رَبَكُـم أعلم بِما تمرون بهِ، فأصبروا.
#حبيبة بديله..
#الكاتبة من البصاروه🤎
.
.
.
صار مراكض
اجو الولد جروني جر من مكاني وطلعنه نركض حيل صعدنه سياره وهم ينطون ندائات
بس محد يستجاب الهم الرمي صار مطر
نمشي ونمشي والروح عزيزه حيل بان تجينه طلقه
وبالي احنه ولولد نبجي على مؤتمن الي جثتو بالصندوك خلوها
طبكو السياره ونزلنه ماحسينه الا واحنه نركض والولد يعيطون
عباس:- لك ابو العز جيناك كلنه
احمد:-خويه استقبل خوانك
نطقنه الشهاده كلنه لمن حسينه انفجار يطيرنا كلنا
اصوات وشه بأذني واخير شي يصدع بيه اصواتهم وهم يلفظون انفاسهم الاخيره وشلون فرحانين بالشهاده
ابطال...
جان وجع سابيني سبي اثر طلقه بجتفي اجتني شحط فتحت عيوني الولد مطشرين بكل مكان بس عمو باقر يمي ويحاول يصحيني
باقر:- كومي يابه هديتو حيلي
دحكتلهم كلهم مرمين ع الارض
باقر:-عباس كاعد يموت وتطلع روحه تعالي نساعده تطلع روحه بدون مايتعذب
رحتلو رغم الوجع ينبض بجرحي جان يتنفس حيل مثل المختنك
عباس:- والله كاعد اشوف عبدلله لج خويه عبدلله مبتسم
بجيت حيل من كال هيج..
عباس:-لاتبجين يكول اشهد ان لا اله الا الله
رفع رجلينو عمو باقر ليفوك واني سانده راسو على رجلي التنزف..
كمل كلامو وينطق الشهاده وهو مبتسم حيل
عباس:-اشهدُ انَ محمد رسول الله واشهدُ ان علياً ولي الله
وهنا جان اخر استشهاد عباس
غمضنا عيونو واني ابجي واترحملو رجلي ماصارت تحملني
بس مجبوره اتحمل
بلش عمو باقر يحفر اربع قبور بايدينو شي بعوده احمد عباس حسين مؤتمن
اربعتهم دفنهم واشوفو شلون منحني ظهرو ترك اثر يثبت قبورهم هنا نام بوسطهم
:-ها اخذتوو الشهاده كبلي بالعافيه عليكم الجنه
ربعي كسرتو ظهري وانه انزلكم للكبر يمسح على التراب وكانو يمسح ظهر صديقو وهو حاضنو
المكان صار خطر جثير
كام بعد ماحس انو احنه تعبنه جثير لان ايدي بيها دم هو همين متصاوب وكلهذا ماقبل الا ينزلهم للكبر
واحد واحد
ماكانو الولد اصحاب جمال وشكل ومال وجاه
كانو بسطاء ومبين عليهم العوز حيلل حيل وكلهذا جاين يدافعون للبلد لكن يكفي شهامتهم ورجولتهم وغيرتهم وعز فخر بالنسبه للعراق والنه
أنت تقرأ
حبيبة بديله
Romanceقصة غربية عراقيه.. مَا زلتُ اسَمْعُ صَوَتكِ فِي كُلَ مَكّان ٍ... حتى في داحي، اسمعكِ تناديني لَكِني أعجزُ عَنْ فَهِم كلماتكِ المتداخلةِ ببعضها.. مازلت اراكِ كلما كنت اجلس هناك... تقفُ وسطَ الغرفة...تنظرِ لي بوجه حزين مبتسم.. هل ياترى انتِ حقاً هنا...
