امنية الشيخ امير

الجزء الثالث

آمنْيَہ. ممكن سؤال يمكن غبي بس اريد اطمن
.
امير. تفضلي
.
امنيه. شنو اليضمن انتو عائلتي

امير. عدا انو تكدرين تسالين جيرانكم الي وصللنا عن كريق الاسم والصوره لان بحكم يعرفنه ابوج حاجيله 
وتكدرين تطابقين جناسينه يا بنت عمي
.
امنيه. ديلا راويني الجنسيه مالتك
.
امير. اللهم طولج ياروح هاج شوفي
.
امنيه. اوك خلاص
.
ام امير. يلا بنيتي امشي

امنيه. اوك خاله. شكد طيبه انتي هذا منين ابنج ماعرف ولاطالع عليج
.
امير. يباوع ومخنزر وبتك عين
.
(رحنه للبصره واني بيدي الكانونه مشتاقه للاختي الي عمرهه سنتين وتيتمت ومتلهفه لقبر اهلي معقوله بلحظات كل حياتي تتغير وخايفه شراح اواجه كدامي ناس معادين اهلي سنين معقوله يتقبلوني جدو وبيبي شنو موقفهم واصلا اني مارهتهم من كل كلبي اكيد تفكيرهم همجي وهم حيزوجوني غصب وهذا امير شمكروه جنه غراب البين وفكره تجيبني وفكره توديني لما غفيت اكعد وارجع انام طريق طويل واني ماعندي قابليه هلكانه واني من قبل تنبل مال نوم).

ام امير. حبيبتي اكو محطه بانزين حيومف امير يقول تردين ترحين للصحيات

امنيه. لاعمه شكرا.. طريقنا طويل لو قربنا

ام امير. لاامير كال شغله ساعه ساعتين بالزايد

نمت وكعدت ع وكفة السياره

نزلت ومحد استقبلني
فتنا ولكيت البيت اسود والكل حزين

السلام عليكم
ردو وعليكم السلام نسوان جني سلمن وكلولي تعاي لجدج وجديتج
.
آمنْيَہ.
السلام عليكم شلونك جدو

الجد. لاهلا ولامرحبا

الجده. هلا بيج بنت بغداد

امنيه. اها الظاهر عبالكم اني مثل امي المرحومه فقيره وحبابه لاعيني اني بميت رجال ليغركم شكلي بس الي يتجاوز لويطاول لو يسمعني حجايه ارد بالف سمعتو لولا موشفتوني جايتكم مكسوره يالشيوخ يالعكول وتستقوون عليه لااصحو واعرفو ويامن تحجون وشلون تحجون تمااام واني بهذا البيت ماباقيه
.
الجد. لجججججججج هاي عليمن ولج
ولو مالومج اهلج ماعرفنه نربيهم حتى يربوج
.
امنيه. اييي عفيه انت متعرف تربي وعبالك كلهه مثلك لااني مربايه احسن تربايه ولهنا وكافي
.
ام امير اخذيهه منا لااهسه ادفنهه بصف اهلها
.
كال هيج واني وكعت بالكاع وفقدت بجي مثل الطفل
.
صعدوني لغرفتي وجني البنات وسلمن وعشت هالفتره بغرفتي فوك اكلي يجيني ليمي
.
لغايه ما نزلت بليل الكل نايم
تمشيت وفتت للمطبخ
لكيت بابها مفتوحه شويه طلعت اكوحديقه تجنن واني احب الحديقه والورد مثل ماما تعلمت ظليت افتر واني بيه طبيعه اظل اصلي عالنبي يم الورد والزرع احسه يتبارك وينمو بذكر النبي عليه الصلاة والسلام.
.
(بعيدا عن عالطائفيه بس ماما سنيه وبابا شيعي ويمكن هذا اكبر عارض خلى الاهل يرفضون باي شكل من الاشكال واني ماعرفت هالامور اله كبرت ومن المدرسه ف حياتي بين الائمه وترا السنه يحبوهم هم وميفرقون عنه بهواي امور)
.
وجنت افكر شلون هيج رديت بعصبيه وطولت لساني اني موهيج
بس خفت يحسوني ضعيفه ويستقوون عليه وردت اثبت نفسي حتى يجفون شري لااكثر

المهم لكيت مرجوحه هاي الي تصير حبل ومعكله بين عمودين ينامون عليهه بالافلام بهاواوي والمالديف وهيج هههههه صعدت عليهه تمددت وشالي ع راسي ودشداشتي السوده نص ردان لان حاره ونايمه جنت بس طويله ومستره
.
نمت واني تلقائي كمت اغني اغنيه ماما الي تحبها

سالوني كتير فرشولي عشاني الارض حرير
وشفت كتييير
ومشفتش زي حبيبي اميييررر
منيش رايده
منيش رايده الا هو منيش رايده
ومفيش فايده
و.....
..........

... اميير....

وصلنه البيت ونزلنه وسلمت
شو هاي صياح ومرادد ع جدي وجديتي الي الكل تهابهم كل الناس تحسبلهم الف حساب ردت اروح اجرهه من شعرهه وامي رجعتني واشرلي جدي ورجعت وهي منطلقه

لما صعدوهه
واني قليل اجي للبيت ومن اجي هي ماكو احسن اصلا ماطايقه جهرتها اني جدي عندي رقم واحد قبل اهلي هو الرباني وكبرني
.
بهالليله مثل كل ليله اطلع ادخن وافكر اباجر وشلون احل الفصول والمشاكل العشائريه وهالسوالف حتى مااندفع وتكون خطواتي مامدروسه ماانطي زله ع امير الشيخ
المهم طلعت ادخن جكارتي وكاعد ع جهه عدنه قمريه مال عنب بيهه كراسي وكعده مرتبه مثل الكوخ صايره بحيث محد يشوفني بس اشوف
.
شو هاي طلعت الجكمه لابسه دشداشه سوده نص ردن بالضلمه واديهه تضوي بيضه كطن وذابه الشال ونازله كذلتهه وتمشي وتشم بالورد وماده ايدهه بين اوراقه.
.
فجاه شفتهه لكت المرجوحه وكامت تضحك وتباوع يمنه ويسره بصعوبه صعدتها بحكم هي زقجه كصيره وترفع رجلهه وتصعد دشداشتها الثوله كل رجلهه تطلع 🦵 لحد زرورها

خرب يومهه لوغيري هنا وشافهه غبيه
شوهاي صفنت لسما وبلشت تغني دهر صابج وامج وابوج وخيتج هاي اله ضربن فيوزاتها
.
لاوفوكاهه مفيش زي حبيبي امير
قنادر مكطعه الشيخ امير حبيب هالزقجه
مانكر انعجبت بشكلهه بدون مكياج وهيج
بس كان غيرها اشطر
.

المهم بهالاثناء جان تصير حركه احنه مربين جلب يبات برا ابيته ويتمشى بهالبيت يحرسه
شوهاي جفلت.
......
امنيه.....
اسمع صوت حركه واني جبانه جسمي انتفض بس لاجني
وانعاد وصوت يلهث وخطوات مبين موبشر عزا بس لاوحش
.
جيت انهزم ووكعت منها عاليه واني كصيره مكدرت اوصل رجلي للكاع ووكعت عليهه يمكن انكسره لوفصخت توجعني كمت احبي واصيح
.
مااحس لن ايد من ورا وتسد حلكي
اني كمت اكمز واحاول اصيح واوخره بايدي هذا خلى ايده ع خصري ورفعني وشالني ورا قمريه مال عنب وبعصبيه همس باذني
.
امير. سدي حلكج لتسويلنه فضيحه اني امير
.
امنيه. هديت وسكتت
.
امير. وخر ايده وكال
هاشبيك ابوشهاب موعلساس بميت رجال وليغركم وخبصتنا
.
امنيه. صفنت بوجهه وبس دموع تنزل
.
امير. شبيج يالاسلام.
.
امنيه . رجلي توجعني ومرعوبه وانت عيشتني برعب فوك رعبي ووجعي وتكلي شبيج
امير اني ماريد احد يستغلني ويستقوى عليه اني موهيج بس مردت ابين ضعيفه
شفت الوجوه موهي
و