#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّنِيِّ عٌشٍر
،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
ايام طويله
مرت،،،،،على الصار بينا اني
وميسر
ومن وراه كمت
اتجنبه وهو هم،،،،
كلامي ويا ماجاب نتيجه،،،،،
ولا تحرگ،،،،وعرفت ابن عمي
مامن فايده وحبي اله
وانتظاري اله جان اكبر غلطه
سويتها
بحياتي،،،،،،
الصار ضميته عن الكل،،،وعشت
بحزني لوحدي،،،وخليت قهري
بگلبي،،،،،،
وجان الليل شاهد على دموعي
وحسره گلبي،،،،
وهو ابتعد وكام مايجي،،،لبيتنا
مثل الاول،،،
بيوم من كملت شغلي،،،طلعت ،،،
اتمشه بالزرع وادحگ لبيتهم
من بعيد
واكو غصه بالگلب خلت دموعي
تنزل رغم عني
جنت اشتغل وي عمه بالمطبخ
ومن شفت مروة تأخرت
بالرجعه حجيت
« عمه مروه تاخرت اروح
اساعدها خطيه
« روحي يمه
عفت عمتي بالمطبخ
وتمشيت للدامه
قبل لا اوصل الها شفتها
واكفه وادحگ لبيت عمي
جاسم
ذبيت حسره من گلبي وصفنت
عليها من بعيد وبعدين حجيت
« خايبه لاتعبين روحج هذا مامنه
فايده دماغه ثكيل واستلامه
ضعيف مثل العندي
اطرم
وكاضيها بس يتحارش بكلامه
وعيوونه
سكتت وكملت بضوجه واني
اشر بأيدي وي روحي
« اي ليش لااا ولد العم بعد وواحد
ساحب من الخ وسالب مو موجب
وداعتج
« شبيج يولي تحجين وي روحج
وتاشرين بايدج
فزيت من شفت ذيب بصفي
« هااا لا ماكو شي،،،
صفنت على بان شلون ارتبكت
ودارت راسها بسرعه،،،وبعدين
صحت اختي
« مروة تعالي جاي،،،،،،
اندارت من سمعت صوت اخوها
واجتي تمشي النا
« هااا ذيب
« تعالي يولي وياي حتى نشوف
الطحين السيال،،،ياهو
حتى اخذه وابدله بطحين
خباز
مروة هزت راسها ومشت وهي مدنگه
واني انتبهت لعيونها وعرفتها
جانت تبجي،،،
« اووف
انداريت من سمعتها كالت اووف
ودحگت عليها وهي دارت وجهها
وماادري شحجت وي روحها
تمشيت وياهم للمخزن،،،طبينا
وهو سالها
« ياطحين المايخبز
« هذا ذيب ،،،،
اشرت على نص كيس وهو شاله
وراح خلاه بالسياره ورجع
« وهذا هم
مروه اشرت علي،،،من
شفته كيس كامل،،،وهو راد
يشيله حجيت بسرعه وبدون وعي
«ذيب لاتشيله وحدك موزين
عليك خلل
سكتت من شفته ابتسم،،،وصفن
عليه بنظرات خلتني اخجل
وارتبك
« لاتخافين عليه يولي تره انتي
ماخذه زلمه عوده گوي
جاوبتها وهي ظلت مدنگه،،،
ومبين عليها الخجل
« يالله
عيوني تتبعته،،،شلون شاله
بسهوله وراح للسياره
« خلي انظف المكان قبل لايجيب
الطحين الزين
مروة حجت وكامت تلم بگواني
الطحين الفارغ
مديت ايدي وياها،،،،شلت وحده
وصفطتها،،،والخ وراها وكمنا نشيل بالطحين القليل ونفرغه بكيس
بي للنص
« ههه شوفي روحج شصار بيج
جنج فاره طامسه بالطحين
« خخخ وانتي هم وياي مو بس
اني
حجيت هيج وذيب
صاح
« مررروة امي تريدج
« اي جايه
«روحي ماظل شي،،،اني هسه
انظف المخزن واجي وراج
مروه هزت راسها وراحت،،،
كملت الطحين،،،،ووراه كمت اكنس
بالكاع شفت كونيه وره الكيس
مديت ايدي اريد اطلعها ومااحس
الا بفاره كمزت على ايدي
وخلتني اعيط،،،
« يمممممه
« شبيج يولي
« يمه فااااره كمزت على ايدي
صحت ووكفت وره ذيب من
طب بسرعه
وگلبي،،،،،،،يدگ الف دگه
بالدقيقه وامسح بايدي،،،
« هناااك ختلت اكتلها،،،،،
حجيت هيج وطلعت بسرعه
حركت الكيس واني خربان ضحك
على هاي التخبلت من وره فاره
جانت خاتله بالزوايه،،،ضربتها
بشحاطتي ورأسن ماتت
صفنت عليها وضحكت وي روحي
وكلت خلي اخبث شويه
شلتها من ذيلها،،،،
وطلعت
جنت واكفه بره،،،،ومن طلع
ذيب وهو شايل الفاره من ذيلها
صحت بلعبان نفس
« اوووي ذبها يمعود
ماذبها وظل جاي عليه وبعيونه
خبث وخلاني اتوسل وارجع
ليوره
« ذيب ذبها عفيه تره اخاف منها
والله
جنت احجي وارجع ليوره
من شاف خوفي ضحك بصوت
وكال
« هههه واخيرا لكيت شي تخافين
منه
« بروح ابوك ذبها تره گلبي
راح يوكف من الخوف
حجيت بتوسل، ،،وهو وكف
وشمرها من ايده،، ،واجه عليه
وهو يحجي،،،
« ولج شكو خايفه منها
هي فاره
سكتت من صار قريب كلش
وحجه ونفسه الحار من ضرب
وجهي خلاني اموع بمكاني
« وجهج كله طحين،،،
مديت ايدي لاشعوريا لخدها،،،
وهي ابتعدت وصاحت
« لاتلزمني،،،
عگدت حواجبي، ،،وهي كملت
باارتباك
« ايدك تلوثت بالفاره روح
غسل
ابتسمت،،،وهي مشت
من يمي ،،،
طبيت للبيت بسرعه ورحت
للغرفتي،،،، وگلبي يدگ بجنون
اخذت هدوم ،،،،،واني مرتبكه
واحس بگلبي يدگ طبول مو طبل
واحد ،،،
كبل طبيت للحمام سبحت
واني اردد
« بالقران ،،،،لو لازمني الا اخرط
الاول والتالي،،،،واموعن بايده
واذوب
سكتت وعقلي صار مخرج
وسوه فلم رومنسي،،،خلاني ابتسم
ببلاهه
بوسه وحظنه ومن انحرفت
هزيت راسي جوه المي
وحجيت بخجل
«عاااا لو بايسني،،،،الا
اكوله هل من مزيد،،،،،
وذيج الساعه اني الي انسحل
مو هووو
قهري طلعته من لزمت الليفه
وكمت افرگ بجسمي بقوه،،
فتحت الدوش ومن نزل المي البارد
صحت بفزه
« ااااشه
كاسرته وحجيت بضحك
« يله جنت محتاجه هاي البرودة
حتى اصحى من الفلم
مالتي
سكتت وكملت بضحك
« وشلون فلم كله حظن وبوسات
لميت شفتي وكمت امطك بصوت
بالحمام واني خربانه ضحك
« ههههه عيب ولج بانه
تره انحرفتي،،،ورحتي على السايد
الغلط
هزيت راسي بلااا
وكملت واني غاصه بالضحك
« هاي كلها. تفكر مثلي لو بس اني
افكاري منحرفه
خخخخ،،،، خلي اطلع قبل
لااتخبل ،،،،،ويتلبسني جن
عاشگ
،،،،،،
طلعت من الحمام ورحت،،،للغرفه
وشفته يم الكنتور
افكاري الجانت براسي
خلتني ادنگ،،،واني احس
بخدودي صايرات نار
« وين دشاشتي الرصاصي،،،
ااا
سكتت من شفت وجهه بان
الصاير احمر دم
وعيوني نزلت لركبتها ولصدرها
بلعت ريكي كوه درت وجهي
وكملت واني خال راسي
بالكنتور
« وينها صارلي ساعه ادور
عليها
مشيت للكنتور،،،وهو وخر
بس ظل قريب عليه
وخرت الهدوم المعلگه وطلعتها
اله،،،
« هيانها،،،،رايد شي بعد
سكتت من رفعت راسها،،،،الي
وضعت بهل الوجهه الحلو
ردت استند علي شي من الخربطه
الصارت بجسمي
خليت ايدي بدون شعور على
باب الكنتور ونسيت هو مفتوح
ومااحس غير طب ووكع
بالكنتور
« الله ،،،،،
صحت ومديت ايدي اله بس هو
كام بفزه وهو يمسح بشعره
ويحجي بارتباك ويضحك
بفشله
« نسيت الباب مفتوح
« هههه شحصلت بله
ضحگت والغمزات طلعت
وشعلتها
لصفحتي وخلتني هم اسكت
واصفن واحجي بدون وعي
« ااخ ولكم عطبت واحتركت
تعالوا طفوني
حسيت ،،،،،على روحي شحجيت
من شفتها ابتسمت
اخذت هدومي بسرعه ورحت
للحمام ،،،،
،،،،،،،،،،،
بليل من راحو الولد يتعللون يم
بيت خالي جاسم
اخذت حب من غرفتي،،،
ورحت ليم مروة،،،،طبيت لغرفتها
وشفتها كاعده وصافنه،،،
« هلو مروشه
« هلا نويره ،،،،
حجت بدون نفس واني كعدت يمها
وحجيت
« شبيج يولي تردين السلام
من كفه خشمج
سكتت وظلت تعدل بالجرجف
مالتها وهي مدنگه،،،
« مروة شبيج صارلج فتره مو
على بعضج
رفعت راسها الي ومن شفتها
كامت تبجي عدلت كعدتي
وسالتها
« لااا الشغله عبالك جبيره
ااحجي ولج وكعتي گلبي
مروه شهكت بالبجي وخلت ايدها
على وجهها
« هذا البجي من وره ميسر موو
هزت راسها،،،،ورفعته وحجت
وهي تشهگ
« اكوو غيره يبجي عيوني
حجت هيج وشهكت وكملت وهي
تضرب على رجليها
« ولج اااخ من گلبي الفضحني يمه
اااخ لو ميته بذاك اليوم هوايه
احسنلي
عكدت حواجبي وحجيت بسرعه
« ولج شصاير ماتحجين
سكتت وظلت تبجي،،،وبعدين
حجت الصار بينها وبين ميسر
جنت اسمع واني فاگه عيوني،،
ومتفاجأه بيها عبن اعرفها،،،،،،،
فقيره وماعدها هاي السوالف،،،،،
«ولج ماحس ولا حجه شي،،،
سكت ميسر سكت،،،،وهذا
يعني
سكتت وظليت ادحك عليها
شلون تحجي بقهر وحرگه گلب
وهي كملت
« يعني مايريدني،،،،وكالها
من سكتوماتحرگ كال
غسلي ايدج مني،،،،،اني مااريدج
حجت هيج وانهارت بالبجي،،،
وكامت،،،،،،،،، تضرب بروحها
لزمتها وهي حظنتني بقوه
وهي تشهك بصوت
دموعي نزلت وياها
ووجع اسامه الي مانسيته،،،
تجدد بگلبي رغم القصه مختلفه
بس حسيت بروحي مثل
مروه لان حبنا جان من
طرف واحد
« اااخ يمه لو ميته بذاك اليوم
ولا حاجيه الي بگلبي،،،،
سكتت وخليتها تحجي الي بگلبها،،،
واطلعه وهي ظلت تحجي
وتلوم بروحها الما هدأت،،،،
وخرت مني،،،،،وهي تمسح بدموعها
واني حجيت
« اني مراح الومج لان حجيتي
الي بگلبج لميسر،،،،لان هذا
الشي صار بعفويه عبن
انتي تحبي
ومكدرتي تضمين حبج اله
بعد اكثر ،،،،،،،وهو من
ماتحرگ،،،،صدگي هو الخسرج
مو انتي لان مستحيل راح
يلكي وحده تحبه مثلج،،،
شهكت بالبجي ،،،،وظلت ساكته
واني كملت
« صدگي راح يجي يوم
ويتندم ندم يخلي يعض
ايده لان خلاج تروحين من ايده
حجيت هيج،،وهي هزت راسها
واني كمت من يمها وكتلها
« نامي وارتاحي وطبقي
المثل المايريدني مااريده،،،
« ايي
جاوبتني واني بستها
وطلعت من يمها،،،،
تمشيت لغرفتي طبيت،،شغلت
التلفزيون
وكعدت على الجربايه،،،
كلام مروة ظليت اعيد بي
واتذكر حجي اسامه وشلون
عافني من صار بيه الحادث،،،
رفعت طرف دشاشتي،،،وصفنت
على الندوب الي،بيها
دموعي نزلت،،،،لاراديا،،،
وحجيت بغصه
« لحد هسه وجعك بگلبي لان
عفتني من تسگطت،،،،كرهتك
اسامه وكرهت روحي بعد اكثر
من حبيت واحد
نذل وماعنده شخصيه،،،،
اني داحجي وي روحي
ذيب طب رأسن،،،نزلت
الدشاشه
وهو انتبه وحجه من سد الباب
« شبيج خوما رجلج توجعج
هزيت راسي بلااااا،،،
ركزت بعيوني على بان،،،،
وتقدمت خطوه من شفتها خجلت
ودنگت راسها
« يولي خاف توجعج وماتحجين
« لا ماتوجعني
« اكيد
هزيت راسي،،،،وهو اندار
ودحگ للغرفه وحجه
« ليش مو عالگه الصوبه،،،
« هسه اعلگها ،،،
« اكعدي اني هسه اعلگها بره
وبعدين اطببها،،،،
« لا بدل وارتاح اني كايمه
اعلگها وهم حتى اسوي،،،كابتشينو
هز راسه واني
كمت ولبست حجاب اميره
ورحت علكت الصوبه بره،،،
وتمشيت للمطبخ،،،،،،
سويت كابتشينو واخذت كوب
لمروشه الي اخذته
مني من طبيت
« شلونج هسه،،،
« الحمد لله زينه،،،
« اي عفيه اريدج تدوسين على گلبج
وتنسين الحب واهله
«اي هو هم هيج،،
اني ضحكت وجاوبتها
بضحك
« ولج خايبه هي كوه
احنا،،،،،،،عبالك الحب،،،،
دافرنا برجلي من هاي
الدفره الزينه،،،،ومايريدنا لو
طمسونا بالعسل، ،،،،
ابتسمت،،،واني كمت اغني
بضحك واهز جتف
« بطلنا نعشگ ونحب وراح
نمشي بدرب الخيانه
اشرت بعيونها واني ظليت اهز
جتف واطك اصبعتين وكملت
« كل يوم نصاحب واحد
هي خربانه خربانه
« ذيب يولي
جمدت بمكاني من سمعت باسمه
ومكدرت اندار وهي
طبت لغرفتها وهي خربانه ضحك
ضليت صافنه على الباب
واني احجي ويا
« خنب حظي هذا شطلعه،،،
« راح تجين لو اجيب الباب وياج
وتكملون سوالفكم يمنا بالغرفه
انداريت،،،واني مدنگه
وحجيت بسرعه،،،،
« هسسسه اجي بس اجيب
الكابتشينو
فلتت للمطبخ، ،واني اعض بشفايفي
واغم بروحي واكول
« اااااخ منك يالساني دومك
فاضحني ،،،
صبيت واخذت الصينيه،،،
ويم الباب ترددت،،،اطب
بعدين طبيت،،،،
عيوني راحت اله رأسن،،،،
جان،،،،، كاعد على الجدوليه،،،
والصوبه بعيد شويه عنه
« تعالي ام بطلنا نعشگ
ونحب
حجه بضحك واني ابتسمت
بفشله ،،،،
اشر بايده يمه واني خليت
الصينيه على الكاع،،،،،
اخذت كوبي،،،ورحت كعدت على
الجربايه،،،،،،،وهو اخذ كوبه
وظل بمكانه
جنت اكعد وظهري الها،،بس
جنت،،،،،، اشوفها بالجامه مال
الكنتور،،، وهي مجانت تدري
وجنت اشوفها تصفن عليه
وتسوي حركات بوجهه
وماادري شتحجي
وي روحها چم مره ردت اضحك
على حركاتها،،،، الجنت اشوفها
مال اطفال واضبط
روحي كوه
تصرفاتها ،،،،وهي كلها وكلامها
جانوا على كلبي مثل العسل
وجنت احب اسمعها شلون تحشش
وتضحگ،،،،نويره دمها عسل
وتخلي الواحد رغم عنه يحبها
ويحب شوفتها،،،،،
ابتسمت من دارته على فلم هندي
وحجيت
« بس اريد افتهم شعاجبج
منهم
« قصصهم حلوه واغانيهم
تخبل
ابتسمت وكمت واني شايل كوبي
وكملت واني ادحگ الها
« يمعوده كلها مبالغه،،،وجذب
وصفناتهم تگتل الواحد
« هههه والله بهاي حقگ،،،
اني مره تابعت مسلسل وعفتها
من وره صفناتهم ،،،
« شفتي يعني اني صادگ
من كلت يبالغون
هزيت راسي،،باي وهو كعد
على الجربايه،،،،وكمل
« ماعندج حب،،،،
« اي عندي
كمت وطلعت من الجراره حافضه
جبتها وخليتها يمه
وهو طلع نستله وكام ياكل،،،
ووراها اخذ من السما واكلها،،،
اني مديت ايدي واخذت هم من السما
واكلتها وطلعت وراها كرزات
وكمنا نكرز اني ويا،،،
« اكولج هذا البطل شبي
عبالك تگ وتگ
« اييي،،،،ويحب البطله وهي
ماتحبه
« خرب حظه راح ياكل خره
فكيت عيوني وحجيت بضحك
« شلون الفاظ تخبل
ضحكت وجاوبتها بفشله،،،،
« طلعت بعد ،،
سكتت واني مبتسمه،،،
وهو تربع يمي،،،وظل يكرز ويذب
بحظنه وعيونه على الفلم
اني جنت امص الحبه واذبها
بالنفاضه وهو جان كل ساع يدير
وجهه عليه
قهري طلعته بالحب،،،من كمت
اكرطه هو والكشر،،،من وره هاي
الكاعد تمص بشفايفها الصارن حمر
من وره الملح، ،،ماادري هي
ماادري هاي،،،،، اللقطات الي
خلتني احس بحراره صعدت لراسي
طلعت جكاره وكمت ادخن،،
ومن شفت لقطه البطل يبوس
بالبطله وهي ذايبه بين ايده
فزيت من مچاني،،،وحجيت
بارتباك،،،
« اروح اغسل،،،وارجع انام
سكتت ودرت القناه من شفت
هاي اللقطه وهو طلع بسرعه
شفت سد الباب ورجعتها
واني احجي بهمس
« اووي شوفو الگهر ،،،
شلون بيه راح اصير هنديه من
وره رومانسيتهم الحلوه
بس خلصت اللقطه رحت طفيت التلفزيون واني اضحك علي روحي
وعلي ذيب الي انهزم من
هاي اللقطه
« هههه خطيه الولد خجل،،،
واني ماخجلت
اشو صايره بالعكس،،،الشغله
هههههه
ضحكت على روحي،،،ورحت
بدلت بسرعه وطبيت بالفراش
غطيت راسي وسمعته
وره دقائق طب سد الباب وطفه
الضوه وراح تمدد
« بان نايمه
« لا كاعده،،،ذيب
تريد شي
« اي اريدج تعالي بحظني
جنت اريد احجي هيج بس
سكتت وذبيت حسره
وحجيت غير شي
« باجر لاتكعدين تسويلي ريوگ
لان جمعه
« هاا اي همزين كتلي جنت
ناسيه
وخرت البطانيه من جاوبته،،،
وحجيت
« ذيب تگدر توديني لاهلي باجر
سكتت وضجت لان تريد تروح لاهلها
بس مكدرت امنعها لان صارلها چثير
مو رايحه الهم وجاوبتها
« اي حظري روحج اوديج
ونرجع سوه المغرب
« هااا مو اني اريد ابات يمهم
« لااا متباتين،،،تروحين وترجعين
وياي
ابتسمت من شفته حجه
بضوجه ورفض ابات وحجيت
بصوت ناصي
« بكيفگ،،،،
سمعتها وكملت
« بان لاتضوجين،، اني هذا
طبعي ومااحب المره تبات يم اهله
« مو ضايجه ذيب اني هم
مااعرف ليش كمت ماارتاح هناك
والا بغرفتي يله اكدر انام
گلبي رف عليها من سمع گلامها
وسكتت وهي هم سكتت
ووره وين كمت من حسيت
بيها نامت،،،،
تمشيت بهدؤ ،،،ليمها
ومن شفت جتفها طالع من دشاشتها
حجيت بهم
« اويلي يابه اليوم التمن
عليه هم حلاه وهم فلم
رومنسي وهم انتي،،،،،
شلون بيه وووين انطي وجهي
مديت ايدي الها ورجعتها بسرعه
« بالقران ،،، لو الزمج هسه
الا اااااخ سكتت وعضيت
ايدي من قهري
وكملت ،،،،
كله من وراي،،، ومن وره
هذا دماغي الثگيل ادري
شجاني وحجيت
ضربت راسي ومشيت من يمها
واني اتنفس قوي وادحگ الها
وره وين يله
هدأت رحت تمددت
بفراشي واني اذب حسرات
،،،،،،،،،،،
الصبح كعدت من وكت
حظرت الريوك للكل اني
ومروه الي جانت نفسيتها
شويه احسن،،،
تريكنا وترخصت من عمه اروح
لاهلي وهي شيلتني مخضر
ولبن وحليب وبيض لاهلي،،،
ركبت يم ذيب واني مبتسمه
وهو شغل السياره وحجه
« خوما بردانه
« لااااا،،،السياره دافيه
حجيت بابتسامه وهو صفن
عليه وبعدين ابتسم،،،وكال
« نروح هسه ونرد قبل المغرب
لاتجين وادكولين ابقى ولاادزين
احد يتوسط الج تره افشله وافشلج
ويا
هزيت راسي باي وابتسامتي
صارت اعرض،،،،
« اووف يابه اليوم مانوصل
درت وجهي واني مبتسمه لان
كمت اسمع كلام منه
مجنت اسمعه،،
وهو ساق،،،،،،،وهو يحجي
بامور عاديه،،،،،
وصلنا ومن طبيت واهلي
شافوني امي اجتي وهي تهلي
بيه من الباب
« هلا يمه كل الهلا
بوستها ووراها عبير،،،،احنا
بالكراج عمي فؤاد طلع،،،،،ووراه
ابويه،،،
من شفت انصدمت لان اعرف
ابويه واحنا مانحجي ويا من طلكني
اسامه
« شلونج بان
سلم واني رديت كوه
« هلا عمو
ماتقدمت علي ولا بوسته
ووخرت من دربه وابويه حجه
« ذيب زوج بان
« هلا يابه شلونك
عيوني راحت لذيب ،،،،
الي سلم بوجهه جامد ونظرات
كلها قسوه
ومن دحگ عليه،،،،درت وجهي
منه بسرعه
« طب يمه ليش واكف
طبينا جوه وهو من كعد حسيته
متوتر كلش وضايج من رجلي
الجان يهزها بسرعه
« شلون ام عناد والبنوات
« الحمد لله يمه تسلم عليج
« وعليكم السلام ،،،،،
ابويه طب بعد ماطلع وي عمي
وكعد يم ذيب وكام يسولف ويا
واني كمت،،،،،،، وي امي وعبير
ورحنه للمطبخ اول ماطبيت
سالتهن
« عمي شجابه عليكم
شنووو تراضى وي ابويه
« اي يمه هو اجه ووكع على ابوج
وتراضوا
سكتت وبعيوني عتب وعبير
حجت
«بانه اول وتالي يتراضون اذا
مو اليوم باجر
« اي وابويه نسى السوه بيه
نسيتوا شلون وكف وي ابنه من
عافني وره ماتسگطت
« يمه بانه همزين عافج،،،،
ولما عايفج جان
ماأخذتي تاج راسه ،،،،
سكتت واني اسمع صوت ذيب
القوي والي من يحجي يهرج
البيت بصوته
« يولي الله اخذ حقج منه،،،
وطلع حوبتج بي ومن زمان
دشوفي
شلون عايش بالمشاكل
وواصله للطلاگ
بينه وبين مرته
سكتت ومجاوبت اختي وامي
كملت
« الله يهديهم يمه خطيه جهالهم
شنو ذنبهم
« اي والله محد الضحيه غير
جهالهم
« لمي وين مااجتي
حجيت وغيرت الموضوع لان
مامن وراه غير بس وجع
للگلب والراس
« هسه تجي خابرت وكالت
بس يجي عادل اجي
هزيت راسي وكمت نزعت عباتي
ورحت علكتها بغرفتي الصارت
لعبير
ورجعت اخذت صينيه الجاي
والمعجنات من امي ووديتها لذيب
بالدوانيه
اليوم حسيته ثگيل من وره
ذيب الي شفته شلون تقيد
بتصرفاته
وشكله جان ضايج
العصر طلعنا، ،،،بعد مارفض طلب
اهلي ابات يمهم ،،،،ركبت يمه
واني احس بعد شويه ينفجر
وصدگ بس طلعنا للطريق
حجه بعصبيه
« هذا عمج الناقص شجابه
لبيتكم
«جاي يشوف ابويه
« يعني تراضوا
« اي ذيب
سكت ومن لزمه ايده للستيرن
حسيته صاير اعصاب
« اريد بس افتهم هذا ابوج
شبي وشلون تراضى ويا بعد دگته
الناقصه وياكم،،،
« الموضوع يخصه والاخ اخوه
ولازم يجي يوم ويتراضون
« وااابنه هم
سكت واني صفنت علي
من بلع الكلمه وسالته
« شنوو
« ااابنه هم تراضه وي ابوج
يعني طب لبيتكم ،،،،
عرفت سبب عصبيته ،،،،
ودرت وجهي على الجامه واني
ضايجه من هذا الحجي كله
وجاوبته
« ممكن تسد الموضوع
درت وجهي عليها وحجيت
باعصاب ترجف
« ليييش وجعج گلبج من
جبت سيرته
هنا انفجرت وبعد مااتحمل
وصحت بي
« لااااا ذيب ماوجعني گلبي
من وراه لان نسيته ومن زمان،،
نسيت وردت اعيش وياك انته
بس ااا
سكتت وكمت ابجي،،،،ودرت
وجهي
منه ووره لحظه كملت
« اانته هسه الي دتوجع گلبي
وگلبك ويا،،،،،
سكتت وظليت صافن على
الطريق
وظليت اسمعها شلون
تبجي وتشهگ وهي دايره وجهها
مني
« كافي بان،،،،
ماسكتت وظليت ابجي،،،
وهو صاح
« كافي يولي تره مداكدر اركز
على الطريق
ماسكتت وهو وكف السياره
وهو يحجي بعصبيه
« ولج والله بس اشوفهم ماادري
شيصير بيه
اتخبل وهذا عگلي يضرب،،،،
«وهسه شلون فهمني نظل هيج
سكت واني كملت بهدؤ
«ذيب مثل مااني مريت
بتجربه فاشله
انته هم مريت من تزوجت جواهر وطلگتها
سكت وصفن بعيوني واني كملت
بدموع
«اني ليش مااذكر الماضي
واحاسبك على
الصار بينك وبين جواهر
وانته كل،،،،،، فتره تسمعني
حجي على،،،، اسامه وتحاسبني
من وره كلام وبس كلام
انته سمعته،،،، من زمان
عگدت حواجبي بضوجه
من كالت
اسمه وحجيت بعصبيه
« لادكولين اسمه،،،،
صفنت بعيونه وحجيت
وي گلبي
« اوووف اذا تغار هيج
دكول احبج،،،وفضها
حجيت هيج وهو لزمني من ايدي
وسحبني علي
« ذيب
صحت وهو قرب وجهه
وجان نفسه
سريع وحجه بعيون حمر
« بان بداعه ابوج بروح ابويه
بغلاه كل غالي عليج
هذااا باس هاي الشفايف،،،
ولج بردي گلبي وكولي لااا
تره راح اتخبل
فكيت عيوني وهزيت راسي،،
بلاااا ومن لزم شفايفي
بايده دفعت ورجعت لمكاني
واني ادحك للشارع بارتباك
وخجل
« جااااوبيني يولي تره اليوم
مانوصل
« وروح خالي الغالي
ابد ماباسني،،،،سالتني مره
وجاوبتك ،،،الله يخليك
بعد لاتسالني
جاوبته وهو اندار واخذ نفس
وذبه
وره دقائق ساق السياره ،،،
الطريق كله ظلينا ساكتين،،،،
وهو جان يورث جكاره ويطفي جكاره
وصلنا للبيت نزلت وهو حجه
« اني طالع بشغله ويجوز ماارجع
على العشه
مجاوبته وطبيت للبيت،،،
سلمت وانطيت الصوغه مالت امي
لعمه ورحت لغرفتي،،،،
،،،،،،
يِّتّبِعٌ
اوتار حزينه
أنت تقرأ
الأنين الصامت
Romance#الأنين-الصامت انا بنت ،،،تقدم بها العمر بأرق يعبئ العيون والأفئدة وأنينُ قلب يأن في صمت ولا يشعر به أحد،أحاسيس لا تكتب ولا توصف لان وجعها فاق الحدود والعقل،،،، زهره،،ورده،،،نجمه،،،بنت عدت سنين عمرها،،،،،وهي تحلم بثوب ابيض،،،،،، السنين مضت ،،،،ورف...
