البارت 14
#تحت قيده
من بعد ما سوالهة ايهم كمادات غفة من التعب بصفهة
نايم وخال راسة ع مخدة قريب من راسهة وجسمة ساندة ع الكرسي الي يمهة
الساعة ب .. : ١ بالليل فز من نومة باوع عليهة لگاهة
بعدهة نايمة وتونون خلة ايدة ع کصتهة اتفاجأ من
شاف بعدهة حرارتها مرتفعه وترجف
اخذ تلفونه واتصل على رقم طلع مغلق
أيهم بعصبية : لخاطر الله شوكت تبطل تغير ارقامك
اتصل على اركان
أركان : هلا بالغالي أمرني
أيهم : هلا اركان .. اكلك شوفلي أمير رقمه الجديد شنو وضعه اريده يجيني هسه
أركان بأستغراب : ليش مريض انت
أيهم التفت على منار الي نايمه وتهلوس
أيهم : لا منار
أركان : هاهيه هسه اخابره وراح ادزلك رقمه الجديد وامر عليه ونجيكم
أيهم : ماشي خلي يستعجل
غلق الخط وبقى مقابل منار واخذ الجاكيت مالته يغطيها بي لان ترجف حيل
أيهم بأبتسامه : حتى البرد ما تحملتي لهدرجه ترفه لو شنو
اقل النص ساعه ويندك الباب
راح ايهم فتحها وجان اكو شاب واكف يطلع بعمر ايهم ووياه اركان
أمير بصراخ : لك الحبيييب الغااااالي تاج راسي وراس الخلفوني كالو محتاجني
أيهم وهو يسد اذنه : امير بشرفك انجب وصوتك المقزز لا ترفعه
أركان : هيج احسلك الا تنهان
أمير : معليك هاي علامات المحبه
أيهم : دنجبببب
أمير : عيب عليك تعوفني واكف ع الباب
أيهم وخر من الباب ودخلو وراه
دخل أمير وباوع ع البيت مستغرب شكله شكد قديم وتعبان
أيهم : اعتقد اركان وضحلك الموضوع
أمير : اي بس وينها البنيه
أيهم : تعال جوه بالغرفه
دخل أمير للغرفه وشاف حالتها وأركان واكف بباب الغرفه
تقرب أمير من منار يقيس حرارتها وشافها شلون مرتفعه وتهلوس
أمير : لك أيهم البنيه راح تموت حرارتها نار كل عقلك مبقيها نايمه بهل غرفة الثلج
أيهم ببرود : وشسويلها يعني وين اخليها
أمير باوع لأركان : هذا صاحبك المطي منين جايبه يكلي شسويلها لعد شلون يريدها تصير زينه
