កិត្តិយស ឬ ស្នេហា

Episode 9: ប្រចណ្ឌ័រៀងខ្លួន

រាងកាយតូចត្រូវដើរទៅតាមកម្លាំងអ្នកម្ខាងទៀតជាអ្នកអូសមកយ៉ាងទីណាត់ទីណែងទម្រាំតែមកដល់កន្លែងស្ងាត់ពីភ្នែកច្រមុះអ្នកដទៃ

"មានរឿងអ្វីឬ sunghoon?" រាងតូចសួរបែបមិនយល់ការដែលសុខៗក៏ត្រូវនាយអូសមកបែបនេះ

"អូនកំពុងតែធ្វើអ្វីមានដឹងខ្លួនទេ"ដោយខឹងផង
ប្រចណ្ឌ័ផងទើបនាយនិយាយបែបគំហកទៅកាន់រាង
តូច

"អូន? គ្មានអ្វីដែលមិនប្រក្រតីផង"នាយតូចនៅតែឆ្លើយតាមបែបមិនយល់សាច់ការ

"ចុះកាលដែលអូនទៅប្រលែងលេងជាមួយ Niki
នោះជាអី"អ្នកម្ខាងទៀតនៅតែគំហកដដែល

"ប្រលែង? អូនគ្រាន់តែនិយាយលេងសើចធម្មតាតាមបែបអ្នកស្គាល់គ្នាប៉ុណ្ណោះ"

"អូរ! បងទើបតែដឹងថាអូនជាមនុស្សរួសរាយដល់ថ្នាក់នេះសូម្បីតែអ្នកដែលទើបតែស្គាល់គ្នាក៏អូនអាចស្និទ្ធស្នាលបែបនេះជាមួយដែរ"

"បងកុំអត់ហេតុផលពេកបានទេ ជាធម្មតាទេពេលធ្វើការជាមួយគ្នាតែងតែត្រូវសួរនាំគ្នាខ្លះហើយគ្មានអ្វីចម្លែកទេ"

"តែបងមិនចូលចិត្ត"នាយនិយាយតាមបែបប្រចណ្ឌ័អីបែបនេះ

"ចុះបងស្មានតែអូនចូលចិត្តកាលដែលបងស្និទ្ធស្នាលនិងអ្នកនាង Wendy ឬ?"អ្នកម្ខាងទៀតក៏តម្លើងសរសៃរកតបវិញ

"តែបងនិងនាងគ្រាន់តែធ្វើការជាមួយគ្នាប៉ុណ្ណោះ ការសម្ដែងគឺបែបនេះឯង"

"ការងារអូនក៏បែបនេះដូចគ្នា"អ្នកទាំងពីរហាក់ដូចជាមិនចាញ់គ្នាប៉ុន្មានឡើយគឺប្រចណ្ឌ័រៀងខ្លួនតែម្ដង

"Sunoo?"

"បានហើយបងឆាប់ទៅវិញទៅបើមានអ្នកមកឃើញគឺមិនល្អទេ" ដោយមិនចង់មានរឿងតឹងសរសៃកដាក់គ្នាច្រើនរាងតូចសុខចិត្ដជាអ្នកចុះចាញ់មុនចុះ

"កាលដែលអូននៅជិតនិង Niki ក៏មិនមែនជារឿងល្អដែរ អូនកុំភ្លេចណាថាគេក៏ជាតារាដូចគ្នាបងមិនចង់ឲ្យមានរឿងដល់អូន"

"បងកុំភ័យអី អូនមិនឲ្យរឿងបែបនោះកើតឡើងទេ"
ដោយមិនចង់និយាយច្រើនរាងតូចក៏ដើរចេញទៅមុនបាត់ទៅ