امنية الشيخ امير

الخامس عشر

مممم بابا بالوصيه كال لولد ابو امير بس مكال امير
ليش انت انت ردت لو عمو كالك لوشلون مثلا احمد اقرب لعمري
.
امير. باع هاي درت بيه شايب وكامت تخاف
.
امنيه. امير انت حتى اكسباير يمكن هاهيه بعد متخلف
.
امير. ليش تردين نخلف
.
امنيه. امير شبيك اقصد مو اني يعني شبقاك لهسه
.
امير.(ردت افر الموضوع ومااجاوبهه اني الي اصريت اريده وله اهلي رادو احمد اقرب لعمرهه وهم متوقعو رايد ازوج بكد ماملو يتوسلون عالزواج ورافض بس متقبلت فكره ياخذهه غيري. وهم اكو امور متعرفوهه صارت بالماضي ويه الايام حتعرفوهه)
.
امير. مجنت رايد وبزعان من دوخه المره والجهال وجيب وودي وغيره ومشاكل واهتمام وتحكم ووووو
.
امنيه. مجاوبتني ليش انت وكعت براسي
.
امير. احمد مراد واني كتلهم اضحي
.
امنيه. عشتوووو ليش مراد
.
امير. لاموهيج يكول مثل اختي ويمكنه عاشك وحده بس لتحجين هيج اشك
.
امنيه. اوك يالمضحي
.
امير. ههههههه زقجه
.
رجعنه للبيت و
.
.....
امير. خلي احجيلكم شويه بهالفتره الي عدت والناس عايشه طببيعي اني شجنت اعاني بس محجيت لاحد ولاحسست احد جنت اعيش هالصراع وحدي
.
من خلصت شغله جواد واني اعاني بموضوع الادمان ورفضت اتعالج يم طبيب علمود سمعتنا وسمعت ابويه وجدي وشمهما يكون تبقه نقطه عليه

.
جنت كل مااحس نفسي احتاج الحبه وح افقد اطلع لو احبس نفسي بغرفتي جنت اعرك واحك جسمي واضرب نفسي جنت افكر افكار موحلوه جنت اكره الكل وافكار سوده تجيني مخليت احد يحس
.
عداهه الجروح والضرب بجسمي ياذيني جنت اداوي نفسي بنفسي ومحتاجيت احد مره مرتين يسالوني واكلهم زين ووو ونسو
.
متعود ماابين ضعفي لاحد ومااثق بس ينفسي
.
لحد ما مرت اشهر وتحسنت وهم بدينه بهوسه الدوام
.
خواتي التؤام العطله كلهه يقرن للسادس ودخلتهن دورات اريدهن طب باذن الله وهنه يكولن راضين باليقسمه رب العالمين وبدينه دوام وهالشفتو شصار باول يوم
.
.......
امنيه.
رجعنه هلكانين
اكلنه و غسلت مواعين ونضفنه وكملنه وعالغدا نضحك عالصار وياي وحجيتلهم كلشي بالتغصيل واشرح بذمه وضمير وكل شويه اباوع ع امير اشوفه يضحم ومبتسم واني استمر يعني اتاكد راضي او عادي اكمل واحجي واحشش واصنف
.
و وراهه كلمن صعد لغرفته
.
اني مجايني نوم مع العلم كاعده من وكت بس متحمسه للفون
.
اذكرت امير كلي نسوي سوا
.
رحت لغرفته دكيت الباب مره مرتين
بالثالثه كال منووو
.
كتله اني امنيه
.
امير. روحي

امينه. شبيك
.
امير. جاي اكلج رووووووحي
.
امنيه. فتت وتفاجات كاعد بالكاع وثاني رجله ومخلي راسه بين ايده مدنك
لابس بجامه بس التيشيرت عالجربايه وبس بالفانيله الداخليه
.
شبيك امير.
.
امير. موكتلج روحي
. مابيه روحي
.
امنيه. سديت الباب ومدري ليش قفلته خفت احد يفوت فجاه ويلكاني يمه
ورحت علي بسرعه
.
خليت ايدي ع جتفه وكعدت يمه
. شبيك امير الله عليك لتخوفني
.
امير. امنيه بربج عوفيني
.
امنيه. وربي ماعوفك احجيلي
.
امير. ابقي بس لتسأليني اسكتي بس
.
امنيه. امير
.
امير. اششش بس شويه اني افهمج
.
كمت اضرب براسي وادمع وافرك بكصتي واكوم اللوب وافتر واطكطك باصابعي وارد اكعد وهي صافنه بخوف وعيونهه كلهه حيره
.
امنيه. امير تعال
.
امير. شكووووو. عطت بيها

.
جرتني من ايدي وكعدتني عالجربايه بطارفهه وكعدت بصفي ولفت ايدهه ع جتفي وتمسح بجتفي وضهري وايد الخ مخليتهه فوك ايدي وتقرا قران وتمسح وتنفخ وتقرا
.
وراهه تقرا ودفعتني ع كيفهه واشرت نام نمت واني فرااااغ
.
وماحس بروحي اله غافي
.
وهي كدام الجربايه كدامي
بالكاع وغافيه وراسهه ع طارف الجربايه نايمه
.
ضليت صافن عليهه ومبتسم
هه
ذكرتني بايام من جانت صغيره جان ابويه يظل ياخذني ونروحلهم بدون علم اهله من نولدت هي رحنه وباركنالهم وابويه اخذ طلي جبش وذبحهه يم رجل امها وخلى دم ع كصتهه جنت مكيف بيهه
.
ومره رحنه جانت تمشي ستوهه وهم ذبحلها طلي لان خطت ورحنه
.
ومره صادف عيدميلادهه مال ٣ سنين واحتفلت وياهه جنت مراهق ماتوقعت حتكبر وتصير بنيه توقعت اطفالي يلعبون وياهه جنت مراهق وهي طفله وراهه رحنه وهي بالمدرسه وتحجيلي صادقت فلانه وعلانه وجبت عشرات ووووو
.
ماعرف تمنيتهه تكبر واخذهه جانت تجننننن وايديهه ينكرطن بيض ومدبدبه وراهه صار بس ابويه يروح وروحاته قلت ونسيت اصلا
.
وبهالروحه امها المرحومه جانت مطرزتلي الجفيه الي بيهه ورود وحرف أ وظليت مستعز بيهه ليومي هذا
.
وهي مبينه لامذكرتني ولاابويه ولاابالها اصلا
.
و من صارت وشفتهه رجعتلي كل ذكرياتي
.
مديت ايدي ع شالها طالع شعرهه شويه من كدام مثل خيط الشمس وبوجهه نمش خفيف وبيضه نزلت ايدي ع خدهه وشفتهه الي ماكدلي مكعدت دتتنفس ونفسهه ينسمع يعني لمن تكعد حتفز لو يتغير نفسهه وهيج يعني نفس مال نايم ههه
ابتسمت وضليت ع هالوضع وهي ولايمهه حسب مره يشاقون وياهه كوه يكعدوهه مرات نومهه ثكيل بشكل ميتوقع ف جنت مأمن
تنبل مال نوم ههه
.
امنيه.
ضليت اقرا علي لما نام واني ضليت يمه ونزلت راسي اريح حسيت بي كعد سويت نفسي نايمه
وهو يضحك بصوت اسمعه
وخلى ايده ايده ع وجهي وشعري مدري ليش عجبني الوضع جانت ايده دافيه وحنينه ذكرني بابا من يجينه بليل ونايمين ويبوسنه ويقرا علينه اذكار ويروح محتاجه حنيه حيل انحرمت منهم بعمر صغير
ضل واني خاصرتي كامت توجعني لان وضعيتي خطا
.
ف اني سويت نفسي فزيت وكمت اتململ وهو راسا وخر وسوا نفسه نايم
هههه عليمن تضحك يول
.
المهم كعدت علساس و خليت ايدي بتردد ع كصته اشوف حرارته وكلت احححح مصخن هذا يمكنه شارب وموكد الشرب و ورط روحه و ورطنا ويا همزين اني تلاحكته وسترت علي جان يضحك لاارادي كال امداج وطاحضج يثوله
راسا كتله هاكعدتك لو انت كاعد
اعترف
.
امير. لاكعدت ستوني وساهي بين الكاعد والنايم من حجيتي حسيت.
يحجي ويجر الكلمه تعبان مدري لان ستوه كاعد
.
امنيه. امير انت مصخن حيل ترا
.
امير. شمدريج
.
امنيه. غير لزمت راسك
.
امير. ضحك يلمح
.
امنيه. ترا هو راس مو شباج الكاظم

.
امير. عادي شويه وتخف
.
امنيه. ما اسويلك كمادات
.
امير. لا تعاي اريدج بموضوع
جنت ااجل بي بس ميتاجل ولازم نوضح الامور
.
امنيه. اسمعك
.
امير. تعاي كعدي عالجربايه شغلتنا مطوله
.
امنيه. تمام
.
امير. امنيه شنو موقفج من زواجنه عادي طبيعي وحنمشي الامور مثب مراد عمي المرحوم مو لو شنو براسج
.
امنيه. امير اني احترمك واعزك بس صراحه مااتقبلك ك زوج ك اخ و ابن عم بس زوج لا و الله و لان صار غصب عن الطرفين و فجاه مدااتقبله و لا يفوت بعقلي صراحه
ماعرف شنو براسك بس لتحلم نكدر نزوج ونطلك او نشوف فتوه او شيخ او شي
.
امير ( امير راح وسال شيخ طبعا و كاله موشرط الزواج و انطاه ادله هواي لان الزواج مو اجبار مثل الاكل و خاصه اذا هو ما رايد و ميعتبر عاق لوالده و من هالحجي.
.
بس امير احتراما اله ويعتبر امانه و وصاه بيها و جده و ابوه اصرو عالموضوع صار مو شغله دين)

. جاوبها اي سالت هواي يكولون ميصير لازم تنفذون وخوفها حيل و