البارت 9
# تحت قيده
البارت 9
# تحت قيده
اول مانزع القناع انصدمت من شافتة نفسة اي هو
نفسةالي سكن بگلبهة وعقلهة ومن يوم ماشافتة ماگدرت
اطلعة من بالهة مايدري ان هية الي جانت ادور علية
وتفوت من هذا الطريق علمود بس تشوفة
منار بصدمة: هذا انت
ايهم بخبث: عفية عليج متذكرتني
منار بگلبهة: ليش انت طلعت من بالي
ايهم: شو سكتي
منار وهية تتصنع القوة: ليش خطفتني
ايهم بخبث: حزري
منار بعصبية: شنو حزري ماحزري هية لعبة سألتك سؤال
ليش خاطفني باعتلة بصدمة دقيقة دقيقة لاتكول شي
ردت انطيك فلوس عربون شكر ع مساعدتك الية
ايهم ابرود: لا مو لهذا السبب رغم ان انتي تستاهلين الي
يصير بيج بس مو هذا السبب
منار بأستغراب: لعد ليش خاطفني
ايهم: عدنة شغلة يم ابوج ترجع ونرجعج لاهلج
منار: اذا محتاج فلوس اني انطيك
ايهم: لج انتي شنو كلشي عندج فلوس لا ماريد فلوسج القذرة
منار بصراااخ: لعدد شتررريد. اذا مو فلوس
ايهم صرخ عليهة بصوت عالي خلاهة تخنس وتحشر نفسهة بخوف بالحايط
ايهم بعصبية وعيونة تجدح: ولله اذا سمعتج عليتي
صوتج مرة ثانية علية ماتتوقعين شنو الي راح اسويه
بيج باعلهة من فوك لجوة خلاهة ترتبك وتحاول تغطي بروحهة
ايهم بأستهزاء: لاتخافين ماراح اتقربلج مو انتي الصنف
الي يعجبني كلج ماتهميني يامغرورة خلة اصبعة ع
راسهة وضل يدمغ بيهة خلي هذا الشي بعقلج القذر
مايدري بكلمتة هاي جرح مشاعرهة اكثر واكثر جانت
ڪلماتة الجارحة مثل طعنات سجين بگلبهة ولد من
خلالهة حقد بداخلهة عليه
من بعد يوم طويل متعب ع بطلتنة نامت ع الکاع
الوسخة من تعب بدون ماتدري بروحهة جانت ايدهة
مقيدة بأصفاد من حديد بنهاية هاي اصفاد سلسلة طويلة
متصلة بالحايط فتحت عيونهة بصعوبة ع صوت
الباب من انفتح
دخل ايهم وبإيدة صينية صغيرة بيهه بتيتة وشوربة هو مسويهن وياهن کرصة صغيرة من خبز وخلاه يمهة بالگاع
