#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَرأّبِعٌ وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد السمعنا من الشيخ
البيت انگلب. ،،،،
وامه وخواته وامي
كعدن بالهول وهنه
يبجن علي،،،،،جان نايم وشبه
فاقد
ووعذاب،،،،،علگ يم
رقيه السحر
وعناد بس يفتر ويدخن جگاره
وره جگاره،،،،،
اني جنت ملتهيه بولدي الجانوا
يبجون ودمعتي بعيوني
على ذيب واختي والصار بيهم
امي حجت وهي مصدومه
من الشافته والسمعته
« حسبي الله على كلمن
سواها
« امين
نصوره حجت وهي تبجي
وبعدين كملت
«ولكم ،،،،،،،عقلي راح يوكف
شنوو،،،،،،سحر وشنو مشربي
لاخويه ولا وذابي بيتنا،،،،هم
«مدري والله،،اني هم
راح اتخبل من السمعته
والحجاه ميسر،،،،
مروة جاوبتها واني
حجيت
« حجيت وكلت،،،،،ذيب بي
شي ومو خالي وكلت لعناد
اخذه لشيخ،،،،تره اخوكم بي
شي مو طبيعي بس محد
سمعني،،،
« ام عناد،،،،اني هم كلت
بيهم شي،،،،بس
سكتت لان مردت اتهم احد
امي حجت وعمه جاوبتها
بحرگه گلب
« خيه،،،،،،،،،،، اني حجيت
وي عذاب وكلتوا،،،،،،
اخوكم موو هو ولا هذا طبعه،،،
ولكم يمه ،،،،،حتى الصلاه تركها
وكام مايروح لصلاه الجمعه
وليدي مو خالي ووكلها
جان ادكول
لااااا هو من سمع بسالفه
اسامه تغير،،،،،،
حجت وهي ادگ على رجليها
وبعدين كملت
« وهاي تاليها السحر مشه
بدمه والله اليستر من تاليها
« اووف يمه بان، ،،،تعالي
اسمعي ياخايبه يبنت الخايبه
ذيب طلع،،،،،،، بي سحر
وعايفج انتي وجهالج،،،،من وراه
ومن وره ناس ماتخاف الله
انهجم بيتج
امي حجت وعمه علية صاحت
وهي فاتحه زيجها
« ررربي ،،،،بجاه نبيك محمد
بجاه كلمن،،،،، عنده جاه عندك
اريد حوبه وليدي ونويره،
،،،وجهالها
تطلع بيهن بفضيحه كشره
واليوم قبل باجر
كلنا بجينا من شفنها تحجي
بحرگه گلب وبناتها سكتنها
وهي كامت كوه،،،،،ومن
لزمتها نصوره صاحت
بيها
« وخري ولج خلي اروح
اشوفه،،،،،،،،،،،شصار بي
فتح عيونه،،،،،، كام لحيله
من سوده بوجهي اذا صار
بي شي
مشت وهي تحجي وتبجي
« يمه ذيب ،،،،نيمنك بالفراش
المايخافن الله، ،،،،،
ليش ولجن لا المزوج
خلصان منجن
ولا العازب من عساجن
بنار ماتطفى
كلنا كلنا امين،،، وظلينا
بذيج الليله،،،،،،،،،،عيونه علي،
وهو مكعد للصبح،،،،،،
،،،،،،
اول مافتحت عيوني،،،،،سمعت
صوت
« ها ذيب شلونك هسه
عيوني جانت مغوشه وشفته
ابويه گلبي فگ ورأسن
جاوبته
« زين يابه
« اني عناد ،،،،،
« ابو فيصل هذا عبالك بعده
مسطور
وعيت لروحي،،،،،وعيوني،
كدرت اشوف بيهن
وميزت. اخويه عناد وعذاب يمه
واثنينهم كاعدين يمي،،،،
سندت روحي ليوره،،،،،،،،
وحجيت
« انته هم ابويه
رأسن حظني وكام يبوس بيه
هو وعذاب ،،،،
« يول شسويت بينا
شعلت غالينا شعل
عناد. حجه
ووخر ووهو يبجي،،،،،وعذاب
ويا
امي طبت واول ماشافتني
كاعد اجتي عليه مفرفحه
وحظتني،،،،،
وهي تحمد الله وتبوس بيه
وخرت وعناد حجه رأسن
« شلونك هسه وشدتحس
سكتت ولزمت صدري،،،،
وحجيت براحه
« الخنگه راحت وراسي وجعه
مو مثل الاول ،،،،،
« الحمد لله والشكر،،،،
« عناد شجان بيه ،،،
سكت ودحگ لامي ولاخويه
وبعدين حجه
« سحر يابه،،،،،والشيخ طلعه
منك بس ظل الي بالبيت
سكتت وغمضت عيوني
بتعب وهو كمل
« ذيب انته ماكل شي يم احد
شارب شي،،،
سكتت وطولت بالسكوت
وبعدين حجيت بضوجه
« مدري عناد وبس افكر
بهذا الشي راسي يكوم يوجعني
وروحي تختنگ،،،،
« عناد كووم وياي
عذاب حجه وي اخوه وكاموا
سوه،،،طلعوا وكفوا بره
وعذاب حجه
« لاتلح علي،،،وعوفه هسه
وخلينا بهذا المطمور بيتنا،،،،
تره الشيخ كال اذا مايطلع يظل
ذيب معلل
« شكوو واكفين عجل خلي
البنات يدورنه والولد هم
« اي اني كلت لنصوره وارؤى
يكلبن البيت،،،والله كريم
بلكي نلكي
هزيت راسي باي وظليت
واكف وادخن
،،،،،،،
من وره روحه امي للعلم
اخذت اجازه يومين وكعدت
يم جهالي وابويه،،،،،،
اني دافتر بالمطبخ الصبح
جهازي
دك شلته وسمعت عبير
تبجي،،،،گلبي وگع
وصحت
« ولج شبيج تبجين ،،،،،
صااير شي بيكم
ماافتهمت شي منها غير كلمه سحر
وذيب ذبه
« عبيير كلشي مدافتهم شنو
سحر وشنو ذبه
« ولج طلع ذيب مو بوعيه
ومشربي سحر،،،،والشيخ الي اجه
وحي المولود عرفه ولزمه وعزم
علي هو والويا وذبه كله
من بطنه
عقلي جمد وكعدت رأسن،،،
واني صافنه وهي كملت ببجي
واني اسمع هوسه يمها
«اووف يمه ولج بان
الولد لحد هسه
جسمهم مكزبر من شافوا الذبه
من بطنه،،،،والشيخ كال
اكو عمل بيتكم ولازم تطلعوا
حتى يبطل السحر،،،،
ضبطت اعصابي الترجف،،،كوه
وجاوبتها بصوت مخنوك
« عبير انتي شدتحجين
شنو عمل شنو مسحور،،،،،وشلون
صار هذا الشي
«صاررر من وره الميخافن الله
واكو غيرها،،،،،،،،، لجواهر هي الي
سووته اله والله اليدري
منو وياها
سكتت وهي كملت ببجي
قوي
« ولج بان بس الشيخ كام
يقراله
وشرب مي القره علي
راح الطول والضخامه والحيل
وصارلج خرگه،،،،وخرب بين ايد
اخوته والشيخ
عضيت شفتي وكتمت شهكه
رادت تطلع وهي كملت
« وعناد
من البارحه لليوم وهو متخبل
وبس يفتر بالبيت،،،،
وتعالي شوفي بيتكم انكلب
وكلها اندور على السحر
« وهوو
سالتها بغصه وهي
جاوبتني
« كعد وبس صافن،،،،وعناد
كال اودي اليوم على الشيخ
بس شكله تغير عن
الاول ،،،،،
اختي سكتت وكملت وره
لحظه
«ولج بان العمل الي مسوي
سحر فراك ومووت ،،،،
« وصار الفراگ ،،،،،
جاوبتها وكمت ابجي ،،،،
وهي سكتت وبعدين حجت
« بان ماتجين علي،،،،
صفنت دقائق،،،،،،ورغم السمعته
مكدرت اكول اي لان جرح گلبي
منه جان جبير،،،،،
« لااا عبير
« بان شبيج انتي مو كتلج
هو مجان
بوعيه
صحت واني اشهك
« عبير هذا ياسحر الي يخلي
اب مايسأل على ابنه
من اجه
للدنيا
عووفج مني،،،،ااني
هوو مو عنده جهال مني ليش
مااجه سأل عليهم
السحر هذا التحجين علي
معقوله
هم قسى ،،،،،،گلبه على ولده
« ولج اييي شبيج انتي
ماتفتهمين السحر
يامه هجم بيوت وفرق عوائل
« عبيير ذيب باعني من شافني
قصرت بحقه،،،افهموها
لخاطر الله،،،،،وهوو راح برجلي
لجواهر ،،،،،وهي استغلت
هذا الشي وشربته هذا السحر
التحجين عليه
وخلته يصير محبس
باصبعها
عبير سكتت واني كملت
بغصه
« موو انتي بنفسج كلتي
عذاب شافه هوو وجواهر بالدامه
موو انتووو كلكم كلتوا هيج
« ساحرته يولي،،،بالقران
مو بوعي
« كتلج هي وين لكته حتى
تسحره. ،،،،،،،،،اااافهميها عادد
ذيب هو برجلي راح الها،،،،،
من قصرت ويا،،،،، بالفراش
سكتت واني هم،،،،،،وجهالي
اجوي ولزموني، ،،،وهم يبجون
كملت كوه واني مخنوكه
«الله يخليج سدي للموضوع
وكافي تحجون بي تره تعبت
منه ومن الصار بي
من زمان
سكتت وشلت ابني وكملت
« اريد اروح سيف ديبجي
هو وشمه
حجيت هيج وسديت الخط
ووكمت اسكت بولدي ودموعي
تنزل ببروده،،عكس النار
الي بگلبي والصار كله رجع
يدگ بي بقسوه
ضوجته مني من جنت حامل
ونرفزته،،،،وكلامه وعتبه
وزعله الجان،،،،،،،،، يخلي يطلع
ساعات بليل ومايرجع،،،،الا وين
واخر شي من عافني ،،، وكام
يبات بالدوانيه،،،،
واخر شي من سمعت،،،،،بي
هو شايفي وي جواهر بالدامه
خلت عندي قناعه ذيب
بده بالخيانه
قبل لا جواهر تسحره،،،،،
،،،،،،،،
امي رجعت من العلم بنفس اليوم
وهي تحجي نفس كلام
عبير وابويه من سمعها تفاجأ
وكال
« لاحول ولا قوه الا بالله
الدنيا مابقالها شي وتنگلب بينا
من وره افعال بعض البشر
«سوده عليه وين ذاك الطول
والجسم كله راح،،،،ووكع
بأيد اخوته وصارلك مثل
الخرگه
ابويه كام يصفگ ايد،،،،
وجاوبها،،،،،
« وهسه شلونه، ،،،،،وماعرفوا
منو
وره هاي السالفه
« جواهر ام الدامه اكو غيرها
موووو ،،،،،رادها وعارك
الدنيا من وراها وعاف بان وولده
وراح التحق بالحشد
« استغفر الله ،،،،،ياربي
« ابو احمد الولد صحى وسال
على بنتنا وولده وكال
اني مجنت بوعي،،،،،وجنت من
اشوف بان،،،،اختنك وعبالك
واحد
يجرني منها،،،،
« وولده يمه هم جان يختنك
منهم
صحت بقهر،،،،،وهي جاوبتني
« ولج يمه السحر المسوي اله
خلاه يكرهكم كلكم
هزيت راسي،،،،،بلااا
وجاوبتها بعصبيه
«يمه فهميني هوو شوداه لجواهر
حتى تسحره
سكتت وكملت بغصه
« يابه هي شلون كدرت تسويله
سحر اذا هو مو رايحلها برجله
« يابه تره كلام بان صدگ
احمد اخويه حجه واني كملت
واني اشر على روحي بقهر
« اني الي عشت ويا ،،،،
وعرفته هوو شنوو مو انتوو
« ولج مووو جان يحبج
« ااااانتي كلتيها جان يحبني
واسامه هم جان يحبني واثنينهم
طلعوا حبهم جذب وعيروني
برجلي هااااي
صحت وضربتها بقوه بالكاع
وبجيت وكملت وي ابويه
« يابه شنووو فرق ذيب
عن ابن عمي ذاك عافني
وعيرني برجلي
وهاي صارلي سنتين وهو
وماسأل
عليه ولا على ولده
وهم عيرني،،،،
الكل سكت واني،،،،كملت
« الله يخليكم سدوا لهذا الموضوع
تره والله تعبت،،،وراح اخذ ولدي
واهج بغير مكان حتى مااسمع
بسيرته
،،،،،،،
يومين،،،،،، واحنا ندور بالبيت
نفضنا نفض،،،،،،من فوك ليجوه
ومالكينا شي،،،
ثالث يوم،،،،،،طلعت اني وعذاب
وميسر،،،وكمنا ندور وره البيت
«يول شوف يم شباج غرفتهم
بلكي تلكي شي،،،،
صحت بميسر وهو راح يدور
واني ظليت ادور يم الحايط
وبالحطب
ماكو ربع ساعه وميسر صاح
« ابووو فيصل تعال
جاااي،،،،
مشيت بسرعه،،،،اله
وشفته ،،،،،،،،،واكف ولازم بايده
لفه قماش ،،،،،وبيها ماادري
شنوو
« لا حد يفتحها،،،،،،وخلوها
بعلاكه،،،حتى اوديها للشيخ
حجيت بسرعه،،،،ومشيت
وهم وراي
اخذتها رأسن،،،،،، ورحت للشيخ
وهو اول ماشافها
حجه
« يابه هاي قطعه من
هدوم اخوك
والعمل جان علي،،، مسلط
الله ستره لاخوك،،،،لوما اجي
ليمكم
وانته تحجلي علي جان تخبل
وضاع من وره بشر
مايخاف الله
« شيخ هو هسه خوما بي شي
يعني راح يرجع مثل الاول
ابتسم ووجهه الكله نور خلاني
اطمن وكلامه ريحني
« اي وليدي لاتشيل هم
اخوك ،،،،،،،،،،راح يرتاح بس
انتو ظلوا شغلوا القران بغرفته
والبيت وانطي من هذا المي
« بارك الله بيك شيخ
سلمت وطلعت واني احس براحه
مو طبيعيه،،،،،
رجعت للبيت ،،،،،،وشفت امي
كاعده يمه بالديوانيه
وهو يمها ممدد
« الله يساعدهم،،،،
« هلا ابو فيصل
سلمت وهو رد
امي من رادت تسالني
اشرت الها اسكتي
كعدت يمه وسالته
« ها يول شلونك اليوم
« الحمد لله،،،،،
جاوبت اخوي،،،، ،،،،
وحجيت بتردد وي امي
« يمه اريد احجي وي عناد
لوحدنا
« اي يمه اني كايمه اخذوا
راحتكم
ظليت ادحگ لامي الما طلعت
وبس سدت الباب حجيت
وي اخويه
«عناد اني السويته ابان تره
مجنت قاصده ،،،،
عناد دحك. على ذيب بتركيز
وبعدين ساله
« يعني انته مجنت بوعيك
من سويت هيج
دنكت راسي ولزمته بايدي
وجاوبته بقهر
« لااا جنت ادري ،،،،،وعبالك
واحد جان،،،،،،، هو المتحكم بي
ويكولي اذيها وعوفها،،،،ولاتسال
عليها
« استغفر الله ياربي ،،،،،
يابه هذا من السحر،،،،،هو الجان
يتحكم بيك والعياذ بالله
بس
سكت واني رفعت راسي
وسالته
« بس شنوو عناد
« ذيب انته عفتها لبان،،،قبل
لاتصير هيج وشافوك بالدامه
وي جواهر،،،،،
بس جاب اسمها مااعرف
شصار بيه
اختنگت وكمت لحيلي
وصحت
« لاتجيب اسمها خلها تولي
عناد كام وره اخوه من شاف
حالته وساله
« يول شارب ماكل شي منها
« مدري عناد،،،وما ادذكر
« ولك هي ماكو غيرها مو هي
الي ردت تزوجها وحركت البيت
على راسنا من وراها
« عناد كلشي مااذكر، ،،،،،
احس شي ضرب عقلي
وخلاني
انسه كلشي وبس،،،،، اذكر
شلون اذيت بان وعفتها وماسالت
عليها
« استغفر الله ياربي
بالقران بس اعرفها هي وره
هاي السالفه الا اسحلها من بيت
اهلها واذبها بكبر محد يعرفه
وينه
لحظه سكوت مرت وحجيت
واني اريد اشوف بان
وجهالي
«عناد اريد اشوف بان
والجهال
كعدت وطلعت جكاره،،،،وانطيته
وحده وهو مااخذها
ابتسمت من شفته،،،،،، سوه هيج
وعرفت اخويه،،،،، رجعله وعيه
عبنه ماقبل يدخن چدامي،،،،،،
وجاوبته بعد ماسمعت كلام
بان الي وصلني من عبير
« يول عوفها هسه
تره البنيه تاذت من وراك چثير
وگلبها بعده شايل عليك
صفنت على اخويه ،،،من حجه
هيج وجاوبته
« مجنت بوعي عناد والسويته
بيها ادري بي اذاها بس والله
مجنت قاصده وداعتها
هي وولدي
«هينه يول اني بس التحق
راح اروح احجي وياها
« لاا خلي نروح اليوم، ،،،اخذني
الها وهي بس تشوفني
راح تنسى الصار
« يول شتنسى انته تدري
شكد صارلك عايفها
ذيب سكت ودنگ راسه
وعناد كمل
«راح تصير سنتين انته عايفها
،،،،،وهي تره مو مثل قبل
عبن گلبها شال عليك
سكتت وعيوني غورگت،،،،
وكمت من يم اخويه
« وين رايح
« لغرفتي،،،،
مشيت والهم بگلبي بس الله
يعرفه وچثير امور كامت تتوضح
براسي ،،،،،،بعد مجانت ضباب
واختنگ بس افكر بيها،،،،
طبيت وسديت الباب وراي
وكفت وصفنت
صفنه طويله،،،،،،،،
جنت عبالك اول مره اشوف
الاخشاب ،،،،،،،،،،والغراض البيها
مشيت كوه،،،،،، وفتحت الكنتور
وشفت الخانه مالتها فارغه،،،،
سديته ودورت بعيوني على
اثر الها ومالكيت،،،،غير بس
الحجله مال شمه،،،،،،،
رحت وكعدت بالكاع وجريتها
عليه وهناك فقدت
وكمت ابجي
مثل المره
عناد طب ووراه امي
الكعدت يمي وكامت تبجي
وياي ،،،،،
« كااافي يول تره مردت
گلوبنا
حجيت كوه وبصوت مخنوك
« عناد،،،، يمه
مووو بايدي والله مجنت بوعي
ولكم اكوو واحد يهجم بيته
بايده ،،،،
« كااافي يمه لاتظل تبجي
هي ترجع بس تسمع بيك
انته جنت مسحور وماتدري
بروحك من اذيتها،،،،،
،،،،،
ثالث يوم بعد مااكدر
اظل واخذت عمي جاسم
وعناد وامي وطلعنا لسامره
وصلنا ونزلنا
وعمه صالحه من شافتني حظتني
وكامت تبجي
طبيت وكعدت بالديوانيه
وعيوني
راحت لشمه. الجانت واكفه يم
الباب
كمت لحيلي وصحتها
« شمامه تعالي
برطمت وكامت تبجي
واجتي عليه تركض
وهي تصيح
« بابا،،،،
شلتها رأسن وكمت ابوس بيها
وهي فحطت من البجي
« اووف يابه شسويت
بيكم
حجيت بعيون مغوركه،،،،،،
وامنه اجتي،،،،، وهي شايله
سيف،،،،
« ذيب يمه هذا سيف
ماحجيت شي واخذته وكعدت
واني اشم بيهم وابوس
العبره خنكتني ،،،،ومكدرت
احجي شي
« حسبي الله على السواها
بيكم
عمه صالحه حجت وهي
تبجي وامي كملت
« امين يارب ،،،،
ظليت كاعد،،،،وجهالي بحظني
وكل ساع بايس واحد منهم
وشمه ظلت لازكه بيه
ولازمه هدومي بقوه
احنا مكلنا راح نجي خاف
يرفضون جيتنا ومن اجه
عمه طه وشافني
عتب بس ماطول بعتبه
واخذني لحظنه بعدين،،،،
كلهم عذروني والجنت اريد
عذرها
ماشفتها عبن جانت بالدوام
ظليت انتظرها على نار
ومن صارت بالوحده،،،،،،،،،
اني كاعد، ،،،،والاهل يحجون
بالصار الباب انفتح
وشمه كامت من يمي وراحت
تركض
،،،
رجعت تعبانه من الدوام،،،
ومن سياره الخط
طبت للشارع
مالتنا شفت سياره عناد واكفه
يم باب بيتنا
ذبيت حسره من گلبي،،،،،
وحجيت وي روحي
واني عبالي بس هو جاي
« اجه يحجي بموضوعنا
اني وذيب،،،
السياره وكفت يم باب بيتنا
واني نزلت،،،،،
طبيت وسديت الباب وراي
اني متعلمه،،،،،،،،،،،، شمه تجيني
تركض بس تسمعني افتح الباب
عبن تعرف وقتي
اجتي وشلتها بسرعه
وهي جانت مخبوصه وتحجي
بسرعه بس افتهمت بابا
« ايي ماما
جنت احجي وياها بهدؤ
وطبيت،،،،،،،، للديوانيه واني
مبتسمه الها من شفتها فرحانه
بيه
بس طبيت وشفت ذيب
الضحگه راحت وجمدت بمكاني
وهو كام لحيله وصفن عليه
وحجه
« باان
رجعت خطوه وامي اجتي بسرعه
ولزمتني وكالت
« فوتي يمه وسلمي على
عمتج وخالج
مادرت بال لحجي امي
ودحگت بحقد لذيب وطلعت
بسرعه من يمهم ،،،،
كمت رأسن من شفتها طبت
وهي تضحگ الضحگ الي تاخذ
كلبي بس ااااخ من شافتني
راحت والوجهه تغير
عمه حجت وردتها تجي وتكعد
ماكووو دحكت علي
وشفت العتب والزعل بعيونها
وحجيت بگلبي
« حگج يابه والله حگج وانعل
ابوه الي يلومج
من راحت كعدت رأسن ولزمت
راسي
« استغفر الله ياربي
عناد حجه وعمي كام لحيله
وراح هو وعمتي
« هينه يول هي تصفى
الگلوب ،،،،
رفعت راسي من حجه عناد
وظليت ساكت
وامي تدعي،،،الله يهدي
النفوس
،،،،،،
ابويه وامي لحكوني للغرفه
مالتي،،،،
وبس طبيت امي حجت
« يمه عيب هذا التصرف
انتي جبيره وتعرفين بالاصول
شلون رحتي هيج بدون
ماتسلمين
على بيت خالج
سكتت وذبيت شمه،،،،،،،
بالكاع وهي
راحت تركض وتصيح بابا
« بنتي دحكي عليه
ابويه حجه واني دحكت اله
بعيون مغوركه،،،،،،، وجازه على
سنوني من اعصابي الترجف
« رجلج اجه ويريد يصلح
غلطه
« لاااادكول رجلج،،،،اني رجلي
مااات ومن زمان
ذيب مااات ،،،،،،،من سوه
السواه وعيرني برجلي
صحت ،،،،،وامي خلت ايدها
على حلكي وخرتها وابويه
صاح بيه
«كاافي ولج ولاتصيحين،،،
شبيج انتي تخبلتي
اخويه طب وره لحظه
وحجه بسرعه
« يولي شبيج تصيحين
صوتج وصل ليمنا
« ااحمد الله يخليك
خلي يطلع مااريد
اشوفه ،،،،،
«ولج شتريدين
اطرد اخويه
وبيت عمتج من وراج
كعدت وكمت اشهك بالبجي
وعمه علية اجتي وكعدت يمي
وحجت
« يمه نويره لخاطري، ،،،اكعدي
ويا واتفاهموا ذيب مجان بوعي
انتي مو سمعتي بالصار
بعد شكو الملامه،،،
سكتت وهي باستني من راسي
وكملت من كامت تبجي
« ولج يمه والله كعد بغرفتكم
وبجى الما كال بس
وكال والله مجنت بوعي
قابل اكو واحد عاقل يهجم
بيته بايده
«عممه الله يخليج، ،،،
لاتحلين عليه،،،،،،ابنج
مااريد بعد اشوفه بعد وياريت
اليوم قبل باجر يطلگني
« وللللج بان
امي صاحت بيه واني،كمت
لحيلي وحجيت باعصاب
ترجف
« اذا ماطلع اني راح اطلع
« يايمه اشو هيج تحجين
شنوو احنا مالنا خاطر
عندج
مادرت بال لحجي عمه
ولا لخزره
ابويه ومن ردت اطلع
اجه هو ووكف يم الباب
رجعت خطوه واني جازه على
سنوني وادحگ علي بحقد
وهو حجه
« عم طه من رخصتك اريد
احجي وي بان
درت وجهي منه وهو حجه
« باان اسمعيني،،،،
من تقدم خطوه رجعت وصحت
بي بهستريا
« روووح،،،، مااريد اشوفك
كرهتك وكرهت الساعه الشفتك
بيها
حجيت هيج وطلعت بسرعه
وهو لزمني وصاح بيه
« ولج بس اسمعيني،،،،
والله مجان قصدي اذيج
« عووفني
صحت ومن ظل
لازمني بقوه
ضربته وابويه واحمد لزموني
وصارت هوسه،،،
من الضغط الصار عليه،،،،
ووصياحي الي رج عقلي،،،،
ماتحملت ورأسن
فقدت الوعي
،،،،،،،،
كعدت بعد ماحسيت بشي
بارد على وجهي
وظليت مغمضه ودموعي تنزل
بشهكه
سمعت صوت امي،،،،وعمه
يحجن وياي ومافتحت
عيوني،،،،،درت روحي
وخليت وجهي على الحايط
وظليت كاتمه البيه ،،،،
امي حجت
« ولج يمه بس اسمعيني
مو والله گلبي خلص من
قهرج
مجاوبتها،،،،،،وعمه كملت
« يمه ليش تسوين بروحج
يعني اني اكوم ذيب تكعين انتي
والله مو بايده وجان يريد
بس يحجي وياج
سكتت وظليت اسمعه يصيح
ويكول
«ادري غلطت بحگها بالقران اعرف
قصرت بس مووو بايدي
والله مجنت بوعي،،،
هناك بگلبي جاوبته، ،،،
« جذاب، ،،،،لان انته قبل
لايصير
هذا كله انته ابتعدت وكمت
تسوي مشاكل وياي من
وره النومه
لو تحبني صدگ جانت تحملت
وماحجيت ،،،،
بس انته عفتني وحدي بغرفتي
ورحت تدور راحتك يم جواهر
وعيرتني بالبيه
،،،،،
بعد الصار بينا بيت خالي
طلعوا ،،،،وعناد اخذ ذيب كوه
وياهم ،،،،،،وجان مايريد يروح
الا اني ويا،،،،
جان يريدني انسه،،،،،واني
مجنت
اكدر انسه عبن گلبي برد من
يمه،،،،،،وكرهت شوفته
،،،
الحجي كثر وهو ماسكت
وظل يجي ويريد بس رضاي
واني جنت رافضه مجرد اشوفه
واطراف هوايه ادخلت،،،،،،،،
والرفض نفسه،،،،،
واهلي كاموا يضغطون
عليه من
شافوا ،،،،،،،ظل يروح ويجي
عليه،،،،وكل الهم شتريد
اني حاظر
بيت هنا يمكم اسويلها وخليها
بوظيفتها بس هي خلي ترضى
وترجع الي
جنت اسمع ،،،،،،واكو غصه بگلبي
واحجي وي روحي
« عفت كلشي لخاطرك، ،،
وانته بلحظه ضعف،،،،ضيعت
كلشي من ايدك،،،،،
هسه جاي ،،،،،،تريد تصلح
اللي انكسر،،،،،،،
الكسر الي بگلبي،جان ،،،،
شلون مااريد الحمه ما ينلحم
لان كلما،،،،،،،،،،، اتذكر السواه
يرجع ينكسر،،،،،من جديد
هو من جان يلتحق، ،،،حياتي
تهدأ،،،،،بس من
ينزل يگلبها ،،،،،ويخليني
اتوتر واعيش بخوف من
تصرفاته
لان جنت اعرف راح يجي
يوم ويفقد السيطره على روحه
وجان من ينزل رأسن يجي
لسامره وهو محمل ملابس
وملاعيب
وحلويات لشمه وسيف
الي تعلم عليه وكام يصيحه
ابه،،،،،
اني مجنت اشوفه، ،،،رغم ضغط
اهلي وخصوصا امي
الي زعلت عليه،،،،،،
بس اني مجنت ادير بال،،،،،،
لا لزعلها ولا لكلام ابويه،،،،
وظليت على حالي،،،،،يجي
ويروح وهو يتمنى شوفتي
وماكو
،،،،،،،،،
نزلت كالعاده،،،،،،،واني تعبان
كلش من السهر والواجبات ،،،،
وقبل لا اروح للعلم،،،،،،
رحت لسامره،،،،،،،،وصلت
وي الظهر، ،،،،،،ومن شفت
الساعه
ب12 ونص خابرت امنه
وسالتها
على بان وكالت بالدوام
وبعد شويه تجي
ذبيت حسره وسديته
وكلت للسايق
يذبني يم المستشفى
وصلت ونزلت،،،،،ورحت
وكفت يم
محلات تصير اگبال المستشفى
ربع ساعه وطلعت وهي مدنگه
وتضحك وي صديقتها،،،،،،
صفنت عليها من بعيد،،،،،،
وحجيت بقهر
« ااااخ ياربي شوكت البعيد
يصير گريب
ركبت وعيوني عليها،،،،،
ومن راحت اخذت تكسي
وطلعت وراها،،،،،جانت عيوني
على السياره واني ادخن
الما وصلنا
نزلت،،،،،،واني نزلت وراها بمسافه
من دتطب دارت راسها
وشافتني
،،،،،
قبل لااطب درت راسي
على جهه اليمنى وشفت ذيب
جان لابس نفس هدوم الشفته
بيهن بالمستشفى
طبيت رأسن من شفته اجه
باتجاهي، ،،،،ووورحت للمطبخ
وهو اجه بسرعه ولزمني
« عووفني
صحت وهو جرني،،،،وامي
اجتي بسرعه وحجت
« شبيكم ،،،ذيب يمه
عوفها
« اااريد احجي وياها بعد
مااتحمل
وراح اسوي شي مو صاير
طببني للديوانيه ،،،،،ومن ردت
اطلع من الباب الثاني
راح قفله،،،،ووكف كدامي
وصاح
« وللللج بس اسمعيني مو راح
اتخبل
« يمه استهدي بالرحمن،،،،واهدا
وااانتي ولج اكعدي
واسمعي منه
درت روحي منه ومشيت
للباب الطبيت منه وهو لزمني
وحظني رأسن وكام يبوس
براسي
امي طلعت وهي تبجي
وهو حجه بصوت
مخنوك
« ولج بالقران وغلاتج انتي
مجنت بوعي ،،،،،
دفعته من صدره وصحت،،،
بي
«جذااااب جنت بوعيك
وتعرف كلش،،،،زين شسويت
« ولللج ماادري بالقران، ،،،،
ماادري بروحي
البگلبي طلعته ببجي قوي
وجاوبته
« لاااا تدري، ،،،،بروحك
شسويت تدري كلش زين من
جنت تحجي عليه واني حامل
بسيف وماانطيك حقك،،،،،
تذكر شلون جنت تنهزم مني
وتروح
تنام بالديوانيه
تذكر من كم مشكله سويتلي،
من وره هاي الشغله،،،،،
سكتت وكملت بشهكه
واني اشر بايدي بوجهه
« ذيب ااانته ماحببتني واخذتني
للفراش
« جذذذب والله حبيتج
بالقران من قبل لااازوج
ذيج اني
احبج،،،،،،وغصبت روحي،
ونمت بغير مكان حتى مااذيج
واخذ حگي وانتي كارهتني
«لااااتجذب، ،،،،
«بااان انسي وارجعي وياي
لخاطر ولدنا
« لاااا ماانسه ولا راح اكدر انسه
من وكفت وكلت عليه عرجه
سكتت واشرت على رجلي،
وكملت بقهر
«« شوووفها صارت زينه والفخر
موو الك الفخر لابويه
« ولج جنت ماادري بروحي
شبيج
انتي، ،،،،لخاطر الله
عفت يحجي ومن ردت اطلع
لزمني مره ثانيه
وصاح بيه
« بااان لاتسوين هيج تره راح
اتخبل ولج بنص الموت
واهذي باسمج شبيج انتي
وليش هيج صرتي وياي
دفعته وهو ظل لازمني بقوه
وحجه بتوسل
« دحگي عليه،،،،
مرفضت،،،،،ودفعته
وامي طبت ولزمته وهو حجه
« ولللج بس فهميني منين
جبتي هاي القسوه ،،،،
لييش هيج گلبج قسى عليه
« ذيب عوفها يمه عمك راح
يجي،،،،
عافني وهو يصيح،،،،
واني طلعت ورحت لغرفتي
هناك كعدت واني اسمعه يحجي
بصوت قوي وي امي
وراها طلع،،،
،،،،،،،
بعد هاي المواجهه ،،،،،
سمعت بذيب ماجر مشتمل
وماثثه،،،،،، بالشارع الورانا
وكام كلما يجي،
باجازه يجي ياخذ شمه وسيف
يمه ،،،،،
اني ماقبلت،،،،،وهو كام يهدد
بالمحكمه،،،،،،وابويه وكف ويا
هو وامي والكل صاروا حزب
عليه
وطلعت اني المو زينه،،،
مادرت بال وعفت،،،،،،،ابويه
كلما يجي،،،،هو باجازه ياخذهم
ليمه العصريه،،
جان هو يوصله،،،،وينزل
يكعد شويه يمنا
وبعدين يروح،،،،،،،
اني بهاي الفتره،،،،،،ورغم
المشاكل
كمت اعتني بروحي،،،،والبس
كل لبس،،،،راقي واعتني ببشرتي
وشعري
وولدي جنت ماالبسهم
غير الغالي،،،،وكعدت شمه
بروضه حتى تتعلم،،،،وهم
امي وامنه يرتاحون منها،،،،لان
من وره دلال ذيب طلعت عيونها
وصارت وكحه ،،،،
بيوم اني بالبيت وحدي
لان امي وابويه جانوا بالعياده
وامنه واحمد بالعلم ،،،،
وولدي ديلعبون بالهول
وجنت مشغله الهم كارتون
اني بالمطبخ ،،،،،وداحضر بالعشه
جهازي دك،،،،
فتحته من شفت دكتور مازن
متصل وجاوبته
« الو دكتور
« هلو بان ،،،شلونج
« الحمد لله زينه تفضل دكتور
صاير شي
سكت وسمعته ذب حسره
وبعدين حجه
« باان ااني بعد مااكدر اضم
الي بگلبي وو
سكت واني جمدت بمكاني
من السمعته وهو كمل
« اني احبج واريد اتقدم الج
بس تطلگين من زوجج
صوتي كووه طلع وكدرت اجاوبه
« دكتور كلامك
قاطعني رأسن وكال
«كولي مازن ،،،،
بلعت ريكي،،،،ومن خجلي
كمت مااعرف شحجي
وجاوبته
« مازن ،،،،ااني هسه
مااكدر ااحجي شي،،،،
لان انته فاجئتني بعرض
الزواج
حجيت هيج والجهاز
انجر مني ،،،، وانركع بالحايط
شهگت ورجعت ليوره من
شفت ذيب،،،،
وشكله جان مووو هو
ومن صاح رجعت ليوره
« عررفت هسه ليش
تريدين تطلكين
مني ،،،،،،،عرفت من وره هذا
الدكتور انتي بعد ماتريدني
« ااطلع انته كلشي مامفتهم
حجيت ورجعت خطوه وهو
اجه ولزمني بسرعه وصاح
وهو يكزكز باعصاب
« شنوو بينج وبينه اااحجي والج
بشنو وعدتي تطلكين منه
وتروحين تزووجي مووو
« عووفني،،،،،،
«تحبببي، ،،،،،
حبيتي للدكتور ونسيتني
نسيت الجان بينا
على صياحه اجتي شمه
وسيف،،،،وووكفوا يدحكون علينا
وهو جان فاقد وماعنده وعي
« ولج ليش مو كتلج اني
مجنت بووعي
« اااني مو مثلك اكدر اخوون
ودكتور مازن حجه واني جنت
اريد ارفضه ،،،بس مادام
حجيت هيج،،،،،راح اوافق علي
بس اطلكني
اني حجيت هيج وهو تخبل
ولزمني من شعري
ونزلني بالكاع واني لازمه
ايده واصيح
« عووفني ،،،،،همجي
« بابا اووف ماما
شمه كامت تضرب بي وسيف
كام يبجي
« اقبلي بي وشوفي الهمجي
شراح يسوي بيج
وطلاگ ماكووو وغصبا ماعليج
ترجعين اليه،،،،وراح اشوفج
شلون راح اخليج تجين
تتوسلين ،،،،،،
بيه حتى اخليج تشوفين
ولدج
حجه هيج وعافني
وطلع
،،،،،،،
يِّتّبِعٌ
اوتار حزينهي
أنت تقرأ
الأنين الصامت
Romance#الأنين-الصامت انا بنت ،،،تقدم بها العمر بأرق يعبئ العيون والأفئدة وأنينُ قلب يأن في صمت ولا يشعر به أحد،أحاسيس لا تكتب ولا توصف لان وجعها فاق الحدود والعقل،،،، زهره،،ورده،،،نجمه،،،بنت عدت سنين عمرها،،،،،وهي تحلم بثوب ابيض،،،،،، السنين مضت ،،،،ورف...
