امنية الشيخ امير

الثالث والعشرون

هنا الكل ادخل وحاولو يهدون الوضع بس لاامير ولاامنيه قابلين ومن يسالوهه متقبل تكول ليش
وهو ولاسالها ولاباع بوجهه
ولايريد يعرف السبب متصيرلي مره الي تهيني هيج وسكتت لخاطر يتيمه ومااخلي راسي براس مره
.
هاليوم ماخلص اله الكل مدمره نفسيته بس العرسان راحو شهر عسل احمد كاللهم حاخذهه ونروح بين متحلون الوضع ماريدهه تكول من اول يوم مشاكل وقبل لتحس ع شي راحو
.
ثاني يوم كلمن راح لدوامه طبعا امنيه هي دبرت خط من زمان لان امير يطلع من وكت حيل ومياخذهه ميريد احد يعرف
.
المهم داومت وفاتت للمدرسه لازم توقع حضور هو السجل بغرفته فاتت مسلمت ووجهه يريد ينفجر وقعت وطلعت راحت
امير. اني ولاطايق وجودهه وداافكر اسويلهه اجازه مرضيه بس المشكله دتمشي بالماده والطلاب صافن وحاير بخبالها

وحجي جدتي تكولي خاف بالعرس سحروهه لو حسدوهه
وحجي العجايز بس هم وارد اعرف عدنه مله خايسه ويسونها
وهم مااحس والعين حق وهم.....
.
صافن وجتي عيني بالكاميرا مال مراقبه وطالعه كاعده بالساحه عالمسطبه ومدنكه ومخليه وجهه بين ايديه وترد ترفع راسهه وصافنه وتباوع وترد تباوع للسما وتمسح

بدموعهه هي مو قريبه بس مبينه حركاتها ردت كامت وتتمشى وراهه كعدت واجه حيدر عليهه حجه وياهه
اشرتله اي وراح ومشت وراه
.
وراه شويه طلعت بالكاميرا الثانيه بالممر تمشي وحدهه
اطمنت ان حيدر مو وياهه وراهه جتي للاداره مال مدرسات
.
ورا خمس دقايق اكثر اقل
وجتي مسرعه ست ليلى مدرسه عدنه فاتت من كدام ادارتي لاداره المعاون والارشاد التربوي وردت راحت مسرعه باتجاه ادارتهن
.
اجه المعاون بسرعه
كال بس ست ليلى تكول ست امنيه شويه معدتهه ودتتقيأ ودايخه انطيتهه مي واخذت جهاز الضغط تقيس ضغطهه
.
امير. اي مارحت شفتها
.
المعاون. كالت لتجي نزعت شالها العفو لان مختنكه وتكول تبجي ولازمه صدرهه كتلهه حنتظرج تعاي رجعيلي خبر
.
امير راح بسرعه ودك الباب
.
ردن لتفوت عيني ثواني
.
امير. فتحي الباب بسرعه
.
ست. فوت تغطت
.
امير. فتت لكيتهه مختنكه تشاهك ومتقيأه ع هدومهه والكاع عامله النظافه دتمسح بالكاع
.
كومي امنيه خلي نروح للدكتور
.
امنيه. ماريد زينه مابيه شي
.
امير. امنيه بدون عناد يلا وين غراضج
.
امنيه. كامت تتقيأ
. الكل مستغرب حجيهم مو برسميه وكانو عايشين سوا
.
امير. اجاهه يفرك بجتفهه ويطبطب بضهرهه ويكلها كملي عادي اني يمج يلا ومن خلصت كال لمو غراضهه وخلوهن بمكتبي اني ارجعلهن خلي المعاون يقفل مكتبي ورا متضموهن
.
شالها وطلع وراحو بسيارته بس الكل مستغرب انه امير هيج تصرف وهم ميعرفون ان هم يعرفون بعض وهيج

.
راحو بالطريق هي كلساع تتقيا العفو تتخوع يعني تتقيا بس ماكو شي بس صوت وشوغه يصير مؤذي لان
ماكوشي يطلع بس يتجرح بلعومهه ومعدتها تاذيهه وهي اصلا دايخه مبيهه تحجي
.
وصلو للطوارىء وجيكوهه مابيهه شي ضغط هابط ومماكله شي وارهاق وتعب وقله نوم هيج يسون
.
شكلو مغذي وهو يمهه مكال لاحد هي صاده بصفحه وهو محجه شي
.
كملت ورجعو للبيت بوقت الدوام يعني محد انتبه
بس صعدت حجالهم الصار
.
وهنا الجده تاكدت سوولها سحوره
.
صارت مناوشات وحجي ويه امنيه كالت موشغله سحر ولاحسد اني وامير صار بينه خلاف وماريد احجي
احنه بينه نحلها
.
الجد مقبل كبعا وعرف مدام الخطوبه طولت معناهه حصير مشاكل وسوالف زايده
.
عالعشاء
.
الجد. الخميس موهذا الورا عرس امير وامنيه وبلشو تحضيراتكم ولتكولون منلحك هاي كدامكم اسبوعين
.
امنيه. بس جدو اني ماريد ازوجه
.
الجد. اني مطلبت لا رايج ولا رايه
.
امير. جدي التكوله امر ويصير بدون نقاش بس اقلها يتاجل فتره مووكته هسه خلاص
.
الجد. لاوكته وكلت بلا حجي زايد
.
امنيه كامت تبجي وراحت لغرفتها
.
امير. جدي مدتشوف الوضع وهي ليله من العمر لتخرب فرحتنا دشوف وضعنه شلونه
.
الجد. كمل اكله بدون ليحجي شي
.
امير. كمل وشرب جايه وراح جوا قمريه العنب الي بالحديقه الورا وظل يذكر مواقفهم وو رجع وييين وراهه وصل للغلط والاهانه وطولت اللسان وقله الاحترام وضاج وكرهه ظل للفجر صلى ونام
.
امنيه بجي للصبح
.
داومو ومحد طايق الاخ والكل يسالها شصيرين منه والكادر صار حجي زايد
.
سوا اجتماع وناقشو بي كم نقطه
.
امير. واخر شي اريد اكوله امنيه بنت عمي المرحوم وخطيبتي واسبوعين وزواجنا حيصير الكل معزوم وماريد اعذار وطبعا حتكولون ليش ضمينه عليكم هو موشغله نظمها بس تعرفوني ماحب احجي بالخصوصيات ومصارت فرصه
ومو اروح وتستلمن ست امنيه لان اني كتلهه لتحجين وهم ديرن بالجن عليهه شويه صحتهه هالكم يوم موزينه وطبعا هالحجي مختصر وهو حرفين وقاطعو ويباركون وليس مكلت وتساؤلات ووووو
.
امنيه كمل اجتماعه وراحت للصف وشغلت نفسهه عن الكادر حتى لحد يسالها نفسيتهه تعبانه مدتتخيل خيانه امير الها وتصرفه القذر
.