امنية الشيخ امير

الجزء السادس

اني اعلمك امير الوصخ
بقيت الوب بالغرفه واني اصلا مماكله شي وضليت بالمطبخ اشتغل معدتي موتتني جوع وانوب شويه وصبو اكل وريحة الاكل فاحت اويلي وطبخ عزايم  ههههههه اني مو اكاله ولا اكلي هواي وماحب الاكل الدسم بس ماعرف احب الشحم ومو كله بس هذا المايع واكل شويه بس حيل اشتهي ولو شوي لو مال عزايم
الكارثه موهنا اصبعي اللتوى وموتني وجع
...
شويه ودخت وماشوف شي كدامي واني نفسيتي زباله انوب هذا قهرني
.
امير. كملت كلشي وجيت افوت اسبح مطايق نفسي لان فحطت واحسني وصخ هههه
فتحت باب الغرفه لكيتهه امدده بالكاع ورجلها طالعه راسا غطيتهه وكمت اصيح لامي
طولت يلا جتي وانصدمت
.
ام امير. هاي شنو يمه شجابهه لغرفتك وشبيهه البنيه احجي لتخبلني
.
امير. يمه بعدين تعاي صحيهه
.
ام امير تضرب راشديات واطش مي بس تجفل تفتح ترد تفقد وعيها انوب
.
امير. يمه بسرعه لبسي عباتج وتعاي بسكوت للسياره حنطلع كدامج.
.
رحنه بسكوت وهم ملتهين بالتعزيل وشافتنا ام حسين وجتي تركض ويانه بدشداشتها  وصعدت كالت ماعوفهه
.
المهم وصلنه شكلولها مغذي وصحت وطلع ضغطها مصفر
سالوهه كالت اي اني يظل هابط حتى بالعادي وبسرعه افقد من اتعب او بفتره دراستي من اتوتر وهيج ام حلك عباليهه حتموت بيدي واشيل خطيتها طول عمري الله فكني
.
طلعت برا وامي يمهه وام حسين لحكتني
.
هي تفهمني من نظراتي هم ربتني وكبرتني
.
ام حسين. احجيلي
.
حجيتلها كلشي.
.
ام حسين. احجي لو اسكت.
.
امير. احجي.
.
ام حسين. وبدون زعل
.
امير. اكيد ئكلب امير انتي احجي ولو احس حترزليني خهههه
.
ام حسين. ترا امنيه متربايه احسن تربيه وانه شفتهه وانه اعرف الوادم و....
.
امير. بس خ....
.
ام حسين. خليني اكمل يمه
وراهه كول الي تريده
...
انه وانت والكل يعرف غرض هبه موصح؟  ترا الي جانت تشوف هبه وهي دفعت امنيه يم الباب لان ضاجت منكم جنتو تحجون وام لسان امنيه ردتها وضاجت منهه.
وامنيه سكتت مصدومه مفاهمه مو لان من سواد وجهه مثل ماكلت وانه ماعرفك تظلم انت شيخ ولازم تسمع ولاتستعجل بقراراتك ولاتخلي عصبيتك تظلم بختك يوليدي.
.
وترا حجابهه والحجي الكلته ترا انه كتلهه وهي بنيه مستوره ومحتشمه ابغداد ولبسهه احسن منه وحتى هي كالت امي وابويه يكلولي لبسي بنطرون او بكيفج وانه تحجبت بعمر صغير بارادتي محد كلي واني استر روحي لان ربي يحاسبني انه ولنفسي هالشي وحجيهه مثقف وتعرف الدين واحاديث واقوال.
.
لاتظلم بختك رزلها بكلشي بس صعبه البنيه تترزل بدينهه واخلاقهه وتربيتهه وخاصه لوهي قمه الدين والاخلاق.
.
انه راح انسى الحجيته وانت بكيفك تفهم امك او متكللها

.
بس اعتذر من البنيه وراضيهه ترا كسرتهه صعبه واليتيم ربك موصي علي وهي رويحتها مكسوره وضعيفه ي يمه وانت بعد اموري ابو كلب اليوسعنا كلنه مايوسع هالمسكينه هاي
.
طبطبت ع جتفه وطبت ورا شويه طلعت ام امير.
.
ام حسين. يابه اموىي دير بالك عالبنيه احنه حننزل نشربلنه شاي راسنه يوجعنه من هوسه البيت وهم امك هبطت تىتاح شويه وغمزت وراحت
.
امير. كل هالحجي واني منطقت ولاحرف اني شبيه وسالفه تافهه متسوا هيج تعصبت موطبعي الاستعجال او اظلم احد خاصه هي مكسوره ولجأت النا مالها احد