امنية الشيخ امير

الجزء العاشر

امنيه.
ضليت اللوب اريد افوت اشوفه واطمن كلبي يوجعني وعيوني مورمه بكد مابجيت ومحد فكر غير تفكير لان كلنه نبجي وابجي ع حاله وع امه وخواته
كالو يرتاح ويرحون لاهله يفصلو وراهه نسوي عزيمه جبيره
مكدرت اشوفه ابد
استحي افوت غرفته
.
نزلنه بليل كلنه ديحجون بموضوعه
.
الجد. اني قررت افصلها بفلوس وفصليه لان جابو شيوخ هواي اقدرهم ويقدروني بس اريد اماطل يظل فتره بالسجن وموصي ناس يدكو كتله الصبح وكتله بليل
.
ابوامير. يابه شنو فصليه منريد ملتهم عوجه وزلمهم مخربطه اكيد نسوانهم مثلهم
.
الجد. هذا قرار نهائي ومااتراجع بي
تجينه تبقه سنه تخدمنه وتخدم امير وراهه تروح بفالهه ويعقد عليهه سيد واذا طلعت خوش مره كان بها موخوش مره اعاملهه بالقندره هي تجر عدل

.
ديحجون والنسوان ميرضن بس ميكدرن يحجن بس جده تحجي بس راضيه بالوضع حيل هالشي موحلو ببعض ببعض ببعض عشاير الجنوب وكلت البعض

.
اني عفتهم وصعدت مصدومه واني اقرا واتباد ههه واعرف الفصليه دايما تطلع فقيره مومثل اخوهه وتنظلم ويحبون بعض ويتزوجون ويعيشون سعيدين وراهه اكول لايمعوده مجرد قصص ومودايما صح
.
لابس بيهن قصص واقعيه
.
اييي وحبو بعض واني شكو؟؟؟
.
انجبي امنيه مواني شكو هاي مولعبه ليش اجذب اني بداخلي شي لامير واذا بقيت هيج حصير طرف ثالث او مثل هبه او اكتم واتعقد بس اني يمكن موحب اعجاب وجذبني شكله وهيبته حاله حال مثلا الممثلين وهيج بس لا حتى لو هالشي حرام وميصير وين عايشين

.
معقوله امير يقبل
.
الاعرفه امير وحده وكلهم جوا وام حسين بعدهه مصعدت يمه خلي افوت ع كيفي فرصتي
.
فتحت الباب ع كيييف
.
امير. فوتي خاله كاعد اني وفتحي الضوا
.
امنيه. اسفه ازعجتك اني امنيه عادي افوت
.
فتحت الضوا وتقدمت
.
امير. تعاي هلابيج
شعجب شعتب
.
امنيه. شنو قصدك. واني مدمعه
.
امير. بالجذب ماتحمدتيلي بالسلامه
.
امنيه كالها وجان اكوم ابجي وفتت يم جربايته كعدت اكو كرسي كدامه مخلي الولد
.
انتي تدري شصارلي من سمعت واني ع سجادتي وادعيلك وابجي واصلا اني كلبي حس قبل ليكولون وكلساع اسال عنك ويكولون عادي هو يروح كل فتره احجي واشهك وامسح دموعي بس مباوعت علي مدنكه
ومن جيت متحملت اشوفك بهالحاله امير القوي مكسور امير الكاشخ وضعه مخربط ومن سمعت الي صار وياك منهم متت اكثر واصلا اخاف اجيك وابجي وفشله عليش هالكد ابجي واني شكو بس ترا اني ويه الكل هيج يعني بسرعه ابجي وانقهر
.
امير. اششش سكتي هاج

.
انطاني نفس الجفيه الي مره حجيتلكم عنهه بيضه وبيهه تطريز وحرف أ مزخرف وكلي
.
امير. مسحي دموعج اسف جنت اشاقه
.
امنيه. امير شبيدي اسويلك وتطيب خاثه من الادمان
.
امير. هههههه لج ياادمان هنه حبايتين وسهلات
.
امنيه. لاامير لتنكر جسمك متشبع واعرف دياذيك ويريد
.
امير. امنيه رب العالمين ترسنا شهوات لهواي امور واني اتحكم بنفسي بدافع حلال وحرام اني واصل ٣٥ وممزوج ولاعندي اطفال لان اتحكم بنفسي وترا اني امير شفت ايام سوده وضلمه متتخيليهه اذا احجيلج عقل ميبقى براسج.(يحجي ويجر نفس وكوه يحجي بس مقاطعته اسمعه يمكن ردته يفضفض ويمكن ردته يطمني) وها ترا اني ماكل كبده مال ذيب مره كالو لابوي الي ياكلها يصير سبع واني كدامج سبع
.
امنيه. ههههه اعرف بس موبيدي
.
امير. شنو الموبيدج؟
.
امنيه. هاااا وباعتله
.
امير. ابتسم
.
امنيه. دنكت راسي اقصد طيبه قلبي وحب الخير ههههه
.
امير. دمشي روحي لااحد يشوفج بهالليل
.
امنيه. امير اكوشي حيصير واخاف اكلك وتسويهه هوسه وعيب اطلع فتانه
.
امير. لااحجي بينه واذا سويت هوسه مااكول ولاابين انتي كلتي
.
امنيه. مممممم اول شي اسالك سؤال