الأنين الصامت

بارت7

#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّبِعٌ
،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وقفت ،،،مع نفسي،،
ورددت
ياحاضري وماضي
ماذا فعلتي بنفسك،،،،
وكيف استطعت الصمود، ،،
كل تلك السنيين،،،،،،
وانتي ارق من النسيم،،،
سؤال دار بذهني،،،ولا زال
يتردد ،،،منذ الازل
هل،،،،،، ادركت الان هو
لم ،،،،،يكن يستحق
حبك واني انا كنت
اجدر به منه
صغيره
كنت والقلب والعين
بهواك تعلق،،،،،
اردتك وبشده،،،ان
تكوني
عالمي الوحيد رفيقتي
زوجتي عشقي
الوحيد
ولكنك،،، بعنادك وتكبرك
اضعتني،،،
وافلتي يد كانت لتكون
لك الامان ،،،،،الاوحد
،،،،،،،،،،،،،،،،
بس وصلت للمركز الولد
راحوا حتى يجيبون عامر 
طبيت لغرفتي واني مااشوف دربي
من وره اعصابي الترجف،،،،،
ومنظر عبير بين عيوني،،،
الشفته بوجهها،،،،،،
خلاني  افتر بغرفتي،،،
واني ،،،،،،اتوعد بهذا العار
ساعه،،،والولد جابوا
للشفيه،،، من طب ماتفاجأ
وعرفته هو جان يعرف اني
الداز علي ،،،
دحگ عليه بعين صلفه،،،،
وحجه رأسن،،،،،
« اي شي تسوي الي،،،،،ترر
ماخليته يكمل وضربته
رأسن بوگس،،،،،وكملت بالخ
ومن وكع بالكاع كعدت
على صدره
وكمت اضرب بي،،،،بكل
قوتي على وجهه
وصاحبي ،،،جرني منه
صحت بخبال
« عووفني،، ولللك
حجيت هيج ودفعته
لقادر مني
وعامر بس كام،،،ضربته برجلي
بصفحته،،،،،،،
« عاارر كووواد ،،،شلون تمد
ايدك عليها،،،،ومنو انته حتى
تسوي بيها هيج
حجيت هيج ودفرته الخ،،،
وصاحبي هم
جرني منه،،، دفعته بقوه
وجريته لهذا الكواد 
واني اصيح
« بالقران اليوم الا ازوعك دم
ولك اليوم،،،،، فلا اخلي
عظم صاحي بيك،،،
حجيت هيج،،،،،،،ودفرته
برجلي اكثر من مره
« عناد يمعود عوفه،،
« عوفني،،،، قادر
صاحبي جتفني وصاح الولد
الي طبوا وجروا
عامر مني،،،
« ولكم خلوني ابرد گلبي بي
واعلمه شلون،،،بعد يمد ايده
على النسوان،،،،
عااار كوواد تررس،،،اني اعلمك
ولللكم ذبوا بالسجن
واريد اشوف بيمن جان يهددني
من انعل ابوك لابو الي اجيبه
عليه
،،،،،
الي افتهمنا من اختي
وصدمنا
كلنا،،،،هي عرفت من عامر
بلحظه غضب ومن لحت علي
يروح يفحص،،،هو
ميخلف ،،،هذا الشي جان
سبب طلاگه الاول وهو جذب
علينا وعليها وماحجه هذا الشي
من اجه وخطبها ،،،،
عبير،،،،،،،،،،،، تخبلت وتعارگت
ويا،،،وهو ضربها بقوه وكسر خشمها
لان طلبت
منه الطلاگ،،،،وحبسها
بالغرفه مالتهم،،،،،وطلع وعافها
لوحدها بالبيت
وهي كاسره الباب ومنهزمه
من بيتهم، ،،،،
منظرها جان يكسر الگلب
بوجها،،،،،المشوه وجانت تبجي،،،
وتندب حظها،، ،،،،وامي. كعدت
تلوم بيها
وتحجي عليها،،،
« هاي الردتي يولي،،،،هو
هذا العفتي ابن خالج علموده
ولج شحصلتي،،،صارلج 8 سنوات
مزوجه وماخليتي دكتوره تعتب
عليج ومارحتي عليها علمود
الخلفه،،،،،،،،وتالي طلع
الافندي هو مايخلف،،،وضامه
هذا الشي عليج
عبير زادت بالبجي من
سمعت كلام
امي
وابويه حجه بقهر،
« ولللج يابه ليش،ضميتي
عليه هو جان ياذيج،،،
بس فهميني
ليش سكتي،،،،ولج اكو وحده
تنضرب وتنهان،،،وتسكت
سنيين وماتحجي،،،
ابويه سكت،،للحظه وكمل
بقهر وعتب وهو
يدحگ عليه
« وانتي خاتون ليش،ماحجيتي
الجان يصير لاختج هااااا
ليش
سكتي يولي،،،بس فهمني
عقلجن هذا وين جان،،،، ،،
« اني ادري،،،وين جان
شوفه شمسوي
بوجهها الجلب،،،انعل
ابوه لابو الساعه
السوده الي شفنا بيها،،،
ولج حيل وابو زايد بيج،،،،
چم مره كلناج عوفي،،،،تره هذا
مايفيدج،،،بس وين سمعتي الكلمه
عاندتي ،،، واخذتي للشفيه
وهاج شوفي شسوه بيج
وشطلع ضام علينا،،،
« بالقران،، فلا افوتها بي
والا اسوي،،،وياهم كعده واخليهم
فرجه بنص عشيرتهم،،،
ابويه حجه هيج،،،، وراح وهو
يسب بعامر وباهله
وامي كامت وهي تحجي على
عبير وعليه،،،
الصار بعدين،،،،والي عرفنا
عناد كاتل عامر من هاي الكتله
الزينه وذابه بالسجن،،،بتهمه
التعدي على عبير ،،،
هي،،،،،، طلبت الطلاگ
وصممت علي وعامر قبل لان، ،،،،
ابويه،،،، وهي ماتنازلون عن الدعوه
وره فتره
عبير تطلگت،،،واخذت حقوقها
كلها،،،،،،،
عناد وكف وياها،،،،ووي ابويه
بكل  خطوه،،،،،،،وكفته خلته يكبر
بعين اهلي،،،،واختي
الي  ،،،دمعتها مانشفت
من شافته شلون ماعافها ووكف وياها ،،،،،، جنت اسمعها تردد
وهي تبجي
« اني صوجي بدلت الذهب
بالرخيص،،،
حسيت بندمها،،،،،وحسيت
هي تتمنى ،،،،،تدفع عمرها كله
حتى
بس يرجع الوكت وتقبل بعناد
احلام،،،واماني جانت تتمناها،،،،
بحرگه گلب،،،،والقدر
الي كتب قصتها، ،،،،،بحزن
يجوز يجي يوم
ويكتبها  بفرح،،،،
،،،،
شهر
مر وعبير استقر وضعها
ورجعت تدوام،،،،واني
نفس وضعي وماتغير شي،،،،،
بس جان عندي امل،،،،يجي
يوم ويتغير ،،،،،شي بحياتي،،،
وحياتي مشت واني اسمع
من  صديقاتي،،،الوياي
يداومن بالمستشفى،،،،،،،،يرفضن
الي يتقدمون الهن،،،بحجه
فقير ،،،ضعيف،،،،قصير،،
ماعنده شخصيه،،،،،والي ردته
ماسوا اليه،،،
امور واعذار،،،جنت اشوفها
تافهه،،،،،،،،،،،لان جان تفكيري
هو،،الي يحب من صدگ
يتغاضى،،،،، ويتنازل
عن هوايه امور يشوفها بحبيبه،،،
وجنت من احجي وياهن وانصحهن اشوف
نظراتهن تروح لرجليه،،،،وبيوم
وحده منهن جرحتني من حجيت
وياها بموضوع،،،،،
كلفني بي ولد اعرفه،،،
طلعت من الدوام ورحت للسياره
الخط ركبت وسلمت
« شلونك نصير،،،،
« هلا،، بان،،
سكت ودور بعيونه على علا واسماء
وكال
« وين علا واسماء،،،
« هسه يجن،،
سمعته ذب حسره وظلت عيونه
على الباب،،،
«  ست بان
« ها نصير
ارتبك ووجهه بين بي،،،القلق
ودار وجهه على الباب
وحجه وره دقائق،،وهو ميباوع
بعيوني
« اريد اطلب منج طلب وياريت
توافقين علي،،،
عقلي راح لبعيد من شفته
مرتبك ويمسح بقطرات العرگ
من كصته وجاوبته بارتباك
« ايي نصير تفضل
« والله
مااعرف شلون افتح الموضوع
وياج،،،بس لازم احجي لان
بعد مااكدر اتحمل
حجه وسكت،،،واني جاوبته وره
لحظه بصوت يرجف
« ااحجي نصير،،،،شنو
الموضوع
عيوونه راحت للباب،،،وكال
بعد تردد
« اني معجب بعلا،،،،
سكت ،،،،واني هم سكتت وعيوني
رأسن غوركن ،،،
درت وجهي،،،وكمت ادحگ
من الجامه وهو كمل
« اني
احبها ورايدها،،،وياريت تحجين
وياها،،،وتعرفين شنوو شعورها
تجاهي
سكتت وهو كمل
« اني ردت احجي وياها،،،بس
خفت من رده فعلها،،،،،وو
قاطعته رأسن،،،وحجيت
بسرعه بدون ما ادحگ
علي،،،
« ادلل ،،اني احجي وياها
« صدك ست،،،
« ايي،،،،
جاوبته وسكتت وهو هم سكت
لان شاف،،،،،، البنات اجني علينا
ركبن وهن يضحكن ويسولفن 
واني عيوني،،،،،،،، راحت اله
وشفته شلون يباوع باعجاب
وحب لعلا،،،،
ثاني يوم دوامت ،،،وحجيت
وي علا من اجتي للغرفه مالتنا
وهي بس سمعت بي
يحبها ويريد يخطبها
ضاجت وتنرفزت 
وحجت بضوجه
« شنوو ومنو
اني اخذ نصير ابو الخط،،الفگر
والي ماعنده اي
شهاده
« واذا فقير علا ،،،،الله سبحانه
وتعالى كال
خذوهم فقراء يغنيهم الله
جاوبتها وهي كامت وكملت
« هاي انتي الي تقبلين بهيج
واحد ،،،مو اني،،،
«  شنو قصدج،،،،علا
كامت وحجت بضوجه،،،وكالت
«والله الي بعمرج ومثل وضعج،،
هي الي تقبل بواحد دون مستواها
الدراسي والاجتماعي،،مو اني
بان،،،
صفنت بجمود بوجهها،،،،وعيوني
نزلت بغصه مخنوكه
لرجلي،،،،،،،ودموعي غصبا
ماعليه نزلت
« علا شنوو هذا الكلام عيب عليج
تحجين هيج وي بان،،،وبعدين
شبي نصير ولد شاغول
ومؤدب،،،،ويحبج
« اخذي انتي اسماء اذا تشوفي
كامل المواصفات،،،
حجت هيج وطلعت رأسن،،،
وخلت اسماء تحجي
وادكول
« طاح حظج على هذا الاسلوب
الزباله ،،،،
حجت هيج وكملت وياي
«بانه،،،،، لاديرين بال لحجيها
تره هي وحده مغروره وشايفه
نفسها،،،وعلى شنو ماادري
سكتت ومسحت دموعي،،،وهي
كملت
« ادري هذا،،مااجه الا على السفيره
عزيزه وراد يخطبها
شبيكم ياحظي مثولين
من يمنا  اني وبانه ورايحين على
امهات
الخشم اليابس
ابتسمت رغم عني،،،وهي
خلت اصبعها بغمازتي وحجت
« اوووي من فدوه تروحلهن
علا والجابها هم،،،
« هههه اسكتي يولي لاتسمعج
« وسم وطاعون والتهاب كبد وياهن
واذا سمعتني بالقران لو عيب
وتصير فضيحه بالمستشفى
الا لاسحلها ذهابا وايابا،،،
بالممر،،،،
« هههه،،،،،خطيه خاف
يروح البرستيج مالتها،،،
« ولج ذبحتني بس تتنعوص،،،
ومسويها روحها بنت واحد
بالبرلمان،،،كلها كوم والسمعته من
جمانه كوووم،،،
« خير يولي شسمعتي،،،
« انتي تعرفين دكتور مازن،،،
عكدت حواجبي وهزيت راسي
،،،بلاا
« شبيج يولي هذا الدكتور الجديد
الصاگ الي  اجانا من بغداد نقل
«مااعرفه شوكت اجه،،،
« قبل اسبوع شبيج يولي
شعجب ماشفتي،،،
« المهم شبي هذا
« ولج الافنديه بس شافته،،،
تخبلت علي ولزكت بي،،،
وكل ساع مطلعه حجه،،،ورايحه
علي،،
«اي خليها بلكي ياخذها
ونخلص منها،،،
« ولللج لاااا مو رزلها ذيج الرزاله
لان مصختها ويا،،،
« يبو عزه اذا صدگ تحجين
« اي يولي،،،،هههه انضربت بوري
معدل ومن هذا الزين
« يمعوده لاتخافين عليها
هيج شكول
يكعد حظها بعدين وهسه
تشوفين
« اي والله
رد الرفض
وصلته لنصير،،هو تأثر
وسكت وهي مااجتي وركبت ويانا
ووره ايام غيرت الخط وكامت
تروح وي غيره ،،،
الولد ماحجه شي،،،والتزم
الصمت وظل ساكت،،،
اسماء هي الي كسرت
حاجز الصمت
من كامت تحجي ويا
بامور عاديه،،،
وهو شويه شويه رجع لطبعه
ويانا،،،
،،،،،،،،،،،
بيوم الخميس،، رجعت
من الدوام
وطبيت للبيت وتفاجات بخالي
عبد الحميد وعمه علية وعذاب
يمنا،،،وعرفت من امي هم
جابين خالي لان
جان مريض، ،،،كلش
ابويه وعذاب اخذوا للدكتور
وطلع عنده سكر متاخر،،،،والا
ابر انسولين
،،،يله يكدرون يصيطرون علي
كلنا انقهرنا،،،علي
لان جان ضعفان كلش
وامي كامت تبجي علي،،،
بليل،،،،،،،،من كعدنا سوه
وي عمه علية كامت تسولف
النا
« خيه ام احمد كله
من القهر صار بي
سكر الرجال كام يحرك بدمه
من وره هناء ومشاكلها
وي عناد ومن وره
ذيب الي يوميه كابه العيطه مالته
وي مرته
« ليش ام عناد شصاير ياستار
بين ولدج ونسوانهم،،
« ولج عيني شحجي وشكول
القهر راح يموتني،،،،،،دادا
ذيج هناء بس ينزل عناد
باجازه تبدي تحرك بي علينا
گال ابوك وگال امك،،،واخوك
حجه هيج واختك هيج،،،
وتحرگ  الولد بنار
وتخبله وتخلي بس، يصيح
ويكسر بالغراض،،،،،ومايسكت
الا اخوته يروحون يجيبوا
ليمنا وهذا اخوج بس
يشوفه هيج،،،ينقهر
ويظل يحرك بدمه
« وشكو تحركه عليكم،،،
هي وين تلكي بطيبه گلبج
انتي اخويه،،،
امي حجت هيج،،وعمه علية دكت
على رجليها بقهر
« خيه مالنا حظ يمها،،،،،،
ولا يمه
ذيج العگرب،،،،الصفره الي
شيصير بيتنا وهو سوده
عليه شيسوالف النا
تروح تنقله لهناء،،،،
وفوكاها حبه،،،،
«يبوو  والله طلعت مرت ذيب
مو هينه
« ايي ام احمد عگرب تلدغ
وتضم راسها وفوكاها
لااتشتغل ولاتمد
ايدها على شي،،،،وذابه الشغل
كله براس،،،،، هاي المكروده مروه
الي ،،،،،،ماعدها
لا حظ ولا بخت بهل
الدنيا
عمة عليه  سكتت ومسحت
دمعتها واني
دحگت لعبير الجانت
ساكته مثلي وتسمع الحجي
« خيه تعبت من المشاكل
يوميه،،الها مشكله وي ذيب
وهو شلونه نار وشرار
ومايتحمل
حجايه من احد واذا يحجي
الكلمه ترده بعشره،،،
وذيب وتعرفي راح يسكت،،،
الها،،،، لا يحطها ويكتلها،،،وتعالي
يامروه وعلية فكوها منه،،،
وفوكاها،،،،الادبسسز من
انفكها منه تحجي علينا
وتغلط وتخبله بالزايد
« اووف يمه وين مااروح القهر
ولج عيني،،،ام عناد احنا ليش
ماعدنا حظ وي الاوادم،،،
« مدري خيه،،،،لو ينشري
الا اشتري،،،
جنت كاعده واسمعهن يحجن
وبالي راح لاخر مره،،،،
من ،، ابتسمت
اله وهو دار وجهه،،،مني
من ذيج اللحظه بعد مارحت
للعلم وهو
ابد مااجه علينا،،،،
بيت خالي رجعوا الجمعه
لبيتهم
ووره شهر ،،،،سمعت من مروه
ذيب طلگ،،،،
جواهر ،،،لان غلطانه علي كدام
اهله،،،،،،،،،،،
اني انقهرت علي،،،لان
ماافتهم من زواجه شي،،،وكضاه
مشاكل بمشاكل وحتى اطفال
مصار عنده،،،وجان السبب
يكولون.،،،،،هي وراها تابعه
وكلما تحبل الطفل يوكع،،،،،
وره طلاك ذيب بشهر،،،،،
انصدمنا بخالي عبد الحميد
من خابرونا وكالوا توفى
امي تخبلت،،،،وفقدت علي،،،
وكلنا رحنا لهناك،،،،موقف امي
جان يبجي الصخر،،،من نزلت
وهي تعيط،،،وتنعي علي،،
طبينا جوه وشفنا البنات وعمه
علية فاقدات ويدكن،،،
على صدورهن بخبال
ماتحملت الموقف،،،وكعدت
ابجي وياهن
اني وخواتي،،،،،
خالي جان حنين ويحبن،،،،وجان
لام اخوته كلهم،،،لان هو الجبير
وايام العزه مالته جانت ثگيله
كلش علينا ،،،،ودمعتنا مانشفت،،،
عيوني من البجي،،،علي ورمن
وراسي صدع من الوجع،،،
ثالث يوم العزه،،،،
ومن الشغل الچثير
رجلي كلمت توجعني،،،
وارؤى حست بيه وحجت
« نويره عوفي الشغل،،،وروحي
ارتاحي
« لاا ارؤى مابيه شي
خليني اكمل وياكم،،،،
« ماعدنا شي حبيبه ،،،روحي
رجلج كامت توجعج،،،حجت بهمس
واشرت لرجلي،،،
هزيت راسي باي،،،وعفت
الشغل
وتمشيت للغرفه،،،،مال
مروه،،،،،،،،،اخذت هدوم،،
ورحت للحمام غسلت ولبست
ترك طويل لونه اسود لان ماعندي
دشاديش سود
كملت وطلعت،،،ورحت للغرفه
اخذت مسكن وكعدت
امشط شعري
كملت وجذلته صفح وتمددت
جان الوكت،،،مغرب من التعب
غفيت،،،،وماكعدت،،،الا من حسيت
بعبير تكعد بيه
« بانه اكعدي،،،،وتعالي قيسي
الضغط مال عمة عليه
يمكن صاعد
كمت واني،،،احس براسي
يريد يطگ من الوجع،،،،،،
لميت شعري،،،،ولبست شالي
ورحت طلعت جهاز الضغط من
جنطتي ورحت وره عبير
للهول طبيت وشفت،،،
عمة عليه متمدده ويمها عناد
وعذاب،،،وامي حجت
« ولج يمه تعالي قيسي
ضغطها خاف صاعد
« اي هسه،،،
كعدت يمها،،،وقست ضغطها
وطلع صاعد 16 على 10
« ها يولي خوما صاعد،،
« اي والله ابو فيصل،،،وصاعد
چثير،،،ولازم ابرتين خبط ياله
ينزل
« تعرفيهن،،،
« ايي هسه اكتبهن الك،،،وانته
جيبهن من اي صيدليه،،،
حجيت هيج وكتبتهن بورقه
وانطيتهن
لعذاب،،،
احنا كاعدين هناء اجتي،،
ووجهها مايتفسر،،،،وحجت بعصبيه
وي عناد وهي تدحگ لعبير
« يله ماتجي مو خليت
العشه من زمان
« وهو منو يشتهي روحي
تعشي انتي ولدج اني باقي
هنا، ،،،
« لييش يمه ماعندك بيت
تبات بي،،،لووو ش
« هناااااء،،،
عناد صاح وجرها،،،من ايدها
وطلعها من باب الهول لبره،،،
سمعنا صياحه،،،،من
بعيد وعرفنا اخذها لبيتهم
« اووف يابه وينه الموت خلي
يجي ياخذني حتى اخلص
ياربي ليش بس اخذت
الغالي،،،جان اخذتني
ويا،،،
عمة علية حجت هيج وكامت
تعدد وتبجي،،،
وامي وياها،،،،وعبير انسحبت
من يمنا،،،
« عمه اسكتي لخاطري
وادعيله بالرحمه تره حرام
تسوين هيج،،،
« يمه مااكدر راح بسرعه بسرعه
وحرگ گلبي وراه،،،
عمة علية حجت هيج،،وكملت
وي امي
« ولج خيه كعد يضحك ومابي
شي وكال حلمت بامي وابويه
جاين عليه وهم
يضحكون ،،،يمكن اني راح
اموت ،،،اني زعلت عليه
وجاوبته اسم عليك،،،
لاتحجي هيج وهو ضحك وكال
شبيج يولي داشاقه وياج
حجت هيج وغصت بالبجي
وكملت وهي تشهك
« تغده وهو بس يضحك ويانا
وراح حط راسه
ونام والنومه نومه ياخيه
وماكعد بعد،،،
يمممه يبو عناد ماحجيت وياك
ماسالتك انته راضي عليه
ولكم ماحللني ولا واهبني
لا اني ولا ولده،،،،
حجت هيج وكامت تدك على
صدرها،،،
لزمتها اني ومروه ونصروه
واحنا نبجي،،،،وامي
كامت ادك وياها،،،وماسكتناهن
الا واحنا انتهينا  من البجي
عذاب بس جاب الابر
ضربتها رأسن
حتى تهدأ وينزل ضغطها،،،
وهي غفت وره لحظات،،،بمكانها
عفنه امي يمها  وكمنا للمطبخ،،،
من عذاب كال اجوي زلم وراح
يظلون على العشه،،،،
وكفت اني وعبير وارؤى ومروه
وكمنا نحظر بالعشه،،،
بس كملنا خلينا
لان عذاب كال راح تجي،وجبه
الخ وره العشه
الجماعه  تعشوا،،،،وطلعوا،،،وره
نص ساعه،،،ووراهم اجوي
وجبه الخ،،،،،
ومافضينا شغلنا لل12 بليل
اني من شفت مروه
تعبت وبعد ماتركز حجيت
وياها
« مروه عوفي كلشي وروحي
ارتاحي وجهج صار  اصفر
هزت راسها بدون ماتحجي شي
وراحت ،،،
« ارؤى راح اطلع هاي السفره
بره واغسلها
« ايي روحي للبوري اليم
الحوض
هزيت راسي باي،،،واخذتها
ليمه جلفتها زين بزاهي،،،
وشلتها
ورحت حتى اشرها على
الحبل قبل لااووصل
سمعت صوت بجي مخنوك
دحگت بالظلمه،،،،وشفت
واحد كاعد،،،،يم سياج ناصي
يفصل الزرع عن البيت،،،
تقدمت،،،وشفته ذيب،،،
جان لازم وجهه
ويبجي،،،بصوت
بي غصه،،،
دموعي نزلت رأسن،،،
وتمشيت اله،،،،،هو حس
وكام لحيله من شافني،،،،
وكام يمسح وجهه بيشماغه
ومن راد يمشي،،،،،حجيت
« البقيه بحياتك ذيب،،،
سكت وحجه وره لحظه بصوت
مخنوك
« وحياتج الباقيه،،،بان
حجه هيج ومشه بسرعه،،،
من يمي،،
،
عيوني تتبعته،،،شلون يمشي
بتعب،،،،
درت روحي ،،،ورحت شريت
السفره ورجعت
للمطبخ،،،،،
غسلت،،،،،،،وتمشيت للغرفه
حتى انام
عبير وابويه واخويه رجعوا
وره الثالث لسامره وظليت بس
اني ،،،،،،وامي يم بيت خالي
لان هي رادت تظل للسابع
مال خالي
وهم مكدرت تعوف عمة علية
بيوم السابع ،،،،،اجني نسوان
جثيرات عبن الولد سوو
مولود لخالي
رغم جو الحزن
جان كلش حلو وكعدنا نسمع
شلون الملايه تقصد على
الرسول وآل بيته
ظليت اصلي على حبيبنا
وشفيعنا
واني ابجي،،،،،،،،
شكو حسره بگلبي وقهر طلعته
بذيج الساعه ببجي
قوي وامي اشرت لمروه وهي
كومتني من يمهن،،،،،
كعدت بالغرفه وبجيت،،،
حظي وبجيت خالي الي راح
واخذ البيت ويا،،،ومروه كابلتني
جنت اشوف حالها مثل حالي، ،،،
هم عايشه بامل ميسر الي
ابد ماحس بيها ولا هي
كدرت تتحسه بحبها
حبها اله خلاها ترفض اكثر،،،،
من واحد،،،،،،،واهله ابد
ماغصبوها وخلوها
براحتها،،،
عمه علية
من ردنا نرجع ،،،هم تخربطت، ،
وامي من شافتها صارت
فد نوب كالت
خلي نبقى يمها
جان خميس ووراه جمعه وسبت
اني وافقت لان جانت عطله
وكلت
عناد من يلتحق،،،،الاحد
نرجع وي من الصبح ،،،حتى
الحك على دوامي،،،
رغوده ونصوره من
سمع بامهن
متخربطه ،،،اجني حتى يشوفنها
هن وجهالهن،،،،
احنا دنحضر بالغده،،
نصوره حجت،،،بقهر
« البين مياخذ حطبنا ياخذ
ورد جوري ويشتم ،،،
تفاجأت من حجت هيج،،،،
ودحگت لمروه الي سالتها
« خير نصوره شبيج ،،
« اااوف ولج مرارتي راح اطگ
من القهر،،ومن وره هاي العرمه
مرت اخوج
« منو يولي،،،
« هناء يولي شبيج
قابل ارؤى ام گلب الطيب
« شبيها هناء،،،
« ولج عذاب،،،دزني اصيح
عناد ،،،وتوني اريد اطب من
باب المطبخ واسمعها متعارگه ويا
وصوتها يلعلع،،،،
مروه وخرت من الطباخ وحجت
بضوجه
« شبيها،،،، بزونه الحطب ويا
ماتعوفه تره البي كافي
« الادبسسز متعاركه ويا
عبن ظال يمنا ،،،،
« ادري غير الاوادم دتجي
لهنا وهو لازم يظل وي الولد
حتى ياخذون من
خاطره،،،
رغده حجت هيج ونصوره
جاوبتها
« جيبي التفتهم خيه
وهو سوده عليه تخبل وحطها
وكتلها من كامت تخربط
بالحجي
« جان طبيتي فكيتيها منه،،
حجيت وهي جاوبتني،،،
« ماطبيت ورجعت رأسن
وكلت خلي يكتلها لهاي العرمه،
لان گلبي مليان منها
الادبسسز  بعده ابويه،،،،ترابه
اخضر وهي كامت تقسم
بالورث
البنات لطمن وجهن ومروه حجت
رأسن
«نصوره  صدگ تحجين
« اي يولي بس مااريد هذا
الحجي يوصل لامي
« وانتي شلون عرفتي
رغده سالت نصوره وهي تبجي
وهي جاوبتها
« ولج هي حجت چدامي،،،
ولا استحت،،،مني
« ولج هاي شلون بيها،،،توه
ابويه مات وكامت تدور
ورث
مروه حجت هيج
ورغده كملت
« بالقرآن لو يسمعها عناد الا
يموتها ،،،،
« عوفوا،،، هاي السوالف هسه
والتهن بامجن ولاتخلهن تسمع
شي من هذا الحجي تره
ضغطها صاعد كلش
« اي والله سوده عليه
البيها كافيها ،،،،هي بعدها
تبجي علي ذيب عبن طلگ
واجتي موتت ابويه چملتها ،،،
وكسرت ظهرنا كلنا
نصوره جاوبتني واني
كلت
« اي والله
،،،،
رجعنا لسامره وي عناد،،،
ودوامت رأسن،،،،
البنات اخذن من خاطري،،،وراها
التهيت بالشغل،،،،
وشهر يمر وره شهر،،،،،الخ
واني نفس حالي ،،،،وكمت
اسمع امي تحجي وي عمة
عليه وتشكي الها حالي
وهي تبجي،،وابويه
كمت اشوف بعيونه
حزن وقهر،،،،،وحتى اكله
قل يطب مهموم ويطلع مهموم،،،،
وكلامه صار مختصر،،،،ويانا
جنت اعرف هو مقهور من
وره طلاگ
عبير بس مجنت اعرف هو
جان يفكر بي،،،اني
اكثر
بيوم الظهر
رحت اودي الجاي
لغرفتهم ،،،،،،وسمعته
يحجي وي امي، ،بصوت
مخنوك
« صالحه القهر راح يموتني ،،
جنت شايل هم وحده هسه صارن
اثنين،،،،بركبتي
« شنسوي  ابو احمد
هاي قسمتهن وهذا
نصيبهن
« ادري يابه ومو معترض على حكم
ربنا بس حسره صارت بگلبي
من وراهن وخصوصا بان،،
ااااخ يابه محد كاسر
ظهري غيرها،،،،
ابويه حجه هيج وسمعته
كام يبجي
دموعي نزلت،،،وخنكت شهكه
رادت تطلع،،،وهو كمل
بغصه
« حسبي الله،،،عليكم قهرتوني
ببناتي،،،،،،خطيتهن بركبتكم
ياعامر واسامه،،،،
« اسكت طه لاتسوي بروحك
هيج،،،هسه يصعد
ضغطك
« اااخ ولج ااخ،،،عليمن اعتب
عى الغريب،،،، لو على ابن اخويه
الي عاف بنتي من تسگطت
هاي منو الها اذا متت باجر،، بله
عبير مابيها شي ويجوز تجيها
قسمه زينه وتروح لنصيبها،،
بس
سكتت وذب حسره،،،وكمل
«بس بان محد  اجه عليها ورادها
محد دك بابي لا غريب ولا قريب
وكال
اريدها،،،وهاي حسرتي وقهري
كله من وراها ،،
امي كامت تبجي،،،وهو كام
يردد
« حسبي الله،،،،عليكم،،،،
خطيه بناتي بركبتكم ليوم
الدين
اانسحبت بهدؤ من يمهم،،،ورحت
وره البيت كعدت هناك
وكمت ابجي
بحرگه گلب ،،،،،
الكلام السمعته من ابويه،،،،،
وهو يبجي خلاني احس اني،،،،،
كبرت عشرين سنه ليگدام،،،،،،
حسبت هاهي بعد اني
مالي حق بالحياه،،،،من وره
قدر رفضه المجتمع وحكم عليه
اظل عايشه الي اريده
بس بالحلم
وهم،،،،
مثل كل مره كتمت البيه
،ورسمت
ابتسامه بوجهي وبگلبي صرخه
بدت تفتت جسمي
وارادتي شويه
شويه،،،،
،،،،،
قبل لاتطلع  السنويه،،،مال
خالي انخطبت لابن صديق ابويه
فرحتي مكدرت اوصفها،،
عدي جان يشتغل حلاق،،،،
وجان اكبر مني بعشر
سنيين،،،،
بس فرحتي ماطولت اقل من
عشره ايام وانفسخت الخطوبه
والسببِ،،،،جان خراب الناس
ونفاقهم،،،،،
الوجع رجع لگلبي،،،،من جديد
وخلاني ابجي،،،
بحرگه گلب،،،واندب حظي
وهم مثل كل مره سكتت،،،،
وضميت حزني عن الكل،،،،،
مجنت احجي شي،،،،
لان ايأست اعيش
الحلم الي جنت احلم بي
بس،،،،الايام جانت ضامتلي
غير شي وغير متوقع
وره اقل من شهر
عناد اجه
هو وعذاب وعمة عليه،،،
علينا،،،،، وعبير كالعاده من
تشوفه تسلم علي وتختفي
وبعد ماتخلي يشوفها
وجانت المفاجأه،،،، هم جايين
حتى يطلبون ايدي،،،،،لذيب
هو مجان وياهم،،،،وكالوا
من ابويه
سأل علي،،،،
هو كال اخذوا الموافقه
واني اجي ،،،،
اني مااعرف شصار بيه
وظليت ساكته ،،،،وامي وخواتي
شجعوني اقبل،،،،
من شفت فرحه امي وابويه
وموافقتهم مكدرت ارفض،،،،،
ووافقت بنفس اليوم،،،،،
بس بگلبي تردد وخوف،،
،منه،،،،
يِّتّبِعٌ
مساء الخير بنات
اريد توقعاتكم،،،،،،
هل ذيب راح يصارح،،،،،
بانه ويكول الها هو مجان
رايدها وانفرضت علي،،،،،
وشلون راح تكون ليله زفافهم
غردوا وسمعوني رايكم بالبارت
القادم ،،،،بعد گلبي ودكاته