الأنين الصامت

بارت 27

#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّبِعٌ والعٌشٍرون
،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
طبيت للبيت عيالي،،،،ولكيت
الكل جاين ،،،،ومن حظن لحظن
والدموع جانت تحجي الفرح
الي بگلبهم،،،،،
عكس الحزن الي،،،بگلبي
« ولج جيبي لهذا خلي نشبع
بوس منه تعال بعد عمتك
نصوره حجت،،،، واخذت سيف
مني ،،،وعيوني راحت لذيب من
طب شايل الجنط،،، هو وميسر
وعناد طب،،،،،، وهو كايد عبير
الي جانت تضحك اله والوجهه
مورد ،،،،،
« هلا بيج،،،،، ابيتج ام سيف
حجه واني هزيت راسي والغصه
بگلبي خلت عيوني تغورك
عبير حست بيه واجتي بسرعه
وحجت
« اامشي لغرفتج بدلي
وارتاحي شويه
ماحجيت شي،،،ومشيت واني
احس بالعيون عليه
اني دامشي،،،،،ميسر
طلع،،،،،من غرفتي،،،،وذيب
وراه،،،،عيونه من اجتي بعيوني
شفت الخزره،،، والوجهه متغير
درت وجهي منه ودمعه فلتت
من عيوني
« ذييب
اختي،،، صاحت اسمه بعتب
وهو حجه بصوت مخنوك
« ماات ذيب حتى تخلصون
منه
« استغفر الله يارب ،،،
اختي حجت وهو مشه بسرعه
وهو يكول
« يجي يوم يولي وتتندمين
وذيج الساعه،،،، شوفيني
وجهج،،،اذا تگدرين
طبيت بسرعه،، ،،وكعدت راسن
وكمت ابجي ،،،،وعبير
سدت الباب وكامت تحجي
بهدؤ
« كاافي يمعوده، ،،،تره حگه
مرته وعلى ذمته وتنخطبين مرتين
ادري هاي وين صايره،،،،
« عبير قابل اني الكتلهم تعالوا
اخطبوني،،،
« لالا انتي ماكلتي الهم
وروحي فهمي اله هذا
الحجي،،،
اختي كعدت يمي وكملت
«بان ذيب يحبج ويغار
عليج واهنا كلها كامت تصيح،،،،
والعرب كلها سمعت،،،،،ذيب
يحب بان ويغار عليها
بخبال
« لو يحبني جان مراح
لجواهر
اختي سكتت وبعدين،،،،
جاوبتني
« اذا ماطلع السحر شاربه
وهو مايدري بروحه اني كلشي
ماافتهم وهسه تشوفين،،،،،
سكتت وهي حجت من
كامت
« بدلي هدومج وعوفي الغراض
مشوار نرتبهن اني وياج
ومن تكملين اطلعي يم البنات
عيب جايات عليج
وفرحانات بيج
هزيت راسي باي،،،،وهي
طلعت وسدت الباب
اني كاعده،،،،،صفنت
على غرفتي
والگلب حن الها، ،،،رغم عني
كل جزء بجسمي،،،،
صرخ بوجع،،،،من تذكر الجان يصير
بيها،،،،حبنا ،،،عركاتنا،،،،،زعله
زعلي،،،،خبالاته من
جان يفقد عليه
صوته عيونه من جانن يتغيرن
وهو يحجي كلامه الحلو
اختنگت،،،من التذكرته
كمت ومشيت للشباج وخرت
البرده وفتحته،،،،جانت بدايه
شتا والجو بي بروده
اخذت نفس وذبيته،،،،،
وظليت ادحك لوره البيت،،،
ابتسمت رغم الالم
من شفت الزرع المزروع بمسافه
مو بعيد عن شباج غرفتي
الباب انفتح وانداريت
وشفته هو طب،،،،ذب
جنطه بدون مايدحك علي
اندار،،،،،ووكف يم الباب،،،،،
وسده
شكله ذكرني،،،،،بليله عرسنا
من وكف وبعدين حجه
وهم سواها
دار روحه شفت وجهه مطعون
وعيونه حمر
ماحجيت شي،،،،وظليت
ادحگ بعيونه،،،،وهو حجه
« والله وبعالي سماه،،،يااا،،بان
راح يجي يوم وتعرفين
اني مالي ذنب بالصار
وذيج الساعه راح
تشوفين حرگه گلبي،،،،وتضوگين
الي شفته منج اضعافه مني
سكتت وهو تقدم خطوه وحجه
بعصبيه
« يولي تذكري هذا كلامي زين
وهاي الوگفه لاتنسيها،،،،لان راح
يجي يوم واذكرج بيها
واذكرج،،،،اني اجيتج چم مره
وكتلج انسي وخلينا نعيش،
وانتي رفضتي بدل المره
مرات چثيره،،،،
درت وجهي منه،،،،،وهو اجه
بسرعه ولزم وجهي وصاح
وهو يكزكز
« لاااادرين وجهج مني من
احاجيج
خليت عيوني بعيونه وجاوبته
بتحدي
« نعم ذيب شتريد
« خرررب
صاح بصوت مكتوم
وفرك شفايفي بقوه،،،من ردت
اوخر منه لزمني،،،،وعصرني
بحظنه وحجه ونفسه يطخ
بوجهي
« لا عبالج،،،،، اني مثل الاول
اسكت لاااا بان لكل فعل رد
فعل تحترميني احترمج،،،،
لسانج هذا اذا حجه كلمه،،،،
ماعجبتني
راح تشوفين
چدامه شي مايعجبج
مني
رجعت راسي ليوره ودحگت
علي بحقد وجاوبته،،،
« اضرب ذيب،،،،،ضربك
مراح يصير بقسوه السويته
اني حجيت هيج وهو رأسن
لزمني من شعري وجاب وجهي
على وجهه كوه
وحجه والعيون تخوف من القسوه
الشفتها بيهن وبوجهه
« ااني مراح اضرب بان ،،،،
اكو الف طريقه اعاقبج بيها
« مااااتلزمني
صحت وهو ابتسم بأستهزاء
وعافني،،،،رأسن الا ردت اووكع
ليوره وجاوبني وهو يضحك
« هههه الزم منوو يابه،،،،
ااانتي، ،،،،
عكدت حواجبي،من
شفت هيج
يحجي وهو كمل
« ولج اني كتلج مالي نفس
بيج بعد
حجه وصفك بايده،،،،،
وكمل
« يولي اني ذيب،،،،شوفيني
زين اني مو مثل الاول
تغيرت بااان،،،،،،،والي مايردني
مااريده لو خله روحه
بايدي
سكتت وهو طلع وسد
الباب وراه بقوه
صفنت على الباب بقهر
ومشيت وره دقائق بعد ما
كدرت اضبط اعصابي الترجف
ورحت طلعت گلابيه ،،
بدلت،،،،،،،،،واني احس
ذيب تغير ومو مثل
الاول
طلعت واني دايخه واحس
بروحي مشتته ،،،،ورحت
للمطبخ لان
جان وكت غده،،،،،
طبيت ولكيت البنات ديصبن
ومروة من شافتني رأسن،،،حجت
بضحك
« ولج تعالي سويتلج باجه
عبن اعرفج تحبيها
جان ااجو طبيعي وحسيتهم
مايريدون يضايقوني لا بالحجي ولا بالصار
ابتسمت،،،،، كوه الها وجاوبتها
بدون نفس
« كمت مااكلها ،،،
« ليش يمه ،،،،
حجت وهي متخوصره واني
جاوبتها
« مدري من جنت حامل بسيف
كمت اكرها وظليت هيج
من جبته
« هاي شنوو صدگ هذا
الحجي
« اي والله
جاوبتها وشفتها ضاجت
وعقجت الخشم وجاوبتها
« شسوين غير الباجه
« خير من الله دولمه وسمج
وتشريب لحم
نصوره جاوبتني وهي شايله
سيف وتبوس بي
« اي الدولمه تكفي
حجيت ورغده ضحگت
وجاوبتني
« ولكم هاي نويره لو مبدليها
اشو صاير مادور اكل
« رشاقه يابه دشوفي الجسم
شلون صاير عبالك مصقوله
مروه حجت وضربت على
كرش نصوره وكملت
« خوما مثل بعض الاوادم
« ديله عيني على اساس
انتي من رشاقتج
نصوره حجت وضربتها جلاق
مروه انهزمت وهي تضحك
وجاوبتها
« هههه اني اضعف منج
« خررب ،،،،ولج نويره عليج
الله هي موو اسمن مني
ابتسمت رغم البيه ،،،
ودحگت لمروه الي شفطت الكرش
وبعدين حجيت
« الصراحه نصوره انتي شويه
اسمن منها
« ولج ليييش،،،،دكولي
هي اسمن مني
« ههه اجذب يعني،،،،،
«هههه اي شويه
نصوره جاوبتني،،،،،واني
ضحگت
« ولجن يله مو جعنا
ميسر طب وهو يحجي
ودحگ عليه ولعب بحواجبه
وحجه
« اكول يعله گلب اخويه
هاي ليش هيج صايره حلوه
وتخبلين
دحگت لمروه الجانت مبتسمه
وهم لعبت بحواجبها الي
وكالت
« صايره ثلاثيني صاگه
« هههه اي والله،،،،ماتشوفين
الربع كاموا،،،،، يخطبوها وهي
بعدها على ذمه ذاك الغراب
« غراب يكول لغراب وجهك
اسود
نصوره حجت بضحك،،،،وهو
ضحك بصوت وجاوبها
« مقبوله منج خيه،،،،
« هااك افرش السفره
مروه حجت ويا وهي ادفع
بي وهو غمزلها وعضلها شفه
وكال
« واني هم راح تصير عندي
ثلاثنيه ومن هسه صاگه
مروه استحت وعضتله شفتها
وهو هز راسه وجاوبها
« موو هسه يبعد ميسر
بليل
الكل ضحك وهي عاطت
بي
« ميييسر
« رايح ابويه انتي،،،،
طلع وخله مروة خربانه
ضحك
واني كمت ادور شمه
حتى اغسل
ايدها قبل لاتتغده
طلعت بره ،،ودورت بعيوني
عليها واني امشي،، ووكفت،،،،
ودحگت لسياره
ذيب وشفته كاعد وخال
شمه بحظنه،، وجان صافن
عليه
عگد الحواجب ودار وجهه مني
وطلع من السياره،،،،نزل ونزل
شمه. الي، ،،رأسن اجتي عليه
وهي تحجي بسرعه
« الوح وي بابا العسر
« اي ماما روحي
جاوبتها،،، وهو اجه مدنك
وطب للهول،،،،
وشمه من رادت تلحكه لزمتها
وحجيت بهدؤ
« تعالي وياي غسلي
ايدج،،،،،،،، حتى تتغدين
« اااي واكول وي بابا
هزيت راسي باي،،،،ورحت
للمغسله البره غسلت ايدها
زين بالصابون،،،،،وهي راحت
تركض وطبت جوه
غسلت ايدي ووجهي،،،،،
وفكيت الشال وغسلت ركبتي
لان ،،،،جنت احس بحراره رغم
الجو البارد
،،،،،
طبيت،،،، ورحت كعدت يم عناد
الجان مرتجي على مخاديد،،،
وهو حجه
« نظل هنا 3 ايام وبعدين ننزل
لسامره
هزيت راسي باي،،،،وهو
كمل وهو مبتسم
« هونها وتهون يبعد اخوك،،،
طيرتك ردت لمچانها،،،،
بعد شكو گالب الخلقه
« بالقران الا اشوفها المو
شايفته
« هااا راح نرجع للخبلات
اكعد واسكت وكافي
مشاكل
« علت گلبي عناد وتعبتني
كلش
« يول گلبها ملجوم منگ
شبيك انته سنتين،،،،وانته
عايفها هي وولدك شتريد اول
ماتشوفك تاخذك بحظنها
ذبيت حسره من گلبي،وجاوبته
« مو جنت مصخم
« ادري والكل دره،،،،وظلت
السالفه معلگه وبلكي يجي
يوم ونعرف شلون صار
هذا الشي
وانته لاتظل شاد وياها
من وره اسامه والدكتور
تره هي مالها ذنب
« اويلي يااسامه،،،،بالقران
لوما يلزومني ،،،ويجروني منه
جان اني كاتله هسه ومسكنه
الگبور
« هههه ولك ،،،،انته ماقصرت
ويا،،،ايده وكسرتها والولد من
شفته ماعرفته عبالك شفل
داعمه مو مكتول من رجال
« عااار وبوخه وبس لسان،،،،
ومن ضربه ،،،،وكع بالكاع
واني گلبي متحمل علي،
من ذيج السالفه والنوب سمعته
حجه ابان كتله دتعال
خلي اطلع قهر گلبي
بيك
« ايي وبعد ماعليك بي
اخذ جزائه وعرف انته شنوو
وبعد ،،،،،مايگدر يندگ بيك
لان هددته بذيج السالفه
هزيت راسي لاخويه،،،،
وشمه طبت وهي تكمز،،،والشعر
يتطاير
صفنت عليها،،،،،والوجع بگلبي
جبير
جانت تشبه بان،،،بكلشي
وحتى الغمازات اخذتهن منها
وشعرها هم،،،،،،، جان طويل
واسود طووخ بس هي
ابيض من بان
اجتي وكعدت بحظني وكمت
ابوس بيها،،،،،
« الله يخليهم الك
« تسلم ابو فيصل،،،
،،،،،،،،،
تغدينا والبنات وكفن وي ارؤى
وكفنا الشغل،،،،وراحنا
ساعه عشره بليل،،
وعبير راحت هم وي عناد لبيتهم
اني كلت مادام سيف وشمه
يم ذيب خلي اروح ارتب
غراضنا،،،،
طبيت وذبيت الشال
وبديت ارتب بيهن،،،،،،،
ساعه،،،،،مرت
واني داشتغل ذيب
طب وهو شايل،،،،سيف
الجان نايم،،،،،
وخلاه على الجربايه،،،،وشمه
ويا وجانت مطفيه
بدلت هدومها،،،،بسرعه وهي
ذبت القرصات لان متعرف تنام
بيهن،،،،،وتمددت
وخليت مخده منا ومنا
لان خفت لايكعون من
الجربايه
« افرشيلي بالكاع
صفنت علي من حجه،،،بضوجه
وهو بده ينزع بقميصه
درت وجهي ورحت جبت
فراش،،وفرشته بمكانه القديم
وهو تمدد،،،،، وغطه
روحه لراسه
عفت الغراض للصبح كلت
اكملهن اخذت دشاشه قصيره
سوده وبيها ورد بنفسجي من
جوه،،،،،،، تور الردن والصدر،،،،
ورحت للحمام لبستها،،،،وفوكاها
لبست دشاشه نظيفه
وطلعت
طبيت بهدؤ،،،،،ورحت نزعت
دشاشتي وتمددت يم سيف
شلته وخليته ،،،،،،،،على ايدي
وتغطيت اني ويا،،،،وشمه
وره لحظه صفنت على حالي
وابتسمت بالم
وكلت
« الزمن عبالك ديعيد نفسه
بس بغير قصه ،،،،،
غمضت عيوني،،،،وكتمت دمعه
وغصه،،،،،،وظليت
افكر بالي صار،،،،،،،
من التعب غفيت،،،،واني
حاظنه ابني لصدري
،،،،،،،،
وخرت الغطه،،،،،وره ماسمعتها
هدأت وبعد ماتتحرك،،،،
وصفنت على السگف
وافكار ادور براسي،،،،،
وساعه وره ساعه،،،اني كاعد
ومااكدر انام
كمت ساعه ب3 وعيوني
رأسن راحت الها
ذبيت حسره من شفتها نايمه
وبحظنها سيف،،،،
وحجيت وياها
«اول مافگيت عيوني وصحيت
من البيه،،،ذكرتج بعد مجنت
اريد انساج،،،ورجلي الجانت
تنهزم
منج كامن ياخذني وراج
مثل الجاهل
من يلحگ امه
بس انتي جان گلبج قاسي،،
وكلامج جان يوجع
سكتت وكعدت بمجاني،،،،،
ولزمت راسي وكملت
« اااخ ياااابه والله حگج
بالقران حگج،،، اذيتج وقهرتج
چثير،،،،،بس والله مو بايدي
جنت مصخم
سكتت ورفعت راسي،،،،ودحگت
عليها وكملت بقهر
« والله وروح ابويه وداعتج
انتي وولدي خلي بس
الزم خيط ياكدلي جواهر هي
وره هاي السالفه
الا اذبحها بايدي ،،،،،هاااي
بالقران الا اسويها كشره عليها
وعلى السواها بينا
بذيج الليله مكدرت انام اخذت
الفروه وطلعت بره كعدت
جگاره وره جگاره ،،،
والحال نفسه،،،،وماتغير شي
منه
،،،،،،،،،،،
ظل حالنا نفسه،،،،،،
يطب مايحجي،،،،،الا قليل
والا بشي يخص ولدنا ،،،،،،
قبل لايلتحق،،،،اجه
بليل وحجه
« حظري جنطتي باجر راح
التحق
«حظرتها،،،،شوفها خوما ناقصك
شي
جاوبته واني داصفط هدوم
سيف وشمه، ،،
مشيت للجنطه وشفت
الي اريده ،،،،،خالته وماكو اي
تقصير،،،
سديت الجنطه وجاوبتها
« ماكو اي نقص ،،،،
رحت بدلت ملابسي،،،وحجيت
« اذا احتاجيتي فلوس
اكو بالجراره والمفتاح بيها
سكتت وهو كعد بمكانه،،،بالكاع
والتهى بجهازه
انتبهت هو فتح فيس
وكام يتراسل،،،
ابتسمت ووجع الذكريات،،،،،
رجع يدگ بگلبي،،،،،،بالم جبير
من تذكرت،،،،شلون تعبت ويا
حتى يكدر يتعلم يقره
ويكتب،،،،
عيوني،،،،،،،غورگت،،،
ولهيت روحي،،،،بالشغل واني
كاتمه دمعتي كوه
،،،،،
ثاني،يوم الصبح كمت من وكت
بدلت بهدؤ وعيوني
على النايمه وحاظنه سيف
كملت،،،،،،
ورحت عدلت شمه ،،،،بنومتها
بستها ومديت راسي،،،،لسيف
بسته،،،،وعيوني عليها
وهي كعدت
رجعت ليوره وحجيت
بسرعه
« اني رايح
كمت من الفراش،،،،،وهو
راح شال الجنطه،،،،وطلع رأسن
بدون مايدحگ عليه
،،،،،،،،،،،
ذيب اجه مرتين
وراح واحنا نفس حالنا،،،،
ووره يومين من التحق،،،،،
ارؤى حجت وياي بموضوع
احنا دنشتغل بالمطبخ
«نويره اريد احجي وياج بشي
« اي كولي ارؤى
هي ترددت وبعدين حجت
« والله مستحيه منج وخاف
تزعلين وهم خاف رجليج
ادكوم توجعج من الدرج
عكدت حواجبي وجاوبتها
« يولي انتي اختي شلون ازعل
منج ااحجي عاااد
وطلعيها للدره شنوو درج
وشنو رجليه
«اريد غرفتج انزل بيها وانتي
اخذي القاط الفوگ
سكتت واني مبتسمه
وجاوبتها بضحك من كمت اغسل
البتيته،،،،
« ههههه هو هذا الجنتي خايفه
ازعل منه
« ايي والله كلت خاف تزعلين
وهم خفت على رجليج
« لاااا ما ازعل،، ورجليه
مابيها شي اطمني
بس ليش تريدين تنزلين
جوه
« والله عذاب بعد مايگدر
يصعد وينزل مثل الاول واني هم
اريد الجهال يباتون يم عمه
لان مايقبلون ينامون بالغرفه
الفوك
« هاهي ارؤى بس خلي من يجي
ذيب حتى هو وميسر
وعدنان ومحمد ،،،يفكون اخشابي
واخشابج
« ايي هو هم هيج،،،
« بس اكولج،،،
« كولي حبيبه ،،،،،
« خلي نصبغ،،،،غرفنا
ونبدل بردات
البيت كلها وناخذ فرشات جديده
شدكولين
« اي والله علواه،،،،خلي نجدد
« اي وهم خلي الولد يجلفون
السيراميك مال المطبخ
شوفي شلون صاير
«اني اجلفه بس والله مو
على طول من وره الشغل
الي ماألحك علي
« ادري والله بيج تتعبين،،،بشغل
الهوايش والله يساعدج،،،
« لااا يولي اني بعد معليه بيهن
مرت ابو عباس وجنتهم
هي الي ابتلشت بيهن،،،،،
« هااا حلو واحسنلج حتى
ترتاحين،،،،،،
« ايي ،،،،والله
كملنا الشغل بالمطبخ وعلي
الغده ارؤى حجت وي عذاب
الي من سمع اني موافقه
حجه
« ولج خاف رجليج ماتساعدج
على الدرج
« رجليه مابيها شي ماتشوفني
امشي اسرع منك
« ههههه ورجعنا نحشش
وراح نشبع ضحك
ابتسمت اله وهو كمل
«رحم الله والديج خلصتني
من الدرج
« ههه ادلل ابو مصطفى،،،
اهم شي راحتك
« تسلمين بعد اخوج،،،،،
حجه وجهازه دگ،،،،،،طلعه
من جيبه وحجه
« هذا ذيب متصل
« بابا،،،،
شمه كامت تكمز وسيف كام
من حظني،،،،،، وهم كام يقلدها
ونور بنت عذاب هم جرت منهم
« هلاااا والله،،،،،شلونك
يول وشلون عناد
« الحمد لله كلنا زينين،،،،
انته شلونك الحجيه الاهل
« زينين واسمع شمه وسيف
تخبلوا من سمعو بيك اتصلت
وجرت منهم نور
« ههه وينها شمامه انطنيها
اخذت الجهاز واسمعها تحجي
بسرعه
وهي فرحانه ،،،،،وسيف
مااعرف شيكول
« شمامه شتريدين اجيبلج
من سامره
« لعابه. ،،،،
« اااه ااا
« لووح
سمعتها تعارگت وي اخوها وعذاب
حجه
« ولك تعارگوا وصارت ملايخ
سكتت من سمعت صوت بان
صاحت بيهم وهمه رأسن
سكتوا
« وهاااا اجتهم الصاعجه
وسكتتهم
ابتسمت،،،،،وجاوبته
« اسالها محتاجه شي منا
من سالني عذاب عگدت حواجبي
لان شفت نظرات عمه وارؤى
وهزيت راسي بلااا
عذاب ردله الجواب،،،،وهو حجه
وي عمه وبعدين سلم وراح
ظليت ساكته،،،،،وبعد مااكلت
شي
وكمت وي ارؤى وكفينا شغل
المطبخ،،،،،
من طبيت للغرفه حتى انيم
ولدي
اني كاعده،،،، على الجربايه
واهز بسيف،،،، على رجلي
عمه دگت ،،،،،الباب وطبت
كعدت،،،،،،،،. يمي واني لميت
رجلي وخليت سيف بحظني
وهي حجت
« يمه نويره اريد احجي
وياج بسالفه
« اي عمه تفضلي
سكتت وظلت تسبح بسبحتها
وبعدين حجت
« يمه انسي الصار
ولمي،،،،،، ذيب وولدج
تره والله الشمات چثيرين ويريدون
بس خراب بيتج
سكتت وهي،،،،،كملت
« انتي حگج ،،،،وازعلي
شگد ماتريدين ويا،،،بس اهنا
حجت ودگت بايديها على الجربايه
وكملت
« المره العاگله،،،،،ماتخلي سرها
يطلع بره الغرف،،،،،وماتخلي
احد يعرف هي عدها مشكله
وي زلمتها حتى لو جانوا اهله
او اهلها
« عمه هم الكل يعرفون بالصار
بينا
« اي ادري ،،،،واني داحجي
على هسه مو الصار من زمان
« ماافتهمت عمه
« بنتي انتوا هسه چدام الكل
تصالحتوا وديشوفكم تكعدون
بغرفه وحده،،،وذيب
ديطلع منها ويطب الها،،،يعني
عيشتگم مثل كل مره
ورجال موو
هزيت راسي باي،،،وهي
كملت
« يعني مو حلوه هو يخابر
على عذاب حتى يسأل
عليج
« هوو مايخابر عليه
حجيت بخجل وهي جاوبتني
« من يجي اعتبي علي
وكوليله بعد لاتخابر على عذاب
وخابر عليه اذا تريد تسأل على
ولدك
سكتت لان عرفت عمه تريد
تقربني
منه وهزيت راسي بعدين باي
،،،،،،،،،،،
وره عشره ايام،،،،نزل ذيب
وعناد باجازه،،،،،،
من كعدت الصبح تفاجأت بي
نايم بالكاع،،،،
عرفته اجه الفجر، ،،،،،
كمت بهدؤ. ،،،،،،اريد ابدل
لان جنت لابسه دشاشه النوم
بس شمه بس فتحت عيونها
وشافته كمزت علي
مثل المخبله،،،،وصاحت
« بابا،،،،
فتحت عيوني من سمعت
صيحه شمه وابتسمت من
شفتها كامت تبوس بيه
ومن،،،،، سمعت صوت سيف،،
كمت وشفت بان دتلبس الروب
ورحت لابني شلته
وتمددت على الجربايه،،،،من
شفتها وخرت
« ارتاح راح اخذهم بره
حجيت بدون ماادحگ علي
« عوفيهم يمي،،،،ومن يصير
الريوك صيحيني
سكتت ورحت اخذت دشاشتي
من الزوايه
وطلعت بدلت بالحمام،،،،ورجعت
للغرفه وشفته كاعد
ويلعب وي سيف،،،،
« تعالي اخذي هذا المسدس
لاتسويلنا شغله مو زينه
ست شمه
مديت ايدي اله واخذت السلاح
ورحت ضميته بالكنتور
وقفلته،،،،،
مشيت للجنطه وطلعت هدومه
الوصخه وذبيتهن بالسله
تفتر واني ادحگ عليها بطرف
عيوني،،،،من كملت
حجت
« راح اخلي هدومك بالحمام
خاف تريد تغسل
هزيت راسي،،،،،،،باي وهي
طلعت
من سوينا الريوك، ،،وكعدنا
عذاب حجه ويا بموضوع الغرفه
هو دحگ عليه
وسالني
« شدكولين ام سيف
كلمته وسؤاله الي خلاني
اصفن علي
ومن رفع حواجبه،،،،جاوبته
«اني وافقت ،، اصعد فوك
بس
« شنوو رجليج ماتخليج
سالني واني رأسن جاوبته
بضوجه
« رجلي مابيها شي اني
صرت زينه
سكت،،،،، وشفت وجهه تغير
من نبره صوتي،،،،وكملت
واني مدنگه
« جنت اريد اكول خلي نصبغ
غرفنا اني وارؤى ونشتري
بردات وفرشات وشغلات للبيت
يعني انجدد
« اي يمه ،،،،خلي شويه نجدد
وهم اريدكم اجيبون غير
مغسله لان،،،،انكسرت
« اي ادري بيها وان شاء
الله نجيب غيرها
عذاب حجه وهو ظل يدحگ
عليه وبعدين كال
« وبعد شتريدون ،،،،،
«هههه مدري خلي نشوف
يجوز تطلع شغله منا منا
ونخسركم اكثر
ابتسمت لارؤى،،،،،وجاوبتها
« ادللي ام مصطفى شتريدون
انتي وام سيف اخذكم
العصر واشتروا
« يمه من فدوه اروح لاخو
خيته
« تره راح اغار
عذاب حجه واني ابتسمت
وارؤى جاوبته
« لاتزعل بعد گلبي انته الخير
والبركه
ظليت مبتسمه وعيوني راحت
لشمه من كامت وراحت
كعدت بحظن
ذيب الجان صافن عليه
درت وجهي،،،،وكمت واني
اكول
« ارؤى كومي خلي
نشوف طول الستاير،،،،حتى
نكوله للخياط،،،،وهااا
نريد كتلوگ للصبغ،، مو شلون
مجان تصبغون
حجيت وي عذاب،،،الي
كال لذيب
« اقبض راح يكربن علينا
كمت لحيلي وجاوبت اخويه
« بيهن خير ويدللن ،،،،،
بس دز على الولد خلي يفزعلونا
بشيله الغراض
والصبغ
حجه وراح،، وهو شايل سيف
وشمه
،،،،،،،،
العصر،،،، اخذنا وجان ويانا
شمه وسيف ونور،،،،،،
اشترينا الفرشات،،،،،،،واختاريت
الستائر على ذوقي
للديوانيه،،،،ولغرفنا اني وارؤى
نفس الشي لان هي عجبها
ذوقي،،،،
من رجعنا جنا محملين علاليك
وابنها لارؤى طلع،،،ثوب نوم
كله ريش وخله عمه تخرب ضحك
وادكول
« ههههه ولج هاي شنوو
بالقران بس تلبسي الا تطلعين
مثل الدجاجه المهلوسه
« ههههه اي والله
ارؤى حجت بفشله،،،،،وخوزرت
عثمان الي انهزم
وره يومين
صبغنا القاط الفوك،، بلون
ابيض ،،،،،،،،لان اني ردته
وارؤى بلون سمائي فاتح،،،،،،
والستائر،،،،،،،اجتنا بعد كم يوم
وغراضنا الولد حولها
وصارت هوسه،، ومافضت
الا ثاني
يوم وذيب راح جاب جربايه
لشمه وخلاها،،،،،،،،،،بالغرفه
لان غرفه ارؤى جانت
جبيره كلش
من رتبت غرفتي،،،،،
طلعت تخبل،،،،،،،،وراها
غسلت للجهال وبدلت
هدومهم وذيب من
شاف ماكو بعد شغل اخذ هدومه
وراح غسل،،،،بالحمام اليمنا
واجه،،،وهو ينشف شعره
مشط وحجه
« راح اخذ الجهال جوه
وراح
ادز على عشه اخذي راحتج
هزيت راسي باي وهو اخذهم
ونزل
اخذت هدومي،،،،ورحت
غسلت وطلعت،،،،
كعدت انشف شعري بالسشوار
واني احس بتعب مو طبيعي
من شفت جسمي يوجعني،،،
كلت خلي،،،،،،،،، اتمدد شويه
بس خليت جسمي على الفراش
غفيت بدون شعور
،،،،،،
العشه اجه وبان مانزلت،،،،
وامي حجت
« يمه ماتشوف مرتك وينها
اشو تاخرت ومانزلت
هزيت راسي،،،،وعفت جهالي
يمهم وصعدت،،
طبيت وشفتها نايمه،،،وغافيه
جانت الغرفه حاره من وره
السبلت
رحت نصيته ورجعت عليها
ردت اصيحها بس سكتت من
شفت رجليها
اثر العمليه جان واضح وجبير
كلش وخله گلبي ينعصر
وعيوني غورگت،،،وحجيت بحسره
واني صافن عليها
« اااخ يابه
جبتي سيف وربيتي ولدي
وسويتي هاي العمليه
واني موو يمج،،
شصار بيج يولي وشلون تحملتي،،،
ولج شسوه بينا المايخفون الله
ضيعو من عمرنا عمر
اوووووف يابه
صحت بصوت وهي كعدت
اني درت روحي بسرعه
وحجيت بصوت مخنوك
من مشيت للباب
« تعالي اتعشي،،،،
نزلت وراه ومن خلينا العشه
شفته ماكوو
« ذيب وينه
عذاب سال،،،،وعمه جاوبته
« مدري شبي يمه اشو على غفله
كال مااشتهي تعشوا انتو
وطلع
« هااا
صفنت وي روحي من تذكرت
،،نبره صوته
وشكله من جان واكف
وصافن عليه ومن مشه بسرعه
من يمي خلوني احس هو بي شي
من كملنا العشه ولدي رادوا
ينامون،،،،،،،،،،،،،،،صعدت بيهم
وهم بس تمددوا بفراشهم
ناموا،،،،رأسن
وره ساعه نزلت،،، جوه اريد
اخذ مي من المطبخ
طبيت اخذته،،،،،،،ورحت للباب
المطبخ اريد اقفله
عيوني صارت على الحديقه
وشفت ذيب كاعد على القنفه
وديدخن،،،،،
جان لاف روحه بالفروه،،،،،،
ومبين علي بغير عالم،،،،،،
كام واني صرت بصف الحايط
وبعدين مديت راسي،،،
وشفته مشى للزرع، ،،،،وويا
اشرس
طلعت بهدؤ والزمان انعاد
من شفته اختفى بالظلمه مثل
الجن
رجعت،،،،،والذكريات من تهجم
ادمر اقوه انسان،،،،،،
صعدت لغرفتي،،،،،وبدلت
هدومي وتمددت،،،،،،،
مكدرت انام ،،،،وكل ساع
جايتني ذكرى مخليتني اختنك،،،،
وظليت اسال روحي
« ليش هيج صار مو جنا
واح يحب الخ،،،،شجاك ومن وره
نزوه رحت خربت حياتنا،،،،
لو ما السويته جان هسه
اني نايمه
بحظنك ويجوز عدنا بعد طفل
الخ،،،،وبيت واسره مثل ماجنت
احلم،،،
سكتت وكتمت شهگه ،،،ومسحت
دموعي
« عمري كله ماحبيت احد مثل
ماحبيتك رضيت بكلشي ردته
وعفت،،،،،،، الدنيا كلها لخاطرك
وشفت،،،،،، منك حب ماشفته
من امي وابويه ماشفته
من اسامه
ولا غيره
انته وبس الي جنت اروح لحظنه
واني مطمنه هو ابد مراح يعوفني
او يخذلني
ذيب بس انته الي خلتني
احس اني طيبه ومابيه شي
وانته نفسك،،،،الي خلتني احس
اني بيه نقص جبير
جنت الدوه وبنفس الوقت
صرت العله ،،،،
وكلمتك من كلتها بوجهي
ذبحتني،،،،، وجرح اسامه
تجدد وشفته بيك
بذيج الساعه انهاريت،،،،وبجيت
بحرگه گلب ،،،،
تمددت اني ودموعي،،،،،،،،،
وسكتت وره لحظات لان
تعبت من البجي والعتب
مكدرت انام ووره ساعه
سمعت خطواته
غطيت راسي،،،،وهو طب
حبست انفاسي من سمعته
كعد وسند روحه على
الجربايه،،،،،
ذب حسره،،،،،،وراها تمدد
وخرت الغطه،،،،واخذت نفس
طويل،،،،وبهدؤ ذبيته
« شكد عمي خله عليج من
سوالج العمليه
كتمت شهگه. رادت تطلع
من سمعته حجه
وهو كعد ودحگ عليه
وكمل
«العمليه،،،،مالتج شگد كلفته
لعمي
كعدت وسندت روحي،،،واني اتهزم بعيوني منه وجاوبته كوه
« ليش
« ااريد ارجعهن اله
« هم ليش
كمت لحيلي،،،وكمت اتمشه
بالغرفه وجاوبتها واني اتنفس
كوه
« كولي شكد رحمه لاهلج
« ميحتاج ترجعهن اله لان ابويه
مراح ياخذهن منك
« لاا راح ياخذهن لان انتي
مرتي واني الي لازم اصرف
عليج موو هو
« ايي،،،،واني هم بنته وعادي
اذا سوالي هو العمليه
« باان
« هاا ذيب شتريد
« كولي شكد لخاطر الله
ولاتشلعين
گلبي اكثر ماهو مشلوع
« كتلگ مايحتاج،،،، لان اعرفه
مراح يقبل ياخذهن
منك
« هي غير لو تحجي عااااد
واطلعها للدره
ولج يابه،،،،كولي شكد
ولاتظلين تحجين،،،،،چثير
كتله المبلغ،،،،وهو هز راسه
وكال
« هينه اني بس اروح لسامره
اوديهن اله
من راد يگعد،،،،،حجيت
« ذيب
ظل كاعد بمكانه وهو ساند
روحه على الجربايه وجاوبني
« هاا
ترددت للحظه وبعدين حجيت
« بعد من تريد تخابر تسأل
علينا خابر عليه،،،،،،لان
مااريد،،،،،،، اهلك يحسون
بمشاكلنا ،،،،،،خلي حياتنا
طبيعيه كدامهم
سندت راسي علي الجربايه
وجاوبتها
« صار بان،،،،،بعد اكو شي
ثاني،،،،
« لاااا
تمددت،،،،،واني جنت اتمنى
ادكول
« اي خلينا نرجع مثل الاول
بس التمنيته، ،،،يمكن راح اظل
عمري كله،،،،،، مااسمعه
منها،،،،،،،،،، من وره برودتها
وياي،،،،وكلامها القليل
وعيونها الجانت تتهزم مني،،،،
وتصرفاتها
الي تخليني احس،،،،اني
غريب عنها،،،،،
سد،،،،صار بيني وبينها
والگلب،،،،،جان يريدها وهي
جانت بس تتعز علي
واني بعد توسلي بيها اكثر من
مره كمت مااكدر افرض نفسي
عليها بعد اكثر
ابتعدت،،،،ودست على گلبي
وروحي،،،،،، وظليت عايش
بالجان يجمعنا،،،،،قبل لايضيع
كلشي بلحظه غدر
،،،،،،،،،،،،
اقبلت تمشي وهي
تتمايل
مسكت قلبي،،،،،لانه هوى
خوفا عليها
كانت طفله ،،، بين عيني
وليست امرأه
وخفت عليها،،،،من عثرات
الزمن والقدم،،،
وضعتها في قلبي،،،،،قبل
الجسد ،،،
كانت لي وطن ،،،وغدر البشر
نفاني منه وبعده لم استقر
ابدا
عدت لها ولكني كنت كالغريب
وكانت هي وطن سكنه
الخراب ولم يعد
صالحا للسكن
شكرا لتفاعلكم مع عتبي
ويارب رب اكون مازعجت احد،،،
وكان عتبي خفيف عليكم
ومن شفت التعليقات،،،،
فرحت لان حسيت بروحي
شگد عزيزه عليكم
وشكرا لكل وحده علقت وجبرت
الخاطر واتمنى من الله سبحانه
وتعالى يحفظكم بكل مكان
ويسعدكم ويحفظ احبائكم
اللهم امين
وهسه
نرجع لقصتنا الانين الصامت،،،،
الي سالني،،،، شوكت تخلص
احب اجاوبه بعد،،،،لان راح
تصير بعد احداث،،،،،،اقوى وان
شاء الله تعجبكم،،،،،
وراح تشوفون صراع بين الحب
والغيره،،،،، وبين الكرامه
وعزه النفس تحت سقف
واحد ،،،والسؤال هو من سيفوز
القلب ام عزه النفس،،،،
وترقبوا رده فعل بان من تعرف
بالصار،،،،،ورده فعل ذيب،،،،
من تجي وتريد تصالحه،،،،،
تحياتي لكم
اوتار حزينه
يِّتّبِعٌ