البارت 5
#تحت قيده
زينة: اكتشفنة ان امي عدهة انسداد بشرايين القلب
ولازم اتسوي عملية باوعت ع ايهم وشفت نظرات
الحيرةوالحزن ع ملامح اخوية اول مرة احسة عاجز مايعرف شيسوي ركزت عليه لگيت عيونة حمر ومدمعات
سويت روحي مامنتبهة عليه حتة مايخجل مني اعرف
اخوية كلش زين ميريد انشوفة ضعيف وعاجز بالنسبة
الة دائما ايريد ايكون بنظرنة هو القوي والحايط الي
نستند عليه من نوکع جنت انقهر عليه من اشوفة يكتم
حزنة حتة الحزن مايکدر ايعبر عنة
طلعني صوتة من تفكيري بيه وبامي
ايهم: زينة ديربالج ع امي ورسل واي شي يصير اتصلي
علية اني رايح لشغلي واجيكم بالليل
وضل ع هاي الحالة بالاسابيع يومية ايروح من مصباح
الصبح ويرجع بالليل جنت اشوف التعب بملامحة
بيوم من الايام جان نايم ع الكرسي يم امي مايدري
بروحة من التعب اتقربت عليه من شفت ايدة شكلهة غريب من بعيد حتة ماحس علية من لزمت ايدة وهنا
ماتحملت ماتحملت واني اشوف منظرة المتبهذل وايدة
كلهة تشققات وجروح عرفت من ايدة هوة يشتغل
عمالة امبين من التشققات القوية ضليت اتلمسهة
واشوف الجروح الي بأيدة ماتحملت گمت ابجي
وطلعت من الغرفة وكمت ابجي ع حالنة شلون اخوية
ديتبهذل حتة ايوفر فلوس المستشفى والعلاج لامي
ومن ناحية ثانية امي المسكينة الي نايمة بالفراش
ويحتاجلهة عملية واحنة ماعدنة كوة مدبرين فلوس
العيشة
زينة: يارب افرجهة علينة يارب اترجااك يا من تستجيب
دعوة الداعي اذا دعاه يارب گوم امي بالسلامة وانطي
صحة والعافية الاخوية اعرف كل هذا اختبار منك النة
حتةتعرف شگد قوة صبرنة وتحملنة اعرف
الي احنة بيه شدة وراح تزول ان شاء الله
ورة اسبوع استقرت حالة امي الحمد الله وكدرنة
انطلعهة من المستشفى ورسل هية الي تعتني بيهةبما
ان عدهة عطلة الحمد الله نجحت بتفوق من السادس
سودة علية حتة ماگدرت تفرح بنتيجتهة الي جانت
