.
.
وصلت ياسمين الى الجامعة .. والتقت صديقتها المقربة أسماء ،
أسماء بغضب مصطنع : اهلا اهلا واخيراً شرفت الست الغندورة .. كنتي فين امبارح يا بت رنيت عليكى كتير ومردتيش خلتينى اقلق عليكي ..>_
ابتسمت ياسمين وقالت باستفزاز: ايه يا بنتى مالك مركبة الوش الخشب عالصبح كدة ليه .. اهدى بس كده العصبية دي مش كويسة عشانك خالص ... بصي اصل انتي لما بتتعصبي وشك بيحمر وبتحلوي والشباب كده هيعاكسوكي وانا ...
قاطعتها أسماء غاضبة : يااااااااسميييييين
ياسمين ضاحكة :هههههههههههه خلاص خلاص يا ستى .. انا والله عملت الموبايل سايلنت امبارح ف المحاضرة وروحت البيت ونسيت خالص انه سايلنت ومشوفتش مكالمتك الا وانا جاية .. كنت تعبانة خالص امبارح ولما روحت البيت نمت في غيبوبة grin emoticon
أسماء بنظرة ريبة مضحكة : امممم .. ماشي يا ست الضكتورة هعديهالك .. يلا بينا عشان هنتأخر عالمحاضرة وننطرد ..
------------
في مكان آخر في الاسكندرية ،
.
.
جلست الحاجة فوزية وجارتها أم منال في صالة منزل الاولى يتحدثون ويتسامرون وكعادة مجالس النساء " فلانة عملت وفلانة خلت "
الى ان قالت الحاجة فوزية : الا متعرفيش يختى البت بنت فتحية اتخطبت ولا لأ ؟
أم منال : لأ معتقدش لو كانت اتخطبت كانت امها اكيد عزمتنا ولا عرفنا من النساوين انتى عارفة مفيش حاجة بتستخبى خاصة المواضيع اللي زي دي
قالت فوزية بتفكير : اممم اصل البت دي شفتها في فرح البت سمية ودخلت دماغي اوي وعجبتنى فكنت عايزة اخطبها لابني ..
أم منال بابتسامة : وماله يا حجة فوزية ده يوم المنا يوم ما نفرح بالبشمهندس .. انا اسمع انها بنت كويسة ومحترمة وانتى عارفة اهلها طبعا ناس كُمّل وسيرتهم زي الفل ..
ابتسمت الحاجة فوزية وقالت : خلاص انا هكلم ابنى واخطبهاله ان شاء الله ..
ام منال : ان شاء الله ربنا يجعلها من نصيبه يختي يارب ونفرح بيه بقى .. انا هستأذن بقى أصلي سايبة الطبيخ عالنار وجيت افضفض معاكي شوية .. يلا فوتك بعافية ان شاء الله ..
ابتسمت الحاجة فوزية وقالت : الله يعافيكي يا رب.. اذنك معاكي يا غالية ..
----------
.
.
جلست ياسمين تستمع الى الدكتور بانتباه شديد .. فقد جذبها كلامه والموضوع الذي يتحدث عنه كثيراً ..
تحدث الدكتور عن تلك المواد التي تستغلها بعض أنواع العصابات وهـي أصلا مصنوعه لتركيب أنواع معينه
من الأدويه للشفاء من امراض كثيره
ظلت ياسمين تتسائل في نفسها "ياه هو فعلا فـيه نآس بتستغل
المواد دي في أعمال مدمره كده !! يالله !! بجد حرآم ..إيه الناس دي وهما ليه كده !! بسهولة اوى كده يكونوا سبب في تدمير الشباب
