الأنين الصامت

بارت 30

#أّلَأّنِيِّنِ_أّلَصٌأّمَتّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّلَأّثّوِنِ
،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من طلع وركع الباب كعدت
بمكاني
وكمت ابجي،،،،
جنت اريد انسه ،،،واعيش ويا
مثل مايريد
بس، ،،،مكدرت
اني بحظنه تخيلته وي جواهر
الخيانه مره وطعمها يظل،،،،
طول العمر
ويجوز اني راح يجي يوم واغفر
اله السواه،،،،،،، بس مال انسه جذب
وراح تظل غصه السواه بيه طول
العمر
كمت بعد ماانهد حيلي من البجي
ورحت لفراشي وعفت كلشي بمكانه
مكدرت الزم شي،،،وبس
طفيت التلفزيون ورحت
تمددت مثل الميته بفراشي،،،
غمضت عيوني دموعي،،،،،وشهكاتي
جنت بوجع،،،،،وجع فراگه يوجع
هو يمي وهو بعيد ،،،
جنت اريد حظنه وبنفس الوقت
انهزم منه لان جان لغيري
ساعه وساعتين واني كاعده،،،
وماكدرت انام لوجهه الفجر،،،،،
ومن كعدت ،،،،،،،جانن عيوني
منفوخات
ومبين عليه باجيه
كمت كوه لان لازم اكوم
فتحت الباب وعيوني صارت
على باب،،،،، الغرفه الثانيه
جان مسدود على النص
تمشيت بهدؤ ومديت راسي،،،
وشفته نايم بالكاع،،،،والنفاضه يمه
ومتروسه جگاير،،،،
جان مبين علي التعب و،،،وعاگد
حواجبه وهو نايم
رجعت ليوره من انگلب،،،،وحجه
وهو لازم راسه
« اااخ يابه
سمعته ورجعت ليوره بسرعه
واني احس بغصه بگلبي
ردت اطب واذب روحي بحظنه
وتقدمت خطوه بس
وكفت ولزمت تراكي بقوه وحجيت
بصوت مخنوك واني ادحگ
لليفوك
« ياربي نسيني،،،،الصار وخليني
اعيش ويا مثل الاول نسيني
بقدرتك لان تعبت،،،،،،واني
اريد الراحه تعبت واني
اشوفه واسمعه
يحلف بيك هو مظلوم
وكمت اخاف لا يجي يوم
ويطلع صدگ كلامه واطلع اني
الظالمته
كملت وكتمت شهگ رادت تطلع
بايدي ورحت للمغسله، ،،
غسلت وجهي اكثر من مره
والدموع وي المي صارت،،،،سوه
حاولت اتماسك،،،،،لان سمعت جهالي
كعدوا
رجعت،،،الهم وشفت شمه
كاعده،،،،،يم سيف
هي شافتني،،،،،ظلت صافنه
عليه بعدين حجت
« ماما ابيج تبجين
هزيت راسي واني مبتسمه كوه
وجاوبتها
« مابيه شي ماما بس راسي
يوجعني
كمزت من الجربايه واجتي
عليه ولزمت راسي وباسته
وحجت بسرعه وهي تضحك
افتهمت منها هي سوت مثل مااني اسويلهم من يوجعهم شي
« عفيه بحبيبه ماما
« بابا وينه
« نايم بالغرفه،،،،،ذيج لاتروحين
يمه خلي يرتاح
حجت وافتهمت منها
هو ليش ماينام يمي على الجربايه
ذبيت حسره وسكتت وطلعت الها
كارتون حتى تسكت،،،،
وكمت ارتب بالغرفه وهم
كعدوا يتفرجون كارتون
على الجربايه
كملت،،، وحجيت وياها
« يله خلي ننزل واتفرجي وي نوره
جوه
« الوح ،،،بابا،،،،،،،
« لا ماما مو كتلج تعبان هو هسه
من يكعد ينزل يمكم
صفنت عليه وهي مبرطمه وبعدين
اني حجيت
« شمامه صيري عاقله واسمعي
الكلام تره مااخليج تروحين
وي بابا بالسياره
هزت راسها بسرعه باي واجتي
حظنت رجلي
« يله خلي ننزل نتريك وراها
روحي العبي وي نور،،،
« اي ماما
بستها وسيف هم وجاوبتها
« عفيه بالي تسمع الكلام
طلعت اني وياهم،،،،،وعيوني
على الباب
نزلت،،،،جوه وشفت ارؤى بالمطبخ
وهي تدردم
« صباح الخير
« هلا نويره،،،،ووينه الخير
ومنين يجي اذا هيج شكول لفت
علينا
حجت واندارت عليه،،،،ومن
شافت وجهي اجتي عليه
وهي تحجي
« شبيج يولي وليش باجيه
« هااا لا ماكو شي
حجيت ودرت وجهي منها وذبيت
سيف الي راح وره اخته
من راحت للهول
« اشو دحگي عليه،،،شنو
مو باجيه
عيونج ورامات ووجهه احمر
شبيج يولي هم نفس السالفه
سكتت وهي حجت بعتب
« ظلي هيج الما يطير من
ايدج،،،وذيج الساعه اكعدي من
صدك والطمي زين وملخي عطوبج
سكتت وهي كملت
« اعقلي يولي تره هجمان البيوت
چثيرات ويريدن بس يلگفن
الرجال
سكتت والتهيت وياها من كما
نحظر بالريوگ
خلينا السفره بالهول ورحت
اجيب الاكل اني داطب للمطبخ
ذيب نزل،،،،،وهو عاكد الحواجب
ومبين علي الضوجه
اول ماشافني دار وجهه،،،،
وفات من يمي وطب للهول
خليت الاكل واني ساكته،،،،،
واسمع سوالف عمه كميله الكلها
حش بمرت ابنها،،،،،
تريكنا واليوم مشه ،،،،،،ثگيل من وره
وجع راسي وعمه الي حست
بينا،،،بس ماسالتني
وبس كالت
« الله يهديكم واحد على الخ
،،،،،،
ذيب وره يومين التحق،،،،،
وبهل اليومين ماحجه وياي
الا قليل
ومن طلع ماكعدني،،،
والايام مشت ثگيله
وهو رجع وره عشره ايام باجازه
وجان نفس طبعه وياي
جامد ،،،وسكوته جان قاتل
بالغده فرشت السفره
وكمت اشيل
بالاكل وزمن جانت
تشيل وياي وتخلي
من رجعت ،،،،،،داخلي صينيه
الكلاصات والخواشيك وكفت
يم الباب من شفت زمن
وكفت يم ذيب
الا طخت بي ودنكت
بدون خجل
وخلت ماعون التمن كدامه
هو دحگ عليها،،،،،بضوجه
وبعدين اجتي عيونه بعيوني،،،
دار وجهه وهي وخرت
وحجت
« ذيب محتاج شي
« اي يمه شوفي لابن خالتج
خوما محتاج شي
هو سكت ودحگ لخالته وحجه
وره لحظه
« تسلمين خاله اني اذا احتاج
شي اكول لام سيف اجيبه
اليه
سكت وهن بهتن من جوابه
وظلت وحده ادحگ للخ
اني طبيت،،،،بهدؤ عكس
النار الي اشتعلت بيه
من فاتت زمن من يمي خوزرتها
وهي رفعت حواجبها وعوجت
حلگها
خليت الصينيه وعيوني راحت
لذيب
جان عاكد حواجبه ويدحگ على
التلفزيون ،،
« يله يمه جيبي ولدج وتعالي
اتغدي
هزيت راسي لعمه ومن وجهها
حسيت بيها ضايجه
كعدت يمه وشمه بينا وسيف
بحظني احنا دنتغده
زمن حجت
« ذيب هذا جهازي ماينزل بي
الواتس اب بلكي تعرف انته
تنزله بي
«عوفج من ذيب
انطي لمصطفى هو يعرف
بيهن
حجيت غصبا ماعليه،،،،وبعدين
سكتت من حسيت على روحي
حجيت بضوجه،،،
وهو كمل
« اي انطي لمصطفى لان اني صفر
بهيج شغلات
هي سكتت وظلت ادحگ عليه
رفعت حواجبي الها وهي
دارت وجهها مني
من كملنا الغده كمت اجلف
بالمواعين
وارؤى حجت
« شفتيها للخاتون شلون بس
تريد تلطش برجلج
« عوفيها يمعوده خطار ومحسوب
علينا
«ولج خايبه باذني هاي سمعت امها
تحجي ،،،،،، وتحرك عمه علية
علينا ،،،،ومن تصرفات بنتها
عرفتها
خاله عينها على ذيب،،،،
عگدت حواجبي من سمعت كلامها
وسالتها
« منوو  الدتحرگ عمه علينا
« ااامي منوو قابل غير هاي كميله
وذيلها زمن
سكتت وهي كملت
« ولج من كعدت واجيت للمطبخ
سمعت عجوز البين تحرك عمه
علينا وادكول الها
مسعدات جناينج نايمت للضحى
العالي ولا كامن سون ريوك النا
وهاج،،،وشوفي زمن شلون كعدت
من الفجر وعجنت وشجرت التنور
وخبزت،،،،وسوت الريوگ
الي والج،،،
« وعمه شجاوبتها
« مارضت عليها،،،،وسكتتها
وكالت
« البنوات مو مقصرات واحنا
ماعدنا شغل مثل الاول حتى يكعدن
وي الفجر وان جان على الخبزه
ارؤئ مو،،،،،،، مقصره وهي تحب
تخبزه قبل الغده حتى
ناكلنا خبزه حاره
ارؤى سكتت وبعدين،،،،حجت
بضوجه
« عجوز البين هم نزل وهم ادبج
وطلعت ماتنلام بيها جنتها
عگدت حواجبي،وجاوبتها
« صدك لاكالو اتقي شر من احسنت
اليه
« ايي دادا هذني مو هينات
وجايت يدورن خراب
والله اليستر منهن
سكتت وظليت اهز براسي
والتهيت بالشغل،،،،
،،،،،،،
ذيب
بعد الصار بينا بذيج الليله
رجع،،،،،،، لنفس النقطه
طبيعي وياي گدام،،،،
وفوك مايحجي وياي
بس على گد
الحاجه او بشي يخص ولدنا
قبل لايلتحق،،،،،ذب مواد
مال بناء بمسافه عن بيت عناد
لان رادوا يسون حديقه بينا
وبينهم
وكال من بدل وكشخ
ووكفه كدام المرايه
« من اجي باجازه الخ اجيب
خرايط وانتي اختاري الخريطه
التعجبج
« اي بس شوكت تجي
حجيت بارتباك  واني مدنگه 
وداسد بالبرده
سكت ومجاوبني،،،،وبعدين
كال
« لييش يهمج ارجع،،،
تخافين عليه بان
درت روحي علي من سمعته
هيج حجه وشفته يدحگ
عليه بالمرايه بترگيز
جانت نفس النظرات القديمه
الي تخلي جسمي يرجف
بلعت ريگي كوه وجاوبته
« اي ذيب
يهمني لان انته ابو ولدي ولازم
اخاف عليك
عگد حواجبه،،،،،،،،وخوزرني
من سمع كلامي،،،وشمر
المشط على الميز
وطلع وركع الباب بقوه
ثاني يوم تفاجأت بي،طلع لسامره
وعناد جان بعده يمنا
وعرفت هو مايريد يبقى يمي
سكتت وماحجيت شي
من سألوني شبي وكلت
عنده شغل هناك
وراها التهيت
وي ارؤى  بشيله الفراش
مال الشته
لان احترت الدنيا
سعفنا البيت وغسلنا من فووك ليجوه ،،،،،،وغسلنا البردات
وخلينا الزولي،،،،،ثاني يوم نكعد
من وكت حتى  نغسله
من صبينا الغده عمه كميله
حجت
« جان غسلتن الزوالي فد مره
ليش خليتنها بره بهل الشمس
عمه كميله حجت،،،،وعمه
عليه جاوبتها
« تعبن من الشغل وماعليهن
شي هنه يغسلنها باجر
« والله زمن جانت تغسل بيتنا
من فوك ليجوه،،،،ووياه الزواليه
كلهن وماتعوف،،،،، البيت الا تغدي
ورد موو يمه
« ايي يمه وبحدي وذيج مجانت
تلزم شغله ويايه
ارؤى عوجت حلگها،،،،ودحگت
لزمن من حجت وجاوبت
عمه كميله
« جان اجتي ويانا وشوفتنا شغلها
ليش ظلت كاعده بغرفه عمه
وماشفنها الا هسه
عمه كميله
دحگت عليها بخزره
وجاوبتها
« جان راسها يوجعها ولا هي
مو متعاجزه من شغل بيتكم
« لا سلامتها،،،،،ماتشوف شر
ارؤي حجت بنعوصه
وشالت لحمه
وكامت تفلس بيها كدام عذاب
الي جان مدنگ ومبتسم
من كملنا غده وصرنا وحدنا
بالمطبخ
ارؤى كامت تحجي
على عمه كميله،،،،،،الي يوم وره
كامت تبين هي شتريد هي
وبنتها
ثاني يوم غسلنا الزوالي
ومن ذبن المي،،،،،شلتهن اني
وارؤى ومصطفى وفيصل حتى
انشرهن على عواميد مال
سگيفه عنب، ،،،،،،مربوطه بشكل
افقي
خلينه وحده، ،،،،وزمن
حجت
« اشو هنا شريتنها خاف تگع
على روسنا
« فاله ولا فالج شمفوله علينا
عيوني
« هاي شبيج ارؤى تره اني
ماحجيت شي
« لا حبيبه حشاج بس فاولتي
بوكعتها على روسنا
هي فرت ايدها وراحت،،،وارؤى
فكت عيونها وحجت
« شفتيها لام فره شلون فرت
ايدها وراحت
« عوفج منها يمعوده وخلينا نشر
هذني ورانا الغده
ارؤى ظلت تدردم على زمن
وشالت،،،،،، ويانا اني والولد
من خلينها  العود انكسر،،،،بس ظلت
السگيفه ماوكعت
« خاف تكع على الجهال
حجيت بخوف وارؤى،،،،
جاوبتني
« لا ماتكع لان مربوطه من اربع
جهات،،،
مشيت وعيوني عليهن،،،،وگلبي
لعب منها،،،،
للعصر الجهال طلعوا بره
واني وصيت شمه ونور مايروحن
جواها ويلعبن بالحديقه ،،،،
وي المغرب طلعت حتى اطببهم
صحت شمه واجتي تركض ونور
ظلت جوه السگيفه،،،
مااعرف ليش گلبي وجعني
ورحت بسرعه عليها
« نور تعالي
صحتها وهي ظلت تكمز،،،
وصلت يمها ومااحس الا شي
انكسر بصوت قوي
من خوفي عطت ونمت على نور
والسگيفه هي والعنب وكعن عليه
حسيت بوجهي،،،، تجرح وايدي
وضربه قويه اجتي براسي دوختني،،،،،بس ظل الوعي
وجان همي نور خاف اتأذت ،
سمعت
عياط ارؤى وعمه،،،،
« يبووو عذاااااب مصطفى
ولكم الحگو علي
عياطهن صار وي صياح
عذاب الي اجه وكام يشيل
بالخشب
هو ومصطفى واخوته من فوكايه
من الهبطه والضربه مكدرت اكوم
وهو جر بنته وانطاها لارؤى
وكومني بايده ،،من وكفت
دخت ووكعت علي
وهو صاح
« ولجن وين السويج هاي
دتنزف
« سوووده بوجهج عليه،،،
مي ولجن مي جيبن خلي تشرب
شويه
اني بمكاني جابو مي وغسلوا
وجهي ،،،،،
مكدرت احجي شي
وظليت دايخه
وفيصل اجه ووراه عبير
الي من شافتني كامت
تضرب على وجهها،،،،
« عزه العزاني ولج هاي شنوو
وشوكعها عليج
« ولج ارؤى عبايه بسرعه خلي
نوديها للمستشفى
كومني كوه اني وكفت اظلمت
الدنيا بعيوني وفقدت الوعي
عبير من شافت بان فقدت
ملخت روحها وعذاب شالها
وركض،،،،،، بيها للسياره
ركب وويا مرته وعبير
الي كامت تصيح وهي
متخبله
« ابو مصطفى بسرعه على
بختك الدم مديوكف
حجت وهي تبجي،،،وارؤى
داست على الجرح بقوه
من شافته بعده ينزف
اني بالمستشف كعدت،،،،بس
جنت دايخه ومااركز زين
مغذي وابره مسكنه،،،،،وبعدين
خيطوا الجرح الجان غميج
وجبير وراها اخذولي
اشعه وطلع الحمد لله مابي شي،،
ظليت ساعه بالمستشفى
تحت المراقبه وراها طلعنا
الطريق كله،،،،خاله راسي على
جتف عبير،،،، واون من
الوجع
وصلنا ونزلت كوه،،،،،مجنت
اكدر افتح عيوني،،،،،والدوخه
ظلت براسي
وعبير سندتني هي وارؤى
طبيت وعمه من شافتني كامت
تبجي وتحظن بيه
وولدي هم وياها اول
ماشاوفوني
هم كاموا يبجون،،
عمه كالت تعالي بغرفتي،،،،نامي
اني ماقبلت عبن اعرف
عمه كميله هي وزمن ينامون يمها
صعدت للغرفتي وعبير وياي
هي وارؤي الي ظلت تبوس
بيه وادكول وهي تبجي
« لوما انتي جان بنتي راحت
وماتت
مجنت اكدر احجي شي،،،،وبس
وصلت لجربايه تمددت رأسن
عبير حجت
« بانه خلي ابدل هدومج كلها
دم
اشرت بايدي مااكدر وغمضت
عيوني
« عوفيها عبير تره الضربه قويه
وهسه خطيه هي مصطوره
« اريد بس افتهم هاي شكسرها
« من الزوالي خيه،،،،والصوج
صوجي هي سالتني
من طگت العوده
خاف تكع واني كتلها لااا ماعليها
شي
« هااا يمه شلونها هسه
ام عناد صعدت وهي تنهد
وارؤى راحت لزمتها وجابتها
ليم بان،،،الغفت وعبير جاوبتها
«عمه الضربه قويه بس الله سترها
والاشعه طلعت مابيها شي
« سوده بوجهي ،،،يممه شجاها
ووكعت واتكومت فووك
راسج
« قدر عمه والله لطف
عبير حجت وهي كعدت يمها
وحجت وهي تبجي
« يمه بس شفتها جوه الخشب
مااعرف شصار بيه
وكمت اعيط مثل المخبله
« والله ياعمه لوما هي تصير
فوك نور جان بنتي ماتت
ارؤى حجت ببجي وام عناد
جاوبتها
« اسم الله يمه
عليها وعلى نويره وان شاء
الله مابيها شي وادكوم سلامات
سكتت وردت حجت وي
عبير
« يمه تعالي وياي
ولد اختج طگوا من البجي،،،،
« اني نازله عليهم انتي
ظلي يمها
ارؤى حجت هيج وام عناد كامت
وكالت
« اخذيني وياج يمه والله مااكدر
انزل الدرج وخاف اوكع
« تعالي
مشت وي
ارؤى،،،وعبير
ظلت شويه يم اختها ونزلت،،،
،،،،،
اني بالمقر خابرت عذاب
حتى اشوف ابو المواد جاب
الشيش
مال التسليح
دك مره ومرتين وماكوو وبالثالثه
شاله وسمعت صوت عمر
« هلا عمو
« هااا ولك اشو انته تجاوب
وين ابوك
« هاا مو ابويه  اخذ عمه نويره
للمستشفى واني جاوبتك
كمت لحيلي من سمعت كلامه
وصحت بسرعه
« شبيييها بان وليش اخذها
للمستشفى
« وكعت عليها السگيفه مال العنب
وراسها انشگ وفقدت ،،،وابويه
شالها وركض بيها للمستشفى هو
وعمه عبير وامي
« اووويلي يابه لللك صدك تحجي
« اي والله
« ياااااااا يايبه
صح وسديت الخط رأسن
وطلعت بسرعه لسيارتي شغلتها
ورحت للعلم  جانت الدنيا،،،
ليل مدرت بال لروحي،،،،
ولا شراح يصير بيه،،،،،
جنت اريد بس اوصل،،،،
حتى اشوفها
گلبي وجعني،،،،ومااعرف شلون
جنت اسوق
وكلمه شالها عذاب وهي فاقده
خربطت وضعي،،،،
اني بالطريق
خابرت امي،،،،ومجاوبتني
« خرررب وينكم دجابوا،،،مو
راح اتخبل
فصل ودكيت عليها مره ثانيه
وهم ماكو وارؤى من دگيت عليها
جاوبني مصطفى وهم حجه نفس
الكلام ،،،،  ،وخبلني من كلي
السگيفه كلها وكعت عليها وكوه
طلعنها من جواها
سديته واني اصيح
« ليييش وشلون وكعت عليج،،،
وهسه شحالج
اووف يابه شوكت اوصل
دست السياره وجنت بس
اوصل
سيطره اخفف واطلع الهم الباج
،،،،،
بالبيت،،،، عذاب كعد بالهول
وخالته،،،،،، حجت من اجتي
من السوگ هي وبنتها
« ادري شنوو ذني ماعدهن عقل
شلون يشرن الزواليه الثگيله
على السگيفه مال العنب
« خاله احنا من زمان نشر عليها
وماوكعت بس الظاهر اكو شي بيها
وانكسرت على غفله
« اني كلت الهن لاتشرن عليها بس
هنا ماقبلن
« فضونا من هاي السالفه
قدر الله وصار شنسويله نوخره
بايدينا
حجه بضوجه،،،،وعمر جابله
جهازه وكال
« يابه عمو ذيب ،،،خابر
« جيبه يول ،،،
عذاب اخذ الجهاز وفتحه،،وذيب
رأسن حجه
« عذاب شبيها بان ووينها
خوما صار بيها شي
« ولك اوكف شبيك اخذتني
حاصل فاصل
« وللللك احجي مو راح اتخبل
عذاب حجه الصار وذيب
صاح
« جاي اني بالطريق
اخوه كام لحيله،،،،،ودحگ للساعه
وصاح بي من شافها بالتسعه
« وللللك شكوو اجيت بهل
الليل،،،ماتخاف على
روحك
« خررب بروحي تريدني
اظل هناك بعد السمعته
« شكوو يمه
امه طبت. للهول
وسالته من سمعته
يصيح
« ااابنج العاقل جاي هسه
من سمع الصار بمرته
ام عناد لطمت خدها،،،،وحجت
بسرعه
« يمممه شجابه هذا بليل
ولك خلي يرجع،،،،لايصير بي
شي
عذاب راد يحجي بس
شافه ساد الخط خابر علي
ومجاوب
« استغفر الله يارب هذا
منو كله
« هااا ااني يابه من خابر عليك
وانته بالمستشفى
« خررب هلك ابن الچلب شكو
كتله هاااك شوفه،،،اجه مثل المخبل
بهل الليل
« عاد شكو وشنو الصاير حتى يجي
بهل الليل ويجازف بروحه
كميله حجت وارؤى جاوبتها
بضوجه
« اذا على مرته مايجي عليمن
يجي على الحايفات وراه
كميله سكتت وظلت ادحگ
لبنتها،،،،وعذاب كعد ودگ
على اخوه مره ثانيه،،،،وذيب
انطاه رفض
« استغفر الله ياربي،،،هسه
اني بيمن احير
بهاي البنيه الي تأذت لو بذيب
الجاني هسه بهل الوگت
الموزين
اني بالسياره خابرني
عناد وحجيتله الصار وهو
صار عصبي
وكام يصيح
« ولك شلون تطلع وحدك بهل
الليل،،،،،تخبلت خوما تخبلت
« عناد رحمه لابويه،،،لاتصيح
وهياني تره وصلت لايظل
بالك
« ولك بس فهمني،،،،،،عقلك
وين انته موو تعرف وضعنه
« ماظل عقل براسي،،،من سمعت
بيها فاقده واخويه شايلها
للمستشفى
« استغفر الله ياربي ،،،،
سكت ورد حجه وره لحظه
« سلاحك وياك
« ايي،،،،،
« ظل وياي على الجهاز الما
توصل
« ايي عناد
سد الخط وظل ينادي بالجهاز
واني اجاوبه كل مشوار
من وصلت. لديرتنا طمنته ورحت
لبيت اهلي نزلت بسرعه،،،وشفت
السگيفه شلون متگومه،،،بالكاع
مشيت بسرعه وطبيت،،،،
ماسلمت وكبل سالت،،،
« وينها ،،،بان
« مابيها شي،،،يمه لاتخاف
امي حجت وارؤى كملت
« بغرفتها فووك
صعدت واني اسمع شمه تحجي
بسرعه وهي تبجي
عفتها يم امي وصعدت بسرعه
فووك
طبيت وشفت عبير يمها
عيوني راحت الها وشفتها نايمه
وراسها مشدود وهدومها دم
« اووف يابه، ،،،شجاها
هاي ووكعت عليج
حجيت ورحت بسرعه عليها
كعدت يمها وعيوني غوركت،،،من
شفت وجهها ومجرح،،،،وايدها
وجوه عيونها ورام
دنكت وبستها من راسها،،،
وعبير حجت
«ذيب  لاتخاف مابيها شي
ان شاء الله
« عجل ليش نايمه
« الضربه جانت قويه وهم
ضربوها
ابره مسكنه،،،حتى ترتاح وتنام
سكتت دقائق وبعدين سالتني
« عناد اجه وياك،،،
« لااا يابه،،،اني بس سمعت اجيت
بسرعه وعناد ظل هناك
بالمقر
« هااا، ،،،يله اني نازله
جوه يم الجهال،،،،من تگعد
صيحني
دحگت عليها
وهزيت راسي وهي راحت،،
ورجعت صفنت على بان
من شفت شعرها دم ويابس
لاراديا دنكت عليها وحظنتها هي
بالفراش وحجيت
بصوت مخنوك
« ولج شسويت بيه اخذتي
حيلي بس سمعت بيج متاذيه
ومااعرف شلون وصلت
لهنا،،،،اوووف يابه بيه ولا بيج
بي الوجع يالغاليه
بستها من خدها ووخرت كوه
وظليت كاعد يمها،،،،
وادحك عليها،،،،،
وره نص ساعه عبير صعدت
وهي شايله سيف،،،الجان نايم
ووياها ارؤى ،،،،
خلته بالفراش،،،وسالتني
« هااا ماكعدت
« لاا وظل بالي عليها خاف
صار شي بيها
حجيت بقلق،،،،وعبير اجتي
ليمها وكامت ادكعد بيها،،،
كعدت وره دقائق وحجت بصوت
ناصي
« ااخ راسي
« ااوف يابه من اشتعلت السگيف
واهلها
« باان اكعدي ،،،حتى تاكلين
شي،،،،مو زين عليج تظلين نايمه
عبير حجت وكملت
« ذيب كعدها وياي
« وخري اني اكعدها،،،،،
حجيت هيج ورفعتها،،،
سمعت صوت ذيب بس مكدرت
احجي ولا اتحرك من وره وجع راسي
وجسمي المكسر ومن رفعني
خليت وجهي بصدره وكمت
ابجي
ماوخرت وظليت بحظنه وهو ظل
لازمني ويحجي بصوت
مخنوك
« شسويتي بيه ابويه انتي
طيرتي عقلي وجبتني بهل الليل
مثل المخبل
سكتت وهو وخر وكام يوخر
بالشعر من وجهي ،،
وكمل
« شلونج هسه،،،،
« تعبانه وراسي يوجعني
كلش
حجيت كوه،،،،وعبير حجت
« كوومي خلي نغسل الج وجهج
وايديج وركبتج لان كلها دم
« نووور شلونها خوما تأذت
حجيت بسرعه ومن لزمني راسي
رجعت ليوره وكلت
« اااخ يمه
ذيب لزمني وارؤي حجت
« مابيها شي ولوما انتي جانت
ماتت بنتي
حجت وهي تبجي
وذيب كمل من شاف وجهي
انعصر من الوجع
«يارب ،،،،،بس عدي هاي الليله
على خير حتى اوديها باجر
واشوف شصار بيها
« ذيب كومها خلي تغسل
بمي بارد
هي هسه تتنشط  وترد
روحها شويه
« كوومي يابه،،،
لزمت ذيب من حظني وكمت
ويا وهو سندني بجسمه
ووداني للمغسله
غسلت ومن شفت وجهي صاير
خارطه وشعري الدم يابس بي
حجيت
« هااي شنو عبالك واكعه
من فوك السطح
« اقبض صايره فلم وتحشش
علينا
عبير حجت واني،،،ابتسمت
براحه
من شفتها شويه فگت
كملت واخذتها،،،،للغرفه،،
وعفت عبير تبدل الها،،،،،من كملت
عبير طلعت هي وارؤى
وكالت
« ابقى يمها هسه اجيبلكم العشه
هزيت راسي ،،،،،،باي وطبيت
للغرفه وشفتها متمدده،،،،،ومغمضه
عيونها ،،،،،من حست بيه
فتحت عيونها وسالتني
« شمه وينها
« جوه لايظل بالج،،،،عليها
سكتت ورحت ليمها،،،،
وعيوني
على ايدها الكلها جروح وكدمات
كعدت وهي سحبت روحها ليفوك
واني حجيت
« هسه شلونج مو احسن
« اي شويه،،،،
جاوبته والباب اندك،،،،وصوت عذاب
حجه
« دستووور
ابتسمت رغم الوجع،،،واشرت
لذيب
يجيبلي ،،،،،الشال لفيت روحي
وهو،،،، راح فتح الباب لاخوه
طب وهو مبتسم وكال
« السلامه ام سيف ماتشوفين
شر
« الله يسلمك ابو مصطفى،،،
صفن عليه وبعدين حجه
« يولي
هاي  شصاير بوجهج من وره هاي
السگيفه
سمعت ذيب ذب حسره
ودحگ علي وحجه
« والله هسه يجي براسي اروح
اخلي نفط عليها واحرگها وانعل ابوها
لا ابو الساعه السوده السوينها بيها
«ولك ذيب هو ضلع مكسور
شوكعها كلها على نويره
هذا المصفني
« لازم بيها شي ،،،وخلاها تتلايم
على بان
« اي لازم ،،،،اكو شي
عذاب سكت وكمل وياي،
« يابه على سلامتج انتي ونور
الا اذبح طلين باجر
« تسلم ابو مصطفى،،،،،بس
اني الا اوديها باجر للدكتور خلي
يشوفها زين خاف صاير بيها
شي واحنا مندري
« ايي يابه عجل شلون، ،،
لازم تروح ونجيكها خاف عطل
شي بيها
حجه بضحك واني ابتسمت
« يله يابه اخذوا راحتكم وانته
يول خاف تحتاج شي خابر عليه
تره راح نظل كاعدين اني وام
مصطفى
« تسلم يابه ماقصرت،،،
ذيب جاوبه وهو ترخص وطلع
،،،،،،
جنت عبالي مراح اكدر انام
من الوجع
بس من تعشيت واخذت الدوه
رأسن نمت وكعدت، ،،وجه الصبح
فتحت عيوني وشفت ذيب كاعد
كبالي على الكرسي وغافي
جان بعده بهدومه العسكريه،،،،
السوده ،،،
صفنت علي ،،،،ومديت
ايدي اله لاشعوريا
جنت،،،،، اريد الزم ايده
حتى احس بالراحه،،،،،الحسيته
من صرت بحظنه،،،،،البارحه بليل
الوجع خف ونفسيتي
ارتاحت شويه،،،،بس شفت گدامي
تحرك واني غمضت عيوني
وحسيت بي كام وهو يتثاوب
وبعدين صار هدؤ
ايده من لزمت ايدي حسيت
بدفوها وايد الخ لزمت خدي
وحجه بنفس قريب
« باان
فتحت عيوني،،،،وشفت
وجهه قريب عليه كلش،،،،
وحجه
« شلونج هسه،،،مو احسن
هزيت راسي باي،،،وهو تنهد
وكال
« الحمد لله والشكر يارب
وخرت منه وكعدت وهو راح جابلي
مي وانطاني
شربت البطل كله لان جنت عطشانه
كلش وهو كال
« اجيبلج بعد
« لااا مااريد،،،،،تسلم
سكتت للحظه وبعدين دحگت
لسيف وشفته نايم بفراش شمه
الي جانت نايم بالكاع
سندت روحي ليوره
وغمضت عيوني وفتحتهن من سمعته
فتح الكنتور طلع هدوم وحجه
« اروح اسبح حتى اتنشط
شويه لادكومين ،،،وحدج
« ايي
جاوبته وهو راح،،،،سبح بسرعه
واجه وهو لابس تراك
زيتوني،،،،،
« تغسلين،،،،وجهج
« اي والله ياريت ،،،
جاوبته وكمت وهو اجه رأسن
ولزمني ردت احجي واكول مابيه
شي بس من شفت روحي ملت
ليوره لزمت بقوه وهو حجه
« هااا دختي
« ايي
« لاتتحركين،،،الا تحسين بروحج
كدرتي تمشين عدل. ،،
ذيب ظل وياي وماعافني،،،،
واخذني للدكتور العصر هو وعبير
والحمد لله طلع مابيه شي
ومن رجعنا،،،،ثاني يوم عذاب
ذبح على،،،،،، سلامتنا اني ونور
اهتمام ذيب بيه وخوفه،،،،،
شفت اثره بزمن الي انتبهت الها
ادحگ عليه بحقد،،،،،،،،،وغيره
وارؤى وعبير هم انتبهوا الها
ونبهوني منها ،،،،وارؤى كالت
من يطب ذيب لو ينزل،،،،تظل لازكه
بي وتروح تصبله الغده ،،،وتضحك
بوجهه وتشاقه ويا يس هو لابسها
ومايحجي وياها،،،،،وحتى
حجه وي امه. وعذاب
وكال الهم سوو حل لهاي
خلي تنكلع
يم اخوها تره بالقران لعبت نفسي
منها،،،،
عمه سكتته وكالت لخاطري اسكت
واني بس تهدأ الامور
ارجعهن لبيتهن
صفنت وي نفسي ،،من شفت ذيب
هيجي حجه وكلت معقوله
اني جنت ظالمته ،،،،،
شك صار بگلبي،،،،واكده خوفه علي
ومجازفته بروحه من اجه
بليل حتى يشوفني،،،،،
والصار بعدين اكدلي،،،،،ذيب
مايكدر يخوني، ،،،قبل لايلتحق
اخذني،،،، وشال السيم من الجرح
من رجعنا جهازه دك،،،،
شاف الرقم وانطاه رفض وهو
ضايج،،،،،
بعدين هم دك رفضه
وعيوني راحت
اله وشفته حظره وشمر الجهاز
بضوجه
قبل لانوصل،، للبيت وكف وراح
يشتري جگاير وحلويات للجهال
عيوني ظلت على جهازه
الما رجع،،،،وصلنا وصعدنا سوه
وهو ذب جهازه على الميز ونزل
جوه حتي يشوف عذاب شيريد منه
من طلع قفلت الباب
ورحت اخذته
وفتحته ،،،،،،،،لان اعرف
الرمز كلبت بسرعه وشفت
رسايل على الماسنجر من بنات
بس اكثر وحده هي وحده
اسمها غصون
عقلي سجل،،،،شلون حاجي
عليها ومرزلها وكايل الها
اني عندي مره تسوه راسج
وتراب
رجليها ،،،،،ماابدل بوحده مثلج
ابتسمت وارتاحيت كلش،،،،من
قريت الكاتبه،،،
والشگ الجان بگلبي شويه
شويه كام يروح
والصار بعدين خلاني اعرف اني
ظلمت ذيب ،،،،وكلامه جان صدگ
من جان يكول
(الظلمنا واحد وراح يجي يوم
والحقيقه تظهر وذيج الساعه
راح ادورين رضاي وهو ماكو)
يِّتّبِعٌ

اوتار حزينه