#تحت قيده
البارت 20
طلع سليم بسيارتة من بعد ماوصلني لبيتي واخذ
موافقتي بالزواج وجان كلش فرحان شي وافقت عليه
اما بالنسبة الية رحت للبيت ركض خجلانة من نظراتة
الجريئة الية مكدرت وكتهة اتحكم بمشاعري ففضلت
انهزم منة قبل لا اوكع ضحية بحر عيونة الزرك الي كل
ماانظر الهة ا وكع غريقة بحورة
فتحت عيوني بصدمة واني خايفة لايكون شافنة لان
جنت ع بعد. مسافة صغيرة عن بيتنة اكيد شافني
واني نازلة من سيارة سليم
زينة بأرتباك أ... أ... اركان ش... شتسوي هنا..
طلعت كلماتي متقطعة بسبب توتري خفت لايكون شافنة
وبعدين ايروح يكول لاخوي ايهم واحنة بعد ماكو شي
رسمي بيني وبين سليم
اركان وهو عاگد حاجبة بأنزعاج شكو شبيج خايفة ومنو
هذا الي جنتي صاعدة وياه بالسيارة
معرفت شكولة اكيد شاف كل شي صار بالسيارة جان
كلبي يدك الف دكة بخوف حسته يباوعلي بنظرات اتهام
وشك جني جنت اسوي شي غلط
طلعني من صفنتي ويا نفسي من حجة بحدة
اركان: شبيج زينة ماتردين منو هذا الي جنتي وياه بالسيارة
زينة بتوتر: لا هذا ابو طفلة ويانة يعني ب بنتة
ويانةبالروضة فمنجنت اأ.. مشي شافني بالصدفة
بالطريق و... وعرض علية يوصلني ب. طريقة
مرة ثانية طلعت كلماتي متقطعة بسبب توتري او يظن
بيه ضن السوء ويشكي لايهم علية
اركان بحدة:ونو هذا سبب ايخليج تصعدين سيارتة
بلة شافج اخوج لو احد من جوارين شراح يكول عنج
زينة:هاي شبيك اركان جاي تخزر بيه الرجال راد
يساعدني من جانت الدنية تمطر وماكو سيارات للبيت
فجنت مضطرة اصعد وياه واخوية اكيد يثق بيه
ويعرفني ماسوي شي غلط نهيت كلامي بحدة
اومأ براسة الية وحيستة مااقتنع بكلامي عگدت حاجبي
بأستغراب الي اعرفة جان بالموصل ويا ايهم اشجابة
هنا
زينة بأستغراب: بس مو جنت مسافر ويا ايهم شجابك
هنا وايهم اجة وياك حجيت كلماتي الاخيرة بحماس
