امنية الشيخ امير

السابع عشر

واني يوم بدلت وكملت طبعا لبس اسود ونيلي للان اله تعدي سنه وماكو مكياج شي بسيط تنت ومسكارا ومتبين شي طبيعي
نزلت للريوك الكل ملتم اله امير
.
كرار. اليوم صيعو براحتكم مديركم ماكو
.
امنيه. ياا ليش وينه ميداوم
.
كرار. ليش ماكلج خطيبج غير طلعتي فاهيه وممسيطره
.
الجده لعد البارحه نهار كله بالغرفه انتي ويا ماحجيتو شجنتو تسوون. الجده شويه صارمه ورسميه وموبشوشه وتحب الشقه كالتها تبسمر ومراضيه
.
الكل انصدم وصفن هم يدرون بس عادي محد حجه شي طبيعي خطيبها وواثقين بابنهم وبيها
واصلا محد يعارض لان يردوهم يتقربون لان صارت غصب عنهم والكل يعرف مرايدين
.
الجد. شجاج عليهه شيخه وشكو بيهه جدي هاي رجلج سافر يجوز ماحب يكولج حتى لتقلقين بالطريق اله يوصل يلا يكلج ولو عباله تعرفين
.
امنيه. صحت من الصدمه وكامت تبرر كالت لاوالله رحت حتى يسويلي الفون ولكيته مصخن ووضعه موتمام ماعرف يريد يحجي او لا حسيت اثر الادمان بعده وضليت اقرا علي ايات وقران لما نام
.
ام امير. صخام الصخمني
.
امنيه. لالا عمه مو فدمره يعني شي بسيط واني توقعت يجوز ضغطه او فلاونزا وراهه صار زين الحمدلله
.
ام امير. الله اليستر انوب هو مويمي شلون يرتاح كلبي
.
امنيه. اهوووو عمه شورطني والله مومثل متتخيلين لو شي قوي جان جيتكم او جان ماصار زين ونام
.
ضلينه نتناقش وسديناهه ولمينه مواعين سوالف وضحك وغسلناهن وكملنه وشربو شاي طبعا مرحت للدوام كتلهم بليل منمت زين وتعبانه لان جنت مطفيه وكالو براحتج مدرستج انتي وزوجج وانتو احرار ههههه
وصعدت لغرفتي طبعا فوني بعده مابي شي واشتاقيت اكلب عالسوشال ميديا وهيج
.
كلت فرصه اخابر امير وهم اعاتبه ماكال
.
يدك ومغلق
اذكرت يجوز رقمه ميشتغل هناك واذا كلت لاحد يفضحوني واستحي واذا نزلتهن وماكتله يسويلي سالفه
وجه البومه
.
كمت سبحت وطلعت كعدت ع الكرسي الي كدام المرايه طبعا غرفتي موحيل جبيره مربعه والحايك الي كدام الباب شباك عالحديقه ومن جهه ميز مرايه بسيط وبصفهه كنتور بابين ومقابيلهاا جربايه نفر بالعرض ويمهه ميز صغير وشاحنتي ههههه وبنفس حايط المرايه والكنتور اكو باب الحمام
الكنتور بالزاويه اخر شي والمرايه بالوسط والحمام اول الغرفه بابه
.
كعدت وخرت المنشفه ودااخذ المشط جواه ورقه مكتوب فعلي واتساب وراسليني رقمي عالنت يشتغل بس الخط ميشتغل وفعلا عفت شعري ورحت ركض عالجربايه
ورتبته وكملته ورحت دورت صوره حلوه خليت هاي