#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء عٌشٍروِنِ
،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
اسامه قبل لايروح سمعته
حجه
بصياح وي عمه وكله
« جم مره اجيتك ووكعت عليك
وكتلك عم اني غلطان واريد
اصلح غلطي وانته رفضت،،،،
وماقبلت ارجعها ورحت انطيتها
لهذا العربي،،،
عقل ماظل براسي
من سمعته حجه هيج
وفلتت من ميسر
وعذاب ،،،،احمد لزمني
قبل لااوصل اله هو واحد
وكام يصيح
« ذيييب لخاطري عوفه ،،،
« ولكم دعووفني اليوم الاا
فقدت وكمت افشر، ،،،،
وماخليت احترام لاي احد
احنا بالمطبخ سمعنا صوت
الصياح وصارت هوسه
بالكراج،،،،،
امي
طلعت رأسن
هي وعمه علية ووياها
عمه ضويه
« ولجن هذا ذيب ماادري شبي
امي صاحت
واني ،،،،بس سمعت اسمه
انطيت شمه لميس
وطلعت بسرعه
« كووواد ترس اليوم الا
اسحلك
بالشارع ولكم دوخروا
وخلوني اشوفه العربي اليوم
شسوي بي
جمدت بمكاني من شفت
ميسر وعذاب
لازمين ذيب كوه ويجرون بي
وهو يريد يهد،،،
عيوني راحت للباب وشفت
اسامه هم هاد ووولد لازمي
وابويه يرزل بي،،،،
لطمت خدي ورحت
علي بسرعه
وحجيت بخووف
« ذيب عووفه
هو سمع صوتي وشافني النوب
تخبل
بالزايد وكام يصيح
« فوووتي جوه وللللج شطلعج
من ااانعل ابوج لابو الجابج
طببببيي بنت
عذاب سد حلگه وصاح
بي
« وللك كافي شبيك
تخبلت
من فشلتي كمت ابجي ووخرت
منه وطبيت
وكفت بالمطبخ ودموعي
تنزل وگلبي يدك سريع،،،،،،
وهو طب بهوسه،،،،،واول ماشافني
شمر صينيه بيها مي
جانت على الميز
عليه وصاح
«ووولج ليييييش طلعتي،،،،
« ولك غيير خافت عليك
وطلعت
امي صاحت بي ،،،وهو ظل
يصيح ويغلط على اسامه
عفته بخباله ومشيت من يمه
وطبيت للغرفه وهناك طلعت
قهر گلبي ببجي قوي
« كاافي بانه
لمى طبت تحجي ووراها ميس
واني جاوبتهن بشهگه
« ارريد بس افتهم هذا شجابه
« اجه ديسوي مشكله
مبينه الشغله ومتقصدها
وي ذيب
« من عابتله لذيج الخلقه كسر
فرحه احمد بهل اليوم
ميس حجت ولمى جاوبتها
بضوجه
« ولج ابويه تخبل وكام يصيح
علي عمي شلون اسامه
مد ايده على ذيب
وبيتنا ،،،،
سكتت وظليت اني ودمعتي
وواسمع صياحه رج البيت
البنات كامن وطلعن
واني كمت وراهن،،،،من
سمعت ابويه يحجي ويا
« يابه ذيب صلي على النبي
واكعد تره والله مارضيت اله
ورزلته رزاله تسوه عمره
« ولكم اني اجيب عرضي
بنص الزلم من امداني اذا
اخلي طيب
هد وكبت هوسه بالديوانيه
واني رحت بسرعه علي
طبيت وشفت عذاب مجتفه
وميسر وياه،،،،،
« كااافي شبيك انته
تخبلت
هو سمعني صاح بيه
« ااااني اعلمج ولج بالقران
الا اكسر رجليج لييييش تطلعين
چدامه
« هييي مكسره شتگسر منها
كاافي فضحتنا وكسرتوا
فرحه اخويه
حجيت هيج وكمت ابجي،،،،
« ااامشي ولي ،،،،من
چدامي
« لللج دتعالي هذا فاقد
ومديعرف شديحجي
ارؤى وعبير جرني،،،،،وعناد
طب بزي وهو عاكد الحواجب
ومبين علي يعرف شصار
،،،،،،،،،
طبيت وشفت ذيب يفشر ويغلط
واخوي وابن عمي لازمي،،،
وحجيت
« شبيك يول وليش خابص
الدنيا بصياحك
« تعال يمعود عناد
انته احجي ويا تره ماخله
احترام لا لصغير ولا لجبير
عم طه حجه هيج وطلع،،،وهو
يضرب ايد بايد
عرفت اخويه مجفص من وضع
عم طه وخوزرته وصحت بي
« كااافي يول وامشي اكعد
« ماااكعد واليوم
اني كاتله لهذا كاتله ،،
اني عندي كرون حتى اسكتله
من ايجيب عرضي
بنص الزلم
ذبيت حسره واشرت لعذاب
وهو حجه السمعه من
اسامه وحجيت من افتهمت
« انته وضربته واخذت حگك منه
وعمك وابنه
مارضوله وطردوا چدام الكل
بعد شكوا هلصياح،،،،
« ولكم لاتخبلوني،،،،،حجه
وباذني سمعته جاب طاريها لبان
شلووون،،، تريدوني اسكت
وفوكاها يكوله انطيتها للعربي
« ولك يمه خلي يولي انته تسواه
وتسوه الخلفه
عمه صالحه حجت وهي تبوس
بذيب واني ابتسمت رغم عني
وحجيت وياها
« عمه شووفي عليج الله
شلون تخبل عبن هذا العار جاب
طاريها لبنتج
«ابو غيره يمه ومايرضها
على روحه
بس يايمه اسكت لخاطري
تره عمكم انقهر واخذ على خاطره
هو واحمد
رحت كعدت واني اهز برجليه
ومنظره هذا الساقط
مديروح من راسي لاهو
ولا كلامه
عيوني راحت لعناد،،،،من
دنگ وباس،راس عمه وحجه
« لايظل بخاطرج عمه هسه
اني اروح واطيب خاطره لعم
طه واحمد بس تره الصوج مو صوجنا
صوج ابن اخوه الي مااحترمه ولا
احترم بيته وخطاره
« اي يمه ادري واعرفه هو اجه
حتى يسويله مشكله
« ادري ام احمد هو منو عزمه
ام عناد سالتها وهي جاوبتها
« والله محد عزمه هو اجه من
يمه واصلا احنا مانحجي ويا
« سدوا الموضوع وخلونا بفرحه
احمد وانته يول،،،،
هدي وكافي خبالات،،،،،
سكتت ودرت وجهي من اخويه
واني اهز برجلي،،،
من توتري
،،،،،،،،،
بعد العرگه الصارت، ،،،،،
ماحجيت وي ذيب ولا هو حاول
يحجي وياي
والعرس صار وزفينا اخويه
ورجعنا للعلم،،،،،،
طول الطريق محجيت ويا
اي كلمه وظليت ادحگ من الجامه
من كعدت شمه
جوعانه كمت ارضعها
« غطي روحج زين ،،،منا
الشارع
مجاوبته ولا دحگت علي
وغطيت روحي بعبايتي ،،،،
« دحگي عليه من احجي
وياج
« نعم ذيب
« هم حجت هاي الچلمه
الي اتخبل
منها
« يمه مدكولي شبيك وي البنيه
لا هي ساكته خلصانه منك
ولا هي ساكته خلصانه
دحگت عليه بضوجه وحقد
وهو خزرني وصاح
« لادحكين عليه هيج ولج
مو اجي افكسج عيونج
« ياريت والله تسويها حتى
مااشوف هيج شك
سكتت ودرت وجهي وهو
صاح
« شكوول كمليها يولي، ،،
هينه نوصل وشوفي شراح
اسوي بيج
« ومنوو كلك اني راح
اروح لبيتك ،،،،،
« وووين تريدين تولين،،،،،
صاح وشمه كامت تبجي
وعمه حجت بعصبيه
« بالقران وروح ابوك اذا ماسكتت
هسه اخذها ونرد لسامره
« لاااا والله ماارجع واغث ابويه
واكسر فرحه اخويه اروح لبيت
عناد وهو يعرف يتصرف
ويا
حجيت ورجعت شمه لصدري
حجيت واني اكزكز من عصبيتي
« اريد المره التوصل لهناك بالقران
اكسرج ومااخلي عظم
صاحي بيج
« شلون بيه ياربي،،،،،ووينه
عناد خلي يجي يسويلك حل
شبيك انته تخبلت علينا
وعلى البنيه من شفت
هذا العار
« يمممه لاجيبين طاريه
وتخبليني،،،
صاح وامه حجت
« استغفر الله ياربي،،،،
دموعي كامت تنزل لاراديا
ودعيت بگلبي،،،،على اسامه
الي اجه وسوه ،،،،، هاي المشكله
وخبله علينا،،،،،
اني جنت اعرف ذيب يكرهه
ويموت منه واعرف غيرته
عليه بس ماتصورت هو
لهل الدرجه
يغار وغيرته جانت بمرض،،
وره لحظه عمه حجت
« كافي يمه موزين عليج
ولا على بنتج ،،،،،،
دحگت عليها وشفتها تبجي،،،
والوجهه احمر
لزمت الستيرن قوي،،،،ونعلت
اسامه بگلبي اكثر من مره
ومن اجه منظره چدامي من جان
واكف يم العياده وصافن عليها،،،،
صحت
« اااخ يابه
ضربت الستيرن،،،،،وامي
حجت
« استهدي بالرحمن يمه
وتعوذ من الشيطان،،،،وخلي يولي
تره تسوه عمره من عمك طرده
چدام الكل واجه اعتذر منك
سكتت وعيوني راحت لبان
ومن نظراتها عرفتها زعلانه،،،،
،،،،،
وصلنا ومارحت لبيت عناد
وهو اول ماذبيت شمه بفراشها
اجه بسرعه وحظني
« عوفني
« غير امووت اذا اعوفج
سكتت وظليت بحظنه ابجي
وهو حظني بعد اقوه
دكات گلبه جانت
سريعه وجسمه
حار وحجه وره لحظه وبصوت
مخنوك
« يولي بالقران تخبلت من
جاب طاريج ،،،،،وكمت اشوف
دم بعيوني،،،،
سكتت وهو باسني من راسي
وكمل
« لاتزعلين عليه بداعه شمه
وخرت وحجيت كوه
« قهرتني من كمت تصيح
عليه وتغلط كدام اهلي
« ولج بالقران فلا ادري
بروحي شحجيت
« اييي وبالسياره هم ماتدري
ابتسمت وجاوبتها واني عاصرها
قوي بحظني
« لااا ادري وجنت اريد
اضوجج
واحجيج عبن ساكته
مثل الگنبره،،،،وماادحكين
عليه
ابتسمت وجاوبته واني العب
بدشاشته
« الگنبره ماتسكت وبس تصوصي
وانته مايفيد بيك
غير هيج
« تره انتي هم ماقصرتي
من كلتي عليه مااريد اشوف هيج
شكول
سكتت وهوو كمل بضحك
« لج الله عليج هاي الشكول
موو حلوه
« لااا
« ولج كولي اي حتى
اراضيج
« خليها الك مااريد
«هههه موزين تكتلني
يولي
ابتسمت وعيوني راحت
للغمازات
دنكت وعضيتهن منها
وحجيت بصوت
يرجف
« يولي شكثر احبج،،،
« واني هم مخبل
ابتسمت من حجت هيج
وجاوبتها
« مخبلج بيج وخطيتي بركبتج
ليوم الدين
،،،،،،،،
المفروض الصار انتهى
وكلمن كعد وسكت،،،،بس
لااا اسامه جان ضام شي بگلبه
وجان يريد شي جبير
وره اسبوع تفاجأنه بنص الليل
احنا نايمين بقوه
اقتحمت بيتنا ،،،
جنت نايمه بحظنه ومااشوف
الا الباب يتكسر علينا
ويطبون اربعه مثلمين
عطت ولفيت روحي،بالجرجف
وهم اجوي
رأسن بدون اي كلام،،، علي
من كام يصيح عليهم ويغلط
وكاموا يضربون بي،،،،
من اخذوا من يمي هو
كام يغلط ويتلاوه وياهم
تخبلت وطلعت وراه
بدون حجاب
واني اعيط واصيح
باسمه
وهو جان مجتف ويصيح
« طبي جووه ولج استري
روحج، ،،ولكم كووايد
شلون اطبون هيج علينا،،
حجه هيج واجته ضربه
على راسه
بجعب الرشاشه
« الله يضربك الله لايفوتها
بيك
صحت وردت املخه بس واحد
اجه ودفعني وصاح بعذاب
من اجه ديريد يحجي
وياهم
« طبووو جوه
« ولكم وين ماخذي اخوه نقيب
ولكم ابني بالجيش
عمه كامت تصيح وادك على
وجهها وبلحظه اخذوا
وخلونا نلطم على وجهنا،،،،
اني فقدت وكعدت بالهول واني
اصيح وارؤى،جابت عبايه
ولفتني بيها
« جهازي ولكم وينه جيبووا
خررب
ارؤى راح تركض
وجابته وكامت
تسكت بالجهال الي كعدت
مرعوبه وتصايح
عناد بس جاوب عذاب حجه
بسرعه
«الووو عناد ولك قوه اجتي
واخذت ذيب من يمنا
مدري،،،،شلابسين
اووكف،،،،،
لابسين
اسود ومكتوب استخبارات
عذاب طلع وهو يحجي بعصبيه
واجه وره دقائق
وكال
« عناد راح يشوف شنوو
الموضوع
« اووف يمه سوووده بوجهج عليه
اخذوا ابنج منج وضربوا
چدام عيونج
« ذيب اووويلي يمه الحكيني
راح امووت
كمت انوح وابجي،،،،
ومنظره شلون جروا من يمي
وهم يضربوا خلاني اصيح
والطم
« سوووده بوجهج بان شراح
يسون بي
عبير طبت هي وفيصل
وصاحت
« شكوو شصاير ،،،ومنوو
ذوله
« ولللج عبير اخذو ذيب
« لييييش،
« مدري يمه ولكم عقلي
راح يوكف
شكوو اخذوا وليش فلشوا
بيتنا علينا
عمه
سكتت وكامت تضرب على وجهها
وكملت
«يايمه ياعناد وينك تعال
اخوك اخذوا وهم
يضربون بي
« اووف يمه وينج
وصحت وكمت اضرب على
رجلي وماسكتت ،،،،،
للصبح التموا يمنا خوالي وولدهم
عناد اجه وافتهمنا منه
ذيب مخبر علي واحد ابغداد ويم
الاستخبارات وتهامه هو يتاجر
بالسلاح
« ولك يابه ياسلاح هذا
الي يتاجر
بي ومنو هذا الچلب
الي خبر علي
« مدري عم جاسم ،،،خابرت ربعي
وكالوا الشغله جبيره واخوك من
قاومهم وغلط عليهم
خلوا براسهم
«يبووو سوده بوجهج
عليه يعنييي شنوو اخووك راح
من ايدينا
« كولي الله يمه اني طالع
بعد شويه لبغداد ورايح لواحد
عرف خلي اشوفه بلكي
يكدر يتحرك
« عناد هم مالكوا شي يمنا
شلون بعد يتاجر بالسلاح
عذاب حجه واني جاوبته
وبالي يم اخويه
« يول هو بس واحد خبر عليه
هاهي راح يدخل تحقيق
والله ال
سكتت وبلعتها وكمت لحيلي
وگلبي واجعني على اخويه
طلعت وعذاب لحكني
وحجه
«عناد احجيلي عبالك الشغله
جبيره
« يول اخوك راح ينرفع تحقيق
وانته تعرف التحقيق بهيج
شغلات شلون يتعاملون
وياهم
عذاب سكت،،،،ودنك راسه
وبعدين حجه بعيون مغوركه
« انته ماتكدر تسوي شي
« هسه اني شكوو جاي غير
حتى ارووح عليه واتلاحكه
جاوبته بعصبيه وتمشيت
ليچدام وحجيت بصياح
واني اعض بايدي
« اااخ يابه لو اعرف منو
السواها
بي بالقران فلا ارحمه
وبيته ادگه مثل مااخويه
ضربوا چدامكم
« عناد خاف هذا اسامه
الي بلغ علي
سكتت وهزيت راسي وجاوبته
« هينه خلي اشوف سالفه
ذيب واطلعه منها وبعدين ادور
وره الخبر علي
،،،،،،
بس اخذوني غطوا راسي
والضربته كام يضرب
بي كل مشوار،،،،برجلي
جنت مااسكت اله وارد الغلط
بنفسه وهو تخبل،،،وجم مره
دفرني بصفحتي
وماعافني الا صاح بي ضابط
نزلت ورأسن ذبوني بغرفه
لوحدي،،،،
تخبلت وعقلي ظل يودي
ويجيب وسالت نفسي اكثر
من مره
ليش اخذوني وشنوو السبب
وشلون طبواا علينا هيج
وبان هسه شحالها وشصار بيها
هي وامي
مر وقت طويل واني هاي حالتي
وبعدين اجوي اثنين
اخذوني للغرفه بيها ضباط
اثنين وكاموا يسالون بيه
ويهددون،،،
تفاجأت من كالوا انته اتاجر بالسلاح
ورفضت هاي التهمه وكتلهم
اخوي نقيب بالجيش،،،
شلون اسوي هيج، ،،
واحنا ناس فلح مالنا شغل بهيج
سوالف
وهم طلعوا يعرفون،،،كلشي
عنا
الجان يحجوه ويأكدون عليه
رفضته ولا فاد تهديد ولا تعذيب
وظليت على چلمتي،،،،
،،،،،،،
اسبوع وذيب مابين وعناد
يركض منا ومنا وماخله احد ومراح
عليه او خابره حتى يتوسط
اله،،،،
وباليوم العاشر اني كاعده
بغرفتي وابجي،،،،
وشمه يمي
جهازي دگ ومن شفت رقم
غريب فتحته،،،،واني اكول
بلكي ذيب گدر يخابر،،،
« الو
سمعت صوت واحد ذب حسره
وكال
«واخيرا سمعت الصوت الي
جنت مشتاگ اله بموت
عرفته اسامه. وتفاجأت بي
وسديت الخط
رأسن
دك مره واثنين وماجاوبته
وكلت هذا منين جاب رقمي
توني اريد انطي حظر ورساله
اجتني منه فتحتها وقريتها
وانصدمت بالمكتوب
« يولي افتحي الخط
اذا تريدين ذيبج يطلع من
السجن
جهازي رجف بايدي هو والجسم
والشفه وگلبي راد يوكف من الخوف
دك وفتحته وهو حجه
« اسمعيني زين يولي
انتي بايديج تگدرين تطلعين
ابن خالج العربي من السجن
« العربي يسواك ويسوه
راسك ياسافل
« مقبوله منج يبنت العم وراح
اعديها بمزاجي بس هلمره
« ولك انته شنوو من بشر
ماتخاف الله اذيتني ودمرتني
ومكفاك السويته
اجيتي هسه على رجلي
وذبيت بتهمه جذب بجذب
« يطلع اذا انتي عفتي
فكيت عيوني بصدمه
واني مو مستوعبه كلامه،
وحجيت بصوت كوه طلع
«شنووو
« يطلع بان اذا انتي تطلكتي منه
وصرتي اليه
« ولك اني شلون فكرت بيوم
احبك وافكر بيك تصير
زوج الي،،،،،، شلووون
وانته يوم على يوم تثبت
الي انته واحد اي غيره وشرف
ماعنده
« ااانجبي ولج تره سكتلج
چثير
« ااانته انجب ولك سااقط
جاي تساومني اعوف ذيب
واخذك الك اااانته،،،
على صياحي عمه وارؤى اجني
« شكوو شبيج نويره
« ولك بالقران هسه الا اخابر
عناد واخلي يسحلك
من بيتك ياعااار
اذا انته رجال ابقه بي
ولاتنهزم
« خلي يجي يولي حتى يصيرون
اثنين موو واحد
حجه هيج وسد الخط
وخلاني اغلط غلط عمري
ماحاجيته
« ولج يمه فهمينا شصاير
ومنو هذا الي دتحجين ويا
كعدت ولطمت على وجهي
واني اصيح
« اااسامه عمه ابن عمي هو
الي مخبر على ذيب
عمه انصدمت وارؤى حجت
« كالها عذاب وطلعت صدگ
« الله لاينطي،،،،،حسبي الله
علي وينك ياعلي الهادي
وينك يالعباس اريدكم
ماتفوتها بي،،،،
اريد حوبه وليدي تطلع
بي اليوم قبل باجر
عمه حجت هيج وهي
فاتحه زيجها
وتبجي بحرگه گلب
ومانشوفها الا تخربطت
ووكعت بالكاع
انخبصنا وارؤئ خابرت
عذاب،،،،واني بسرعه
خليت حبايه الضغط بحلكها
وكنت افرگ بگلبها
دقائق ووعت لروحها،،،،،وكعدت
وهي تبجي وتنوح على ذيب
عذاب من اجه وسمع الكلام
خابر عناد الي كله
اسكتوا هسه سويت واسطه
لذيب ويرادلها صبر،،،،،
اني بعدين اعرف شغلي ويا،،،،
وخلي بان بعد اذا خابر هذا العار
خلي تسجل كلامه
واسامه بعد ماخابر واهلي من
دروا ابويه،،،،، تخبل وراح هجم
بيت عمي على راسهم،،،،،هو
واحمد والادبسسز هدد اخويه
بنفس مصير ذيب هيج
عيني عينك
عناد سكت الكل وكال
مو بمصلحه
ذيب تكبر السالفه اكعدوا
واسكتوا وخلوني اعرف اتصرف
ويوم وره يوم انتظره يطب من
الباب وماكو وكمت اسمع
من عمه كلام يقهرني
على انتي السبب وكله من وراج
ابني راح،،،،وجنت اسمع
وابلع عبن اعرفها مو من
كل گلبها
وجنت من اشوفها تخلي
شمه بحظنها وتحجي وياها
وتسال على ابوها
وهي تبجي وتنوح انهزم
لغرفتي وهناك اطلع قهر گلبي
ببجي قوي،،،،،واني ادعي
على اسامه
اهلي كم مره اجوي،،،،بس ابويه
مكدر يشوف وجهه لخوالي
من وره عمله اسامه
روحي خلصت وضعفت
كلش
والوجهه راح وصار اصفر
وكرهت كلشي حتى بنتي
وكمت ادعي علي روحي عبن
اني السبب بالي ديصير
بذيب،،
ومن طول كمت كول
خلي اوافق
على طلب اسامه
حتى ذيب يطلع، ،،،،مره
ومرتين
ردت اخابره وارجع واكول
لاااا راح اذبح ذيب اذا سويت
هيج واني ويا،،،،،،،،،،
روحي فرفحت وكمت مااعرف
شلون افكر او اتصرف وعصبيتي
زادت وكمت مااتحمل حجايه
والكل جان عاذرني،،،،، وعبير
ماعافتني رغم هي جانت بشهرها
ست اشهر مرن،،،،،على غياب
ذيب وبليل اني بالغرفه،،،
سمعت هوسه بره،،،،
طلعت بسرعه،،وسمعت
عذاب يصيح
« ولكم ذيب جاي عناد جايبه
وجاي
رجلي بادن ولزمت الحايط
وحجيت كوه
« صدگ عذاب صدگ ذيب
جاي
« ايي يولي جاي الغالي
كعدت رأسن بالكاع وطگيتها
ببجيه قويه وارؤى اجتي
وكامت تبوس بيه وعمه
صاحت بصوت مخنوك
« يمه وليدي جاي وراح
اكحل عيوني بشوفته
الكل التم يمنا،،،،من سمع
بي جاي واول ماطبت سياره عناد
كلها راحت علي،،،اني ظليت
واكفه وشايله شمه ،،،،
واريد بس اشوفه
نزل وشفته وجان مووو هو
ضعفان وصافي النص
والشعر شطوله هو واللحيه
نزلت وعذاب اول واحد تلاكني
وحظني وكام يبجي ووراه
عمامي،،،،وامي من اجتي
حظنتها وبست راسها،،،
« الحمد لله على السلامه يمه
اخذت گلبي من اخذوك
جنت تعبان ومابي حيل احجي
هزيت راسي وعيوني راحت
لبان وشمه،،،،دعيوني غوركت
ومن اجتي اخذتها لحظني هي
وبنتي
ماكو حجي والحظن جان يحجي
ويكول شسوه بيه فراگك
بجيت بحظنه وهو حسيت كوه
مصيطر على روحه
« طب جوه يابه وارتاح
مشه وهو كايدني،،،،واخذ
شمه مني،،،، وكام يبوس بيها
وهو اول ماطب كال
اريد اغسل،،،،
« ايي هسه
رحت بسرعه جبتله هدوم ومنشفه
وورحت للحمام علكتهن
وهو طب
« اجي وياك
« لاااا
نبره صوته خلتني اصفن
علي وهو حجه بتعب
« اني اغسل
جاوبتها وطبيت،،،،،نزعت هدومي
الجانت يابسه عليه من الوصخ
والعرگ وذبيتهن،،،، بالسله
فتحت المي وكاسرته
وكفت جواه
وغمضت عيوني،،،،
وكمت اتخيل الصار بي
بهل چم شهر
خليت ايدي على الحايط،،،،،
وسندت روحي
من شفت جسمي رجف،،،،،
فتحت
ودحگت لجروح ايدي
وصدري،،،،،،،،،
ورجعت راسي ليوره
واني اريد انسه الشفته هناك
بالسجن شفت ،،،، اشكال والوان
وهناك الواحد اذا مايصير كوي
وعينه صلفه بضيع حگ
وتاكله الواويه
جم عرگه صارت،،،،وجنت
بنصها اضرب وانضرب،،،،،
مووت شفته بعيوني،،،،چم
مره،،،،،ومن ظليت مصمم
على چلمتي، ،،،،
واصريت عليها جذب وهاي
دعوه كيديه،،،،
عافوني،،،،،بس ظليت
بالسجن ست اشهر يله طلعوني
وبواسطه من واحد
يعرفه عناد ،،،،،،
ظليت يم الباب مال الحمام
وعيوني علي،،،ومن طلع
مشيت ويا للغرفه
طبيت وراه وسديت الباب
ورحت رأسن حظنته بقوه
« ااخ
صاح واني فزيت ووخرت
وحجيت بقلق
« شبيك ذيب
« ضلعي يوجعني
« خلي اشووفه
« لااااا عوفي
« ذيب خلي اشوفه خاف
مكسور
مديت ايدي وهو دفعها
وصاح
« كتلج عوووفي لاتلحين
سكتت وهو غمض عيونه بقوه
ومسح وجهه وحجه وره
لحظه
« اريد انام تعبان
هزيت راسي وهو راح تمدد
بس بصعوبه وجان وجهه
يتألم
« ماتريد عشه
« ماااشتهي، ،،،
رحت ليمه وحجيت بهدؤ
« گلبي اكل شي حتى انطيك
شي يهود الوجع
« انطي الدوه. وخليني
انهمد
صفنت علي وعيوني مغوركه
ووكمت من يمه ورحت
جبت مي
« هااا يمه شلونه
رأسن بجيت وحجيت بغصه
« ماادري شبي،،،،واحسه
متاذي كلش،بس ماديحجي
« خلي اروح اشوفه
هزيت راسي باي ،،،وهي راحت
اله وهي شايله شمه
اخذت المي ورجعت لغرفتي
طبيت ولكيتها كاعده يمه
وتقره على راسه ،،،،،،،،وشمه
متمدده يمه،،،،،وهو
مغمض عيونه،،،،،،
دقائق وشفته غفى ،،،،
شلت شمه النامت هم
وخليتها بفراشها،،،،وعمه طلعت
وهي توصيني علي
بدلت هدومي،،،،ورحت
تمددت يمه تقربت بهدؤ
وبسته من جتفه وكمت ابجي
من فرحتي بي،،،،،
مجنت مصدگه هو رجع
ونايم يمي،،،،وظليت كاعده
وصافنه علي،،،
ومن اندار وره ساعات صاح
بصوت مكتوم
« اااخ
« اسم الله عليك يگلبي
اخذت النفس كوه
من فتحت عيوني شفت
بان رمشت اكثر من مره وفزيت
وصحت واني فاك عيوني
« ااااانتي شجابج
اهنا
وضعه وشكله خلوني الزمه
من صدره واحجي بسرعه
« ذيب احنا بيتنا انته طلعت
من السجن
وكعت ليوره ،،،،وغمضت عيوني
براحه وبعدين فتحتهن
« خلي اشوف ضلعك
شبي
« عووفي
« ذيب لخاطري خلي اشوفه
سكتت وهي مدت ايدها
ووخرت الفانيله،،،،،ومن شافت
الاثار صفنت عليهن وكامت
تبجي،،،،،
« حسبي الله ،،،،الله يطلعها
بكل سوه بيك هيج
حجيت بقهر وهو لزم هدومه
ونزلها ورجع تمدد
شمه كعدت واني كمت عليها
اخذتها وكعدت يمه
وكمت ارضعها وعيوني علي
فتحت عيوني من حسيت
بنظراتها،،،،،، وشفتها ادحگ
عليه بعيون مغورگه وترضع
بشمه،،،،
درت روحي كوه ولزمت خصله
من شعرها وشميتها بنفس
طويل
ابتسمت من سوه هيج
وهوو حجه
« رضعيها ومن تنام تعالي بحظني
مشتاگ الج
هزيت راسي باي وبس نامت
شمه رأسن خليتها بفراشها
ورجعت اله نمت وجهي بوجهه
تقربت وبسته من خده اخذت
ايده وخليتها على خصري
وحجيت
« نام گليبي وارتاح
ماحجيت شي وغمضت عيوني
ورأسن نمت
،،،،
عبير من جان ذيب بالسجن
جابت ولد وسموا عبد الحميد
وبسومه بنوته ومروة ولد،،،،،
وي الايام ذيب رجع وزنه،،،،
وصحته تحسنت
بس بقت الفزه الي تكعده
بنص الليل. ،،،،،،،،،،وهو يتنفس
بقوه ،،،،،،،وجسمه كله عركان
وهاي الحاله هم راحت منه
وي الوكت،،،
هو ،،،،من طلع من السجن
ماتقربلي،،،،،وجنت اشوفه
يصفن ويروح
بغير عالم،،،،وجنت اكول اكيد
يفكر بالصار بي
عناد اكد علينا كلنا مانحجي
وانكول اسامه وره هاي السالفه
حتى ذيب لايتهور ويسوي شي
احنا خايفين منا كلنا
،،،،
بيوم بليل حسيت بي
كام يتلمس بجسمي،،،،،وبعدين
حسيت بثگل جسمه فوكايه
عضيت شفتي من حسيت
بحراره جسمه فوك جسمي
فتحت عيوني،،،،وشفت
عيونه الذبلانه،،،ونظراته
الي اهيم بيهن ،،،،
« مشتاگ
ابتسمت اله وقربت شفتي
وهو راسن جرها بقوه
بذيج الليله مانمنا من الشوگ
الي بگلبنا وجنا عبالك عرايس
جنت اغفى واكعد على
بوساته ولمساته الي جانت
تخليني،،،،، اهذي باسمه
بصوت جان يكتمه بشفايفه
دمار جان وشوگه طلعه بخبال
دمرني ،،،،
جنت فرحانه بي
بس بخوف من
اسامه لا هم يرجع يسويله
شي
بس عناد طمنا وره فتره
من كال
الدعوه مالته رجعت علي،،،،
وطلبوا للتحقيق عبن ذيب ماطلع
عنده شي وخلي يطلع روحه
اذا بي خير
حفر ووكع بحفرته وعباله
من هددني
راح اعوفه لذيب واروح
لحظن
وره اربع اشهر عرفت بروحي
حامل رغم اني ارضع شمه
وعمتي ،،،،،،كالت يصير يمه
اني فرحت وهي هم وذيب من
سمع ضحك وكال
« خلي نفكر بغير اسم لابنا
لان عناد سمه على ابويه
ابتسمت وبست ايده
وجاوبته
« وشمدريك ولد
صفنت على الوجهه الي
اموت علي وجاوبتها
« ادري يولي بيج ولد وهسه
تشوفين
« هههه سونار بشري
« عجل يابه
« ههههه
« ولج لاتضحكين هيج مو وريتني
ور
« دومك معطب ومحترك
« ااوف يابه العنده مثلج
يرادله گلبين
« لييش،يمه
« حتى يشبع منج يولي وماينهد
حيله
« ههههه يمه منك
« اضحكي واشعليهم ،،،وهااا
حبلتي وهم لازم واحد يديرباله
عليج
رفعت تك حاجب وسالته
« كووول والله
ابتسمت وجاوبتها
« حرام اجذب
« هههههه
« تعالي يولي انتي مو مال
واحد يداريج
حجيت وصرت فوكاها
وهي صاحت
« عووفني شمه كاعده
« لاتجذبين حرام شمامه
نايمه
سكتت واني خربانه
ضحك وهو دنك وفرك لحيته
بخدي وعضه
وحجه
« ولج للموت اظل احبج
والنفس هذا بس الج يصعد
وينزل
حب جبير والاكبر هو ذيب
الي جنت اشوف بي ابويه واخويه
وواهلي كلهم من وره حنيته
وخوفه عليه،،،،
،،،،،،
الى اين تمضي بنا الايام
لطريق مفتوح،،،
ام ستقف
بنا في،،،،،، مفترق مسدود
وهل ،، ،،،سنبقى هكذا ام
ان السبل سوف تتقطع
بنا ونفترق،،،،،
لماذا كلما نظرت لك
يراودني
حلم انك سوف ترحل
هل مااشعر به اضغاث احلام
ام خوفا غير مبرر
يِّتّبِعٌ
اوتار حزينه
أنت تقرأ
الأنين الصامت
Romance#الأنين-الصامت انا بنت ،،،تقدم بها العمر بأرق يعبئ العيون والأفئدة وأنينُ قلب يأن في صمت ولا يشعر به أحد،أحاسيس لا تكتب ولا توصف لان وجعها فاق الحدود والعقل،،،، زهره،،ورده،،،نجمه،،،بنت عدت سنين عمرها،،،،،وهي تحلم بثوب ابيض،،،،،، السنين مضت ،،،،ورف...
