يعنى نسيتيهم مش🙂؟ غايتو انتى دى انا اتوقع مـڼـڱ اى حاجة، خلاص ادينى القروش حارسل عبيدة يجيبهم
هه امى مافي أي باقي الفستان احم الفستان كان بي (....) ما كملت جملتى امى وقعت فينى ضرررب صاااح قالت لي: هوو انا اصلااا ما اديتك المبلغ دا كلو، باقي القروش جبتيه م̷ـــِْن ويين. اتكلمى سسسرعة
ياخ ابووى ابوى ادانى ليهو 😭😭😒
ووقعت فينى تخبيط م̷ـــِْن اول وجديد ولعند تاريخ اليوم كل ما تتذكر انى خسرت المبلغ دا في فستان بتقع فينى ضرب 🐸💔 وبعدا ما وريتها انى اديت سيد المحل باقي القروش الفضل 🌚👋
يتبع....
أنت تقرأ
📍رواية: نسومة الشليقة🐸♥️ 📍بقلم: ام عمر🖋️
Fanfictionليست رواية وانما مقتطفات على شكل رواية بتحكى فِيَھ نسمة" عن بعض المواقف الطريفة الاتعرضت ليها بسبب شلاقتها 💜
